Ինքնակառավարման օր

Մայիսի 10, 2018

Դպրոցական անցուդարձ

08.05.2018թ. Կապանի N13 հիմնական դպրոցում նախապես հայտարարվել էր <<Ինքնակառավարման օր>>: /ԴԱԿ Ռիմա Մկրտչյան/

Տնօրենի հրամանով տնօրենի, փոխտնօրենների և ուսուցիչների պարտականությունները հանձնարարվել էին 7-րդ , 8-րդ և 9-րդ դասարանների աշակերտներին:

Բոլոր դասերը վարում էին աշակերտները, ովքեր էլ մեծ պատասխանատվությամբ էին պատրաստվել յուրաքանչյուր դասի: Ինքնակառավարման օրն ավարտվեց մի գեղեցիկ խորհրդակցությամբ, որին մասնակցում էին գրեթե 40 աշակերտ: Ինչպես զրույցի ժամանակ նշեց տնօրեն Զավեն Ստեփանյանը, այդ օրը մեծ նշանակություն ուներ աշակերտ-ուսուցիչ փոխհարաբերությունների զարգացման, աշակերտի ինքնահաստատման և աշակերտակենտրոն ուսուցման համար: Աշակերտների գեղեցիկ տեսքը, միջոցառման բարձր մակարդակը գեղեցիկ նվեր էր բոլոր ուսուցիչներին:

ՄԿԱ գծով փոխտնօրեն Ժաննա Վարդանյան