ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Մեսրոպեան Արուեստից Վարժարանի “Ովասիս” ամառնային ծրագիրը տօնեց գործունէութեան 20-ամեակը

Սեպտեմբերի 13, 2018
Սփյուռքի լրատու

24 Օգոստոս 2018-ին, Հայ Կաթողիկէ Մեսրոպեան բարձրագոյն վարժարանի շրջափակին մէջ տեղի ունեցաւ փակման հանդիսութիւնը Արուեստից Վարժարանի “Ովասիս” ամառնային ծրագրին, որ այս տարի բոլորեց գործունէութեան 20-րդ տարին: Այս ընթացքին “Ովասիս”ը ունեցաւ աւելի քան 4000 մասնակիցներ՝ Լիբանանի տարբեր շրջաններէն եւ արտասահմանէն ժամանած հայ մանուկներ եւ պատանիներ, անոնց համար ապահովելով ամառնային արձակուրդի հաճելի եւ օգտակար միջավայր:

20-րդ “Ովասիս”ը բացուեցաւ 3 Յուլիսին, 237 մասնակիցներով: Ծրագիրը իրականացուցին թիւով մօտ 50 երիտասարդ եւ աշխոյժ դաստիարակներ ու վերահսկիչներ` գլխաւորութեամբ տիկին Գարոլին Փուշեան Թերզեանի: Ամբողջ 8 շաբաթներ, 3-էն 13 տարեկան  մանուկներ եւ պարման-պարմանուհիներ հետեւեցան  բազմակողմանի ծրագրի մը, որ բաժնուած էր զանազան խմբակներու` ձեռային աշխատանքներ, նկարչութիւն, ֆիլմի ցուցադրութիւն, զանազան մարզաձեւեր (ֆութպոլ, պասքէթպոլ, մարտարուեստ եւ հեծանիւ), թատրոն, դաստիարակչական խաղեր, կրօնագիտութիւն, համակարգիչի ուսուցում, խոհանոցի գիտելիքներ եւ կրօնագիտութիւն: Այս տարուայ կարեւորագոյն նորութիւնը “ռոպոթիքս”ի խմբակն էր` տեսական եւ գործնական բաժիններով: Առաւել խանդավառ մթնոլորտի մէջ անցան շաբաթավերջի 7 պտոյտները` դէպի լողաւազաններ եւ Լիբանանի տեսարժան վայրեր, անմոռանալի յուշեր դրոշմելով մասնակիցներու հոգիներուն մէջ: Նախքան այդ, գործադրուած էր “Փոքրիկ Ովասիս”ը՝ առաւելագոյնս օգտուելու համար արձակուրդային օրերէն:

“Ովասիս”ի փակման հանդիսութիւնը հարազատ արտայայտութիւնը եղաւ իրագործուած աշխատանքին եւ մասնակիցներու խանդավառութեան, ինչպէս նաեւ 20-ամեակի տօնական տրամադրութեան, զոր բաժնեկցելու եկած էին աւելի քան 1000 հրաւիրեալներ: Անոնց շարքին էին “Ովասիս”ի նախկին պատասխանատուներ, ուսուցիչներ ու մասնակիցներ, ծնողներ եւ բարեկամներ: Հանդիսութիւնը սկսաւ 20 ջահակիրներու երթով. “Ովասիս”ի իւրաքանչիւր տարուայ մէկական մասնակից ջահ մը բարձրացուց բեմ, որպէս խորհրդանիշ “Ովասիս”ի շարունակականութեան: Ովասիսականները ներկայացուցին բացառապէս հայկական շունչով տոգորուած գեղարուեստական յայտագիր մը՝ պարեր, խմբերգներ, թատերական պատկերներ եւ մարզական ցուցադրութիւններ, վերապրելով այն ամբողջ ուրախութիւնը, զոր ունեցած էին ծրագրի ընթացքին: Հնչեցին “Ովասիս”ի 20-ամեակին նուիրուած զոյգ երգեր` հեղինակութեամբ պարոն Մանուէլ Քէշիշեանի: Հանդիսավարն էր պարոն Վարդան Ազնաւուրեան:

Հանդիսութեան բացման խօսքին մէջ տիկին Գարոլին Թերզեան գոհունակութիւն արտայայտեց այն մասին, որ կարելի եղաւ լիուլի գործադրել առաջադրուած ծրագիրը: Ան վերյիշեց “Ովասիս”ի մէջ իր գործունէութեան 16 տարիներու դրուագներ, յատկապէս շեշտելով, որ ծրագիրը կրցաւ կանգուն մնալ ամենադժուարին պահերու իսկ` չընկրկելով պատերազմական պայմաններուն առջեւ անգամ:

Հանդիսութեան եզրափակիչ իր խօսքին մէջ  Հայ կաթողիկէ Մեսրոպեան բարձրագոյն եւ արուեստից վարժարաններու տնօրէն Կրէկուար Գալուստ դիտել տուաւ, որ իրագործուած յաջողութիւնը արդիւնք էր լուրջ եւ բծախնդիր աշխատանքի, որուն համար ան իր գնահատանքի խօսքը ուղղեց “Ովասիս”ի կազմակերպիչ անձնակազմի անդամներուն եւ ուսուցիչներուն: Ան պարգեւատրեց պարոն Մանուէլ Քէշիշեանն ու պարոն Ստեփան Մեսճեանը, “Ովասիս”ին իրենց 20 տարիներու ծառայութեան համար: Պարոն Գալուստ վստահեցուց , որ “Ովասիս”ը միշտ պիտի մնայ հայաշունչ միջավայր մը հայ մանուկներու եւ պատանիներու համար, շնորհակալութիւն յայտնելով ծնողներուն` քաջալերանքին եւ զօրակցութեան համար:

Ովասիսի փակման հանդիսութիւնը աւարտեցաւ 20-ամեակի կարկանդակի հատումով` գլխաւորութեամբ Հայ կաթողիկէ պատրիարքութեան օգնական եպիսկոպոս Հայր Գէորգ եպիսկոպոս Ասատուրեանի, որուն շուրջ խմբուած էին “Ովասիս”ի 20 տարիները ներկայացնող պատասխանատուներ, ուսուցիչներ, վերահսկիչներ ու աշակերտներ:

Տեղեկատուական գրասենեակ
Հայ Կաթողիկէ Մեսրոպեան Արուեստից Վարժարանի

  • Ռուբրիկները՝ որպես ուսումնառության գնահատման միջոց

    Թեմայի հեղինակ՝ Lianna3

    Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…

  • Հարցադրումը՝ որպես ուսումնառության գնահատման միջոց

    Թեմայի հեղինակ՝ Lianna3

    Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…

  • Ուղիղ հրահանգումով դասավանդում/ դասապլանների օրինակներ

    Թեմայի հեղինակ՝ Lianna3

    Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)

  • Պարզաբանումներ

    Թեմայի հեղինակ՝ manush

    Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:

  • Ուղիղ հրահանգումով դասավանդում

    Թեմայի հեղինակ՝ Lianna3

    Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…