ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նիստում առաջին ընթերցմամբ քննարկվել է «Կրթության մասին» օրենքում փոփոխություններ և լրացումներ կատարելու մասին օրենքի նախագիծը:
Առաջարկվող փոփոխությունները ներկայացրել է ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանը: Նրա խոսքով՝ նախագծով առաջարկվում է սահմանել լիազորող նորմ արտադպրոցական ուսումնական հաստատությունների մանկավարժների և վարչատնտեսական աշխատողների պաշտոնների անվանացանկը և նկարագրերը սահմանելու վերաբերյալ: Մյուս փոփոխությունն ուղղված է արտադպրոցական հաստատությունների ֆինանսավորման կարգին:
«Ներկայում գործում են արտադպրոցական կրթություն իրականացնող համայնքային և պետական ենթակայության տարբեր հաստատություններ, մասնավորապես՝ 238-ը՝ արվեստի, 174-ը՝ սպորտի ոլորտում: Այս ուսումնական հաստատությունների ֆինանսավորումը խիստ տարբեր է՝ պայմանավորված ենթակայությամբ: Նախատեսում ենք ունենալ լիազորող նորմ, որով կկարգավորվեն պետական բյուջեից ֆինանսավորման ընթացակարգերը»,- նշել է Արաքսիա Սվաջյանը:
Նրա խոսքով՝ մյուս փոփոխությունը վերաբերում է արտադպրոցական կրթական ծրագրերի բովանդակությանը: Օրենքով սահմանվում է, որ դրանք պարտադիր պետք է երաշխավորված լինեն: Սա հատկապես կարևոր է քաղաքացիների՝ եկամտային հարկից սոցիալական ծախսերի փոխհատուցում ստանալու հնարավորության ընդլայնման տեսանկյունից:
Անդրադառնալով սոցիալական կրեդիտի վերադարձին՝ Արաքսիա Սվաջյանը տեղեկացրել է՝ ԿԳՄՍ նախարարությունն արդեն ՀՀ պետական եկամուտների կոմիտեին է փոխանցել բոլոր ուսումնական հաստատությունների ցանկերը, այդ թվում՝ արտադպրոցական հաստատությունների, մասնավոր մանկապարտեզների, դպրոցների, որոնց ծառայությունների դիմաց կատարած վճարները ենթակա են վերադարձի: Ընդ որում՝ արտադպրոցական ուսումնական հաստատությունների պարագայում փոխհատուցման է ենթակա միայն անկանխիկ եղանակով կատարած վճարը: Նախարարի տեղակալի խոսքով՝ այժմ շրջանառվում է նաև ոչ ֆորմալ կրթական ծրագրերի երաշխավորման կարգը, որում հստակեցվել է, թե դիմելուց հետո ինչ ժամկետում և ինչ փուլերով է իրականացվելու փորձաքննության և երաշխավորման գործընթացը:
Նախարարի տեղակալի խոսքով՝ նախագծով առաջարկվում է նաև կարգավորել արտադպրոցական ուսումնական հաստատությունների ընդունելության ընթացակարգերը: Նա նշել է՝ ոլորտային առանձին օրենքներով սահմանված է նախադպրոցական, հանրակրթական, նախնական ու միջին մասնագիտական ուսումնական հաստատությունների տնօրենների համար ներկայացվող հավաստագրման պահանջը: «Կրթության մասին» օրենքով առաջարկվում է մեկ միասնական ընթացակարգով կարգավորել հավաստագրման գործընթացը:
Արաքսիա Սվաջյանի հիմնավորմամբ՝ երեխաների կրթության և դաստիարակության գործընթացում մտահոգիչ է արտադպրոցական կրթության ոլորտում առկա ոչ միասնական մոտեցումների կիրառումը: Արտադպրոցական ուսումնական հաստատությունների ցանցը ձևավորվել է դեռևս խորհրդային տարիներին, և առ այսօր որևէ իրավական ակտով սահմանված չեն արտադպրոցական ուսումնական հաստատության մանկավարժական և վարչատնտեսական աշխատողների անվանացանկերը։
Ներկայում գործող ֆինանսավորման բանաձևը հնարավորություն չի տալիս արտադպրոցական կրթության կազմակերպման գործընթացն իրականացնել միանման սկզբունքով, չի ապահովվում միջգերատեսչական պատշաճ համագործակցությունը, պետական բյուջեից ֆինանսավորվող ծրագրերի թափանցիկության ապահովման բարելավման խնդիր կա:
Օրենքի նախագծով, մասնավորապես, առաջարկվում է սահմանել այն հիմնական դրույթները, նպատակները, խնդիրներն ու զարգացման ուղիները, որոնք համընդհանուր են արտադպրոցական կրթության ոլորտում և կարող են որակի բարելավման նոր նախադրյալներ ստեղծել։
Նախագիծը սահմանված կարգով ստացել է գլխադասային հանձնաժողովի դրական եզրակացություն:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
