Երեխաների շահերի պաշտպանության ծրագրերի ամփոփում Տավուշում

Սեպտեմբերի 4, 2018

Դպրոցական անցուդարձ

Վորլդ Վիժն Հայաստանի կողմից Տավուշի մարզի Բերդավան, Հաղթանակ, Բաղանիս և Ոսկեվան համայնքներում իրականացնում է երեխաների շահերի պաշտպանության ծրագրեր, որոնցում ներգրավված են մոտ 50 երեխա:  Երկու տարվա ընթացքում մասնակցելով մարդու իրավունքների, շահերի պաշտպանության ու այլ վերապատրաստման դասընթացներին, երեխաները հզորացրել են իրենց կարողությունները համայնքային ծրագրեր իրականացելու գործընթացում:  Երկամյա ծրագրի շրջանակում խմբերը բացահայտել են կարևոր հիմնախնդիրներ իրենց համայնքներում, որոնք շոշափում են երեխաների շահերը և դրանց լուծման համար իրականացրել գործնական քայլեր՝ համագորակցելով ՏԻՄ-երի, դպրոցների ու այլ կառույցների հետ: Օրինակ, Բերդավանի խումբը  խնդիր են համարել սովորողների մոտ համացանցից ճիշտ օգտվելու վերաբերյալ վատ իրազեկվածությունը, Ոսկեվանի խումբը համարել է խնդիր երեխաների համար կավագործական/փայտագործական խմբակի բացակայությունը իրենց համայնքում: Խնդիրների  աստիճանական լուծման համար երեխաները իրականացրել են հարցումներ, դրանց տվյալների վերլուծություններ, կազմել են գործողությունների պլաններ, հանդիպել որոշում կայացնողների հետ և  ներկայացրել  առաջարկություններ: Արդյունքները գոհացուցիչ են: Ոսկեվանում հիմնվել է կավագործական/փայտագործական խմբակը, Հաղթանակի դպրոցում լուծվել է խմելու ջրի հարցը և այլն: Արդյունքների ամփոփման համար  կայացան եզրափակիչ միջոցառումներ, որոնց ընթացքում ներկայացվեցին խմբերի գործունեությունները, իրականացված քայլերը,  ամփոփվեցին իշխանությունների ու դպրոցների տնօրենությունների հետ համագործակցության   արդյունքները, համայնքային ծրագրերի վերջնական ցուցանիշները: Կարևորը այն է, որ խնդիրների լուծման համար երեխաները համագործակցել են որոշում կայացնողների հետ տարբեր մակարդակներում՝ դպրոցների մանխորհուրհուրդների, տնօրենությունների, ավագանիների ու վարչական ղեկավարների հետ:  Ոսկեվանի վարչական ղեկավար Վլադիմիր Ղազինյանը  բարջր գնահատեց ծրագիրը, քանի որ երեխաների բարձրացրած խնդիրը լուծվել է և իրենց համայնքն ունի երեխաների զբաղվածության նոր կենտրոն:

Ծրագիրը  կշարունակվի Տավուշի մարզում ևս այս տարի և կընտրվեն նոր համայնքներ, որտեղ երեխաները հնարավորություն կունենան հզորացնեն իրենց  կարողություններն ու գիտելիքները քաղաքացիական-հասարակական ոլորտներում:

Երեխաների շահերի պաշտպանության ծրագրի շրջանակում  երեխաներն ու երիտասարդները ձեռք են բերում գիտելիքներ ու հմտություններ՝ համայնքային նախագծեր և քաղաքացիական նախաձեռնությունների, քարոզարշավների ու այլ միջոցառումների իրականացման նպատակով: Ծրագիրն իրականացվում է ՀՀ 6 մարզերում՝ Վորլդ Վիժն Հայաստան միջազգային բարեգործական կազմակերպության կողմից:

ՎՎՀ Իջևանի և Նոյեմբերյանի գրասենյակներ