ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարար Ժաննա Անդրեասյանն այցելել է ՀՀ ԳԱԱ Հնագիտության և ազգագրության ինստիտուտ՝ հանդիպելու աշխատակազմին, գիտական համայնքի ներկայացուցիչներին և քննարկելու ոլորտում առկա խնդիրները։
Հանդիպմանը ներկա է եղել նաև Բարձրագույն կրթության և գիտության կոմիտեի նախագահ Սարգիս Հայոցյանը։
ԿԳՄՍ նախարար Ժաննա Անդրեասյանը ողջունել է ներկաներին` կարևորելով ոլորտին վերաբերող հարցերի բաց քննարկումները և արդյունավետ երկխոսությունը։ Նախարարը շեշտել է գիտության ոլորտի քննարկումներում հասարակագիտական, հումանիտար և բնագիտական ուղղությունների միջև համաչափության պահպանման անհրաժեշտությունը։
«Կարևոր եմ համարում քննարկումների և հանրային խոսույթի ձևավորումը` հումանիտար և հասարակագիտական բնագավառների նշանակության վերաբերյալ` հաշվի առնելով այս ուղղությունների ազդեցությունը հասարակության զարգացման համատեքստում։ Գիտության ոլորտում համաչափության պահպանումը առաջնային խնդիր է, որը կարևոր է նաև հանրային ավելի լայն շրջանակներում ոլորտային տեսանելիությունը բարձրացնելու տեսանկյունից»,- ասել է Ժաննա Անդրեասյանը՝ հավելելով, որ ԲՏՃՄ ուղղությունների զարգացման մասին վերջին շրջանում ավելի շատ է խոսվում, ինչը սակայն չի նշանակում, թե հասարակական և հումանիտար ուղղությունների զարգացումը գիտության զարգացման օրակարգում երկրորդական է դիտվում:
Նախարարը կարևորել է նաև բարձրագույն կրթության և գիտության ոլորտներում նախատեսվող փոփոխությունների, դրանց առնչվող խնդիրների շուրջ մասնագիտական կարծիքներն ու անկեղծ քննարկումները` հետագա անելիքներն ու առաջնահերթությունները կանխորոշելու տեսանկյունից։
Անդրադառնալով Հնագիտության և ազգագրության ինստիտուտի գործունեությանը՝ Ժաննա Անդրեասյանը շնորհակալություն է հայտնել ինստիտուտի գիտաշխատողներին՝ հետաքրքիր, բարդ ու պատասխանատու աշխատանքի համար, որի արդյունքն ու ձեռքբերումը նկատելի են ոչ միայն Հայաստանում, այլև միջազգային հարթակներում:
«Ձեր անմիջական ջանքերով 29 տարի անց Արագածոտնի մարզի Տիրինկատար հնավայրի վիշապաքարերը և մշակութային լանդշաֆտի վերաբերյալ հայտը ընդգրկվեց ՅՈՒՆԵՍԿՕ-ի համաշխարհային ժառանգության նախնական ցանկում, որը ոլորտի համար մեծ ձեռքբերում է։ Միասին դեռ շատ անելիքներ ունենք»,- ասել է նախարարը։
Հնագիտության և ազգագրության ինստիտուտի տնօրեն Արսեն Բոբոխյանը տեսասահիկով ներկայացրել է կառույցի գործունեությունը, ձեռքբերումները, առկա խնդիրները։
Հանդիպումն անցել է հարցուպատասխանի ձևաչափով. գիտնականները նախարարին բազմաթիվ հարցեր են ուղղել, որոնք վերաբերել են ինստիտուտի կարիքների գնահատմանը, ակադեմիական քաղաք ծրագրին, բուհական և ակադեմիական կառույցների միջև համագործակցության ճկուն և գործուն մեխանիզմների ներդրմանը, ապագա մասնագետների պրակտիկ գործունեությանը, հուշարձանների պահպանությանը և այլ խնդիրների։
Գիտնականներն առանձնակի կարևորել են նաև գիտական աշխատանքի արդյունավետության չափելիությունը, գիտական աշխատանքի խրախուսումնն ու գնահատումը։ Անդրադարձ է եղել նաև գիտնականների ատեստավորմանը, միջազգային գիտաժողովներին մասնակցությանը, տեղական և միջազգային գիտական հանդեսներում, այդ թվում՝ «Սկոպուս» գիտական շտեմարանում հրապարակումներին, ինչպես նաև ոլորտում սոցիոմշակութային մարդաբանությունը որպես նոր ուղղություն ներդնելու կարևորությանը, հայկական գիտական ինդեքսավորման համակարգի ստեղծմանը, հայագիտության կարևորմանն ու զարգացմանը։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
