«Կառուցում ենք տեղեկատվական հասարակություն» մրցույթի ամփոփումը

Դեկտեմբերի 27, 2017

Լուրեր կազմակերպություններից

Կրթության ազգային ինստիտուտի Ինֆորմատիկայի և տեղեկատվական տեխնոլոգիաների բաժինը և «Կանայք և տեղակատվական հասարակությունը» ՀԿ-ի հետ համատեղ ՀՀ բոլոր հանրակրթական դպրոցների համար կազմակերպեց «Կառուցում ենք տեղեկատվական հասարակություն» մրցույթը՝ «Արհեստական ինտելեկտի դրական կիրառման հնարավորությունները» խորագրով: Մրցույթի անցկացմանը աջակցեցին Տեղեկատվական և հաղորդակցության տեխնոլոգիաների գործատուների միությունը, «Յունիքոմփ» ընկերությունը, Առաջին բիզնես դպրոցը ՀՀ ում և «Թիմ-Թայմ» ընկերությունը:

Միջոցառմանը ներկա էին ՀՀ ԿԳՆ ԿԱԻ տնօրեն Նորայր Ղուկասյանը, ՀՀ ԿԳՆ ներկայացուցիչներ, դպրոցների տնօրեններ, ուսուցիչներ, աշակերտներ:

Մրցույթի նպատակն էր օգնել դպրոցականներին տեղեկատվական և հաղորդակցման տեխնոլոգիաների (ՏՀՏ) բնագավառում կարիերայի ընտրության հարցում: Տեղեկատվական հասարակություն կառուցելու համար տեխնոլոգիաները կիրառվում են մեր կյանքի բոլոր ոլորտներում և սա է պատճառը, որ ՏՀՏ մասնագետների պահանջարկը բավական մեծ է և երկար տարիներ այդ տենդենցը շարունակվելու է մեր երկրում և ողջ աշխարհում:

Մրցույթին մասնակցեցին տարբեր մարզերի հանրակրթական դպրոցների 456 աշակերտներ, որոնք էլեկտրոնային գործիքների միջոցով ստեղծեցին վեբ-կայքեր, տեսահոլովակներ, շնորհանդեսներ, Էլեկտրոնային թեստեր հետևյալ թեմաներով.

• Արհեստական ինտելեկտը բժշկության մեջ
• Արհեստական ինտելեկտը կրթության մեջ
• Արհեստական ինտելեկտը ֆինանսներում
• Արհեստական ինտելեկտը գյուղատնտեսության մեջ
• Արհեստական ինտելեկտը տրանսպորտում
• Արհեստական ինտելեկտը բնապահպանության մեջ
• Արհեստական ինտելեկտը կառավարման մեջ:

Ծրագիր-մրցույթի ամփոփումը տեղի ունեցավ ս/թ դեկտեմբերի 26-ին ԿԱԻ-ում:

Մասնակիցներին ողջունեց ԿԱԻ տնօրեն Նորայր Ղուկասյանը, ով նշեց, որ մրցույթը կնպաստի Հայաստանում տեղեկատվական հասարակության կառուցմանը,  կօգնի հասկանալ, թե որքան բազմազան են տեղեկատվական տեխնոլոգիաների կիրառությունները և որքան պահանջված են ՏՀՏ ոլորտի մասնագետները:

Հաղթող 31 աշակերտները պարգևատրվեցին սերտիֆիկատներով և մրցանակներով (ցուցակը կցվում է):

Ռուզաննա Ստեփանյան
ՀՀ ԿԳՆ, ԿԱԻ
Տեղեկատվական տեխնոլոգիաների բաժնի վարիչ