ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Կրթության որակը` պետական աջակցության պարտադիր պայման

Հոկտեմբերի 12, 2016
Պաշտոնական

ՀՀ կրթության և գիտության նախարար Լևոն Մկրտչյանն աշխատանքային հանդիպում է ունեցել ՀՀ ոչ պետական հանրակրթական ուսումնական հաստատությունների տնօրենների հետ: Հանդիպման նպատակն էր՝ քննարկել վերոնշյալ ոլորտում առկա հիմնախնդիրները, լսել տնօրեններին հուզող հարցերը և դրանց լուծման ուղիները: «Անկախացման տարիներին՝ ոչ պետական կրթական համակարգի ձևավորման հիմքում չդրվեց մեծ գաղափարախոսություն, այլ առաջնային էին լիբերալ սկզբունքները՝ հավասարությունը, ազատությունը:

Երբ այս խնդրում կարևորվեց որակյալ կրթության գաղափարը, կանգնեցինք փաստի առջև, մասնավորապես, դաշտը լցված էր և՛ որակյալ, և՛ անորակ ուսհաստատություններով ինչպես բարձրագույն, այնպես էլ հանրակրթության ոլորտում: Ցավոք, մինչ այսօր խնդրին լուծում չի տրվել. որոշ անբարեխիղճ ուսհաստատությունների պատճառով ընդհանուր տպավորություն է ստեղծվել, որ ոչ պետական կրթական համակարգն իրեն չի արդարացնում: Իհարկե, խոսքը նախևառաջ վերաբերում է բուհերին: Սակայն իրականությունն այն է, որ թե՛ հանրակրթության, թե՛ մասնագիտական կրթության ոլորտում մենք այսօր ունենք բարձր որակ ապահովող հաստատություններ: Այս իմաստով ցանկանում եմ ևս մեկ անգամ շեշտել, որ ոլորտում որակը դարձնելով հիմնական չափանիշ՝ դրա հենքի վրա ենք կառուցելու հետագա ողջ ռազմավարությունը և միայն այդ դեպքում պետության կողմից կլինի հնարավորինս լայն աջակցություն ու պետական մասնակցությամբ համատեղ ծրագրեր»,-նշել է նախարարը և հավելել. «Հատկապես ավագ դպրոցում ցանկալի կլինի, որ հիմնական ուղղությունը միտված լինի դեպի մասնագիտացումներ, որը կլուծի մասնագիտական կողմնորոշման խնդիրը, ինչպես նաև դպրոցին հնարավորություն կտրվի՝ որևէ կոնկրետ ուղղությամբ խորանալ»,-նշել է նախարարը:

Հանդիպման մասնակիցներն իրենց հերթին նախարարին են ներկայացրել ոլորտում առկա հիմնախնդիրները և զարգացման ուղիները: Նրանք, մասնավորապես, բարձրացրել են տարրական դասարանի դասագրքերի, ֆինանսավորման նոր մեխանիզմների ներդրման, ուսուցիչների վերապատրաստման, նրանց սոցիալական ապահովության և այլ հարցեր: Տնօրենները համակարծիք էին, որ անհրաժեշտ է ստեղծել պետական ուսհաստատությունների հետ հավասար մրցակցային պայմաններ:

Հանդիպման ավարտին պայմանավորվածություն է ձեռքբերվել՝ ստեղծել աշխատանքային խումբ, որը կքննարկի վերոնշյալ հարցերը և նախարարին կներկայացնի խնդիրների լուծման ուղիները: Բացի այդ, առաջարկվել է պարբերաբար նմանատիպ հանդիպումներ կազմակերպել:

Նյութի աղբյուրը. ՀՀ կրթության և գիտության նախարարության կայք

  • Ռուբրիկները՝ որպես ուսումնառության գնահատման միջոց

    Թեմայի հեղինակ՝ Lianna3

    Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…

  • Սովորողի աշխատանքի գնահատման միջոցները

    Թեմայի հեղինակ՝ Lianna3

    Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…

  • Ուղիղ հրահանգումով դասավանդում/ դասապլանների օրինակներ

    Թեմայի հեղինակ՝ Lianna3

    Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)

  • Պարզաբանումներ

    Թեմայի հեղինակ՝ manush

    Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:

  • Ուղիղ հրահանգումով դասավանդում

    Թեմայի հեղինակ՝ Lianna3

    Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…