Լազուր երկնքում ճախրեցին խաղաղության խորհրդանիշները

Նոյեմբերի 8, 2017

Դպրոցական անցուդարձ

Մասիս քաղաքի Վահրամ Բաբայանի անվան N2 հիմնական դպրոց էին հյուրընկալել ՄԱԿ-ի հայաստանյան թիմի ներկայացուցիչները  «Կայուն դպրոցական սնունդ» ծրագրի շրջանակներում: Նրանք դպրոցի խոհարարների հետ միասին մատուցեցին աշակերտներին օրվա տաք սնունդը,ճաշակեցին, երեխաների հետ զրուցեցին նրանց առօրյայի մասին:

Հանդիպման 2-րդ՝ գործնական մասը շարունակվեց նիստերի դահլիճում: Դպրոցի տնօրեն տիկին Արևհատ Նազարյանը հյուրերին ներկայացրեց 2014 թվականից առ այսօր դպրոցում իրագործված  տաք սննդի կազմակերպման ծրագրի ռազմավարական խնդիրները,կարևորեց աշխատանքային թիմի կազմակերպչական պատրաստվածությունը:

-Հայտնի փաստ է, որ տաք սնունդը տարրական դասարանների աշակերտների համար առողջության, հաճախելիության և կրթության որակի ցուցանիշ է,- իր խոսքում նշեց տիկին Ա.Նազարյանը:

ՄԱԿ-ի գրասենյակը դպրոցին նվիրեց ձեռքերի չորացման սարքեր,որի համար դպրոցի ողջ անձնակազմը իր խորին շնորհակալությունն է հայտնում դպրոցի հայաստանյան բարեկամ ՄԱԿ-ին:

   Հյուրերի համար դպրոցը ևս անակնկալ էր պատրաստել. փոքրիկները բանջարեղենների և մրգերի կերպարներով շնորհավորեցին ՄԱԿ-ի ներկայացուցիչներին հայաստանյան գրասենյակի հիմնադրման 25-ամյակի կապակցությամբ:

      Դպրոցի ողջ անձնակազմը՝ հանձինս տնօրեն տիկին Արևհատ Նազարյանի ջերմորեն ողջունում և շնորհավորում է ՄԱԿ-ի բոլոր աշխատակիցներին՝ հանձինս գրասենյակի մշտական համակարգող պարոն Բրեդլի Բուզետտոյի,մաղթում բազում 25-ամյակներ իրենց մարդասիրական առաքելության և աշխարհի կայուն զարգացման գործում:

Տնօրինություն