Հայ Рус Eng
ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Բեմում փոքրիկներն էին

Հունիսի 1, 2018
Դպրոցական անցուդարձ

Վանաձորի ծովակալ Իսակովի անվան թիվ 23 դպրոցի` Մայիսյան հերոսամարտերին նվիրված միջոցառումների շարքը եզրափակվեց 7-րդ «բ» դասարանցիների անակնկալով /դասղեկ Համասփյուռ Խաչատրյան/: Նրանք բեմադրել էին հատված «Արա Գեղեցիկ և Շամիրամ» դիցապատմական ողբերգությունից:

Հայով լեզվի և գրականության ուսուցչուհի Հ. Խաչատրյանին, որպես բանիմաց ու հայրենասեր ճանաչում էինք, սակայան նրա ռեժիսորական հմտություններն անակնկալ էին բոլորիս համար:

Սովորողներն այնպես էին մտել իրենց մարմնավորած կերպարների մեջ, որ բոլորիս տարան հեռավոր ժամանակներ, երբ հայոց արքաներն անձնազոհ պաշտպանում էին իրենց հայրենիքն ու արժանապատվությունը:

Դերակատարներն ու բեմական հագուստը ընտրված էին մեծ վարպետությամբ, իսկ սովորողների խոսք ուղղակի ցնցող էր: Արքայամոր ցասումնալից աչքերից ասես բոց էր ժայթքում, նա հայ ընտանիքի պատվարն էր, իսկ հեզ ու խոնարհ թագուհին մարմնավորում էր պետականորեն մտածող, հավատարիմ ու առաքինի հայ անձնազոհ մոր և նվիրյալ կնոջ կերպարը:

Մթնոլորտը հագեցած էր հայրենասիրությամբ, պատվախնդրութամբ, հիացմունքը սառել էր հանդիսականների դեմքերին: Սովորողներն իրենց խաղով ստիպեցին կարկամել, չզգալ աչքերից հոսող արցունքի ջերմությունը: Խաղն ավարտվել էր, սակայն ծափողջյունները մնացել էին օդում սառած:

Հետո Սբ. Նարեկացի եկեղեցու կամարների տակ թնդաց ծափերի տարափը:

Ուսուցչուհին արտասանեց Հ. Հովհաննիսյանի «Անմահություն» բանաստեղծությունը, որը լրացումն ու ավարտն էր հրաշալի բեմադրության:

Իբրև վերջաբան այս ամենի` հնչեց ուսուցչուհու խոսքը.

-Հիշե'ք, հաղթանակները միշտ տրվում են մեզ, երբ մեր եսը ձուլվում է մենքին, և վե'ր են բարձրանում հայոց բռունցքները: դուք երկար ճանապարհ ունեք անցնելու. Երկիր Հայրենին դեռ սպասում է...

Կրթական Ֆորում. վերջին թեմաներ

  • Գործողություններ բազմությունների հետ

    Թեմայի հեղինակ՝ ՄԱՄՅԱՆ Ա․

    Բազմության և նրա տարրերի հասկացությունները մաթեմատիկայում սկզբնական հասկացություններ են: Բազմությունն իրարից տարբեր առարկաների, գաղափարների, օբյեկտների հավաքածու է : Հավաքածուի անդամները կոչվում են բազմության տարրեր: Սովորաբար բազմությունները նշանակվում են լատինական մեծատառերովÕœA,B,C...,…

  • Արդյոք՞ մարդու իրավունքները չեն խախտվի, եթե անձը առաջնորդվի բարոյական նորմերով:

    Թեմայի հեղինակ՝ gayane.siradexyan

    Նորմը դա միմիյանց միջև հարաբերությունները կարգավորելու և ավելի ներդաշնակ համայնքներ ու հասարակություններ ձևավորելու նպատակով մարդկանց կողմից ստեղծված վարքագծի կանոն է: Նորմերը լինում են իրավական և բարոյական: 1. Իրավական նորմ՝ պարտադիր…

  • Ռուբրիկները՝ որպես ուսումնառության գնահատման միջոց

    Թեմայի հեղինակ՝ Lianna3

    Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…

  • Սովորողի աշխատանքի գնահատման միջոցները

    Թեմայի հեղինակ՝ Lianna3

    Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…

  • Ուղիղ հրահանգումով դասավանդում/ դասապլանների օրինակներ

    Թեմայի հեղինակ՝ Lianna3

    Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)

Պաշարների շտեմարան. վերջին պաշարներ
Հեռավար ուսուցում. վերջին դասընթացներ
Դպրոցական կայքեր

Պորտալի նյութերը արտատպելու կամ օգտագործելու դեպքում հղումը ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ -ին (www.armedu.am) պարտադիր է:

Պորտալը շահագործում է Կրթական տեխնոլոգիաների ազգային կենտրոնը (ԿՏԱԿ)

© Կրթական տեխնոլոգիաներին ազգային կենտրոն, 2007-2025