Առաջնորդի դպրոցը հանրակրթական դպրոցում

Մարտի 26, 2018

Դպրոցական անցուդարձ

ՀՀ ԿԳ  նախարարի 2011թ ի մայիսի 17- ի N 571 հրամանով հաստատվել է «ՀՀ պետական հանրակրթական ուսումնական հաստատություն» ՊՈԱԿ-ի աշակերտական խորհրդի օրինակելի կանոնադրությունը, որի համաձայն կարգավորվել է աշակերտական ինքնավար մարմնի գործունեությունն ու լիազորությունները:

Կապանի N5 հիմնական դպրոցում այն գործում է 2003 թվականից, երբ դպրոցը, որպես փորձարարական՝ ներգրավվել էր «Համագործակցություն հանուն ապագայի. Ժողովրդավար դպրոց» ծրագրում։ Դեռևս հիմնադրման առաջին տարում դպրոցի ԱԽ -ի գործունեությունը վերը նշված համագործակցության կողմից ճանաչվել է լավագույն փորձ և նախընտրական ֆորում գործառույթները տեղադրվել է«Deam School»կայք էջում, ինչպես նաև ԿԳ նախարարության կողմից երաշխավորված`«Հանրակրթական հաստատության աշակերտական խորհրդի գործունեությունը» ձեռնարկում: Շուրջ 16 տարի է, ինչ դպրոցի ԱԽ -ն գործում է նույն խանդավառությամբ...

Կապան խոշորացված համայնքի 2017թ.-ի ավագանու թեկնածուներից  երեքը տարբեր ուստարիների մեր ԱԽ նախագահներն էին... Հակված ենք հաստատելու այն միտքը, որ գործունեության հիմքը լինելով կամավորությունը և սովորողների իրավահավասարությունը, գործառույթը նաև առաջնորդի դպրոց է: Համաձայն Կրթության մասին օրենքի հոդված 4 -ի, կրթության բնագավառում պետական քաղաքականության նպատակը... քաղաքացիական գիտակցության դաստիարակությունն է... Հոդված 10 -ի 5-րդ կետի համաձայն, կրթության գործունեությունն արդյունավետ կազմակերպելու համար, ձևավորվում են աշակերտական խորհուրդներ:

      Դպրոցի 2017-2018 ուստարվա ԱԽ նախագահ Նորիկ Սահակյանը վերը նշված օրենքի պահանջը բարձր մակարդակով իրականացնում է և, ի դեմս մանկավարժական խորհրդի ներկաների, նրա հաշվետվությունն արժանացավ տնօրենի բարձր գնահատման:

                                                                                                      Կապանի N 5 հիմնական դպրոց