ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր ընդունել է Գերմանական ակադեմիական փոխանակման ծառայության (DAAD) գլխավոր քարտուղարի տեղակալ Միխաել Հարմսի գլխավորած պատվիրակությանը:
Հանդիպմանը մասնակցել են ԿԳՄՍ նախարարի տեղակալ Արթուր Մարտիրոսյանը, ԿԳՄՍՆ բարձրագույն կրթության և գիտության կոմիտեի նախագահ Սարգիս Հայոցյանը, Թբիլիսիում DAAD տարածաշրջանային գրասենյակի ղեկավարը Ռեուլ Գեբհարդը, տարածաշրջանային գրասենյակի այլ ներակայացուցիչներ, ինչպես նաև Գերմանիայի կիրառական գիտությունների 19 համալսարանների ղեկավարներ:
Ողջունելով հյուրերին՝ Ժաննա Անդրեասյանը կարևորել է Գերմանիայի Դաշնային Հանրապետության հետ կրթության ոլորտում համատեղ ծրագրերի իրականացումն ու երկկողմ համագործակցության զարգացումը: Նախարարը նշել է, որ Հայաստանը բարձրագույն կրթության համակարգի ակտիվ բարեփոխումների փուլում է, և միջազգային գործընկերների հետ քննարկումներն ու փորձի փոխանակումը կարևոր նշանակություն ունեն:
Ներկայացնելով մշակման փուլում գտնվող «Բարձրագույն կրթության և գիտության» մասին նոր օրենքի նախագիծը` նախարարն ընդգծել է, որ այն ուղղված է ՀՀ բուհերի մրցունակության ու արդյունավետության բարձրացմանը:
«Կիրառական գիտությունների ուղղությունն առանձնահատուկ նշանակություն ունի մեզ համար՝ հանրային և տնտեսական զարգացման տեսանկյունից: Այս տեսանկյունից կարևոր է ուսումնասիրել ձեր փորձն ու համագործակցության ուղիներ գտնել»,- ասել է Ժաննա Անդրեասյանը:
ԿԳՄՍ նախարարը նաև ներկայացրել է «Ակադեմիական քաղաք» ծրագիրը, որի իրականացմամբ Հայաստանում ստեղծվելու է կրթագիտական նոր միջավայր՝ բարձրագույն կրթության և հետազոտության համար միջազգային բարձր չափանիշների սահմանմամբ: Նշվել է, որ ծրագրի շրջանակում հայկական կողմն համագործակցում է Մյունխենի տեխնիկական համալսարանի, ինչպես նաև գերմանական մի շարք կազմակերպությունների հետ գլխավոր հատակագծի մշակման և մի շարք այլ աշխատանքների ուղղությամբ:
«Ակադեմիական քաղաքը պատկերացնում ենք որպես կրթական և հետազոտական բարձրորակ միջավայր բուհերի և գիտական կազմակերպությունների համար: Միջազգային բուհերի հետ համագործակցությունը մեզ համար առանցքային նշանակություն ունի. ակադեմիական քաղաքում կարող են ներկայացված լինել նաև միջազգային բուհերը»,- ասել է Ժաննա Անդրեասյանը:
ԿԳՄՍ նախարարը երկկողմ համագործակցության համատեքստում ընդգծել է նաև Գերմանական ակադեմիական փոխանակման ծառայության դերակատարությունը: Ժաննա Անդրեասյանը շնորհակալություն է հայտնել արդյունավետ համագործակցության համար՝ նշելով, որ DAAD-ի միջոցով Գերմանիայի բարձրագույն կրթության ոլորտը հասանելի է դարձել նաև Հայաստանի ուսանողներին և դասախոսներին:
Բարձրագույն կրթության և գիտության կոմիտեի նախագահ Սարգիս Հայոցյանը ևս ողջունել է հյուրերին և առավել մանրամասն ներկայացրել բարձրագույն կրթության համակարգում իրականացվող բարեփոխումները: Նա, մասնավորապես, անդրադարձել է բուհերի խոշորացման և գիտական կազմակերպությունների հետ ինտեգրման գործընթացին, բուհական կրթական ծրագրերի խոշորացման և վերանայման համատեքստում միջազգային բուհերի հետ գործընկերության կարևորությանը, ինչպես նաև համատեղ կրթական ծրագրերի մշակման ինստիտուցիոնալացմանը:
Ողջույնի խոսքով հանդես է եկել նաև Գերմանական ակադեմիական փոխանակման ծառայության (DAAD) գլխավոր քարտուղարի տեղակալ Միխաել Հարմսը՝ ներկայացնելով Գերմանիայի բարձրագույն կրթության համակարգը, ինչպես նաև Գերմանիայում կիրառական գիտությունների համալսարանների միջազգայնացման ուղղությամբ կատարվող աշխատանքները: Կողմերը կարևորել են Հայաստան-Գերմանիա համագործակցությունը, ՀՀ բուհերի հետ համատեղ ծրագրերի իրականացումը:
Գերմանական ակադեմիական փոխանակման ծառայությունը կրթաթոշակների տրամադրման և ակադեմիական փոխանակման առաջատար կազմակերպություններից է աշխարհում: DAAD-ի ծրագրերն աջակցում են ուսանողներին, գիտնականներին և հետազոտողներին՝ հնարավորություն տալով սովորել, հետազոտություններ իրականացնել կամ դասավանդել Գերմանիայում։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
