Բաց դաս երկրաչափությունից Ուրասարի հիմնական դպրոցում

Մարտի 23, 2018

Դպրոցական անցուդարձ

Մարտի 22-ին Ուրասարի հիմնական դպրոցում ներկայացվեց հերթական բաց դասը (VII-VIII դասարաններ, «Երկրաչափություն»)։  VII դասարանում դասի թեման էր «Ուղղանկյուն եռանկյունների որոշ հատկություններ», VIII դսարանում՝ «Պյութագորասի թեորեման»։ Դասն սկսվեց «Մտագրոհի» միջոցով եռանկյունների տեսակների կրկնությամբ։ Որպես դիդակտիկ նյութեր օգտագործվեցին գունավոր թղթերից պատրաստված տարբեր տեսակի եռանկյուններ, երկրաչափական պատկերներ, քարտեր։ Աշակերտները կրկնեցին հավասարակողմ, հավասարասրուն, սուրանկյուն, ուղղանկյուն և բութանկյուն եռանկյունների հատկությունները, անդրադարձ կատարվեց նաև ուղղանկյուն եռանկյան մակերեսի բանաձևին։ Ողջ դասն ուղեկցվում էր տեսադասերի ցուցադրմամբ, ինչը նյութը դարձնում էր ինքնատիպ և հետաքրքիր։ Համառոտ ներկայացվեցին  Պյութագորասի կյանքը, գործունեությունը, այն լեգենդները, որոնք տարածված են նրա մասին: Դասարանները կատարեցին խմբային աշխատանք, ձևավորեցին պաստառներ։ Յուրաքանչյուր խումբ ներկայացրեց իր աշխատանքը՝ «ԳՈւՍ» մեթոդով։ Կատարվեց հետադարձ կապ, խմբերը գնահատվեցին։ Դասը հետաքրքիր էր և ուսանելի։