Երեխաների կարողություններն ի նպաստ համայնքների

Նոյեմբերի 1, 2018

Դպրոցական անցուդարձ

Վորլդ Վիժն Հայաստան միջազգային բարեգործական կազմակերպությունը շարունակում է  երեխաների կարողությունների զարգացման ու նրացց ներուժի զարգացմանն ուղղված ծրագրերն Հայաստանի մարզերում: Տավուշի մարզում մի քանի տարի շարունակ իրականացված այդ ծրագրերի արդյունքում հարյուրավոր երեխաներ ու երիտասարդներ հզորացրել են իրենց հմտություններն ու գիտելիքները, իրականացրել համայնքային զարգացման նախագծեր: Տավուշի մարզի Նոյեմբերյանի տարածաշրջանի Բերդավան ու Հաղթանակ   համայնքներում երեխաների շահերի պաշտպանության նոր խումբ ձևավորվեց, որի անդամները 14-15 տարեկան երեխաներ են:  Նախորդ երկու տարիների ընթացքում համանման խումբ  է  գործել, որը իր առջև դրված նպատակներին հասել էր և ավարտին հասցրել իր համայնքային ծրագերը: Խմբի անդամների ակտիվության աստիճանի և անհրաժեշտ կարողությունների հզորացման նպատակով  Դիլիջանում անցկացվեցին  <<Շահերի պաշտպանություն և մասնակցություն որոշումների կայացման գործընթացում>> և <<Հիմնախնդրի վերլուծության և սոցիոլոգիական հետազոտության մեթոդերը>>դասընթացների շարքը:  Երեխաներին ներկայացվեցին շահերի պաշտպանության սահմանումները, տարբեր մակարդակներում շահերի պաշտպանության նախաձեռնություններ իրականացնելու քայլերը, հիմնախնդրի բացահայտման և նպատակի սահմանման, շահագրգիռ  կողմերի համախմբման, արդյունքի ձևակերպումները: Խմբային աշխատանքների արդյունքում երեխաները բացահայտեցին նաև իրենց  համայնքներում առաջնային լուծման հիմնախնդիրները, որոնք բազմազան էին: Ուսուցանվեցին նաև ծրագրի գաղափարի, կարիքների վերհանման, դրանց գնահատման ու հիմնախնդրի ձևակերպման, վերլուծության, ծրագրի պլանավորման, ինֆորմացիայի հավաքագրման մեթոդների/քանակական ու որակական/, հարցաթերթ պատրաստելու սկզբունքների ու ձևաչափի մասին: Խմբերն  իրենց համայնքներում արդեն բացահայտված հիմնախնդիրների ավելի հանրային հետազոտման նպատակով կազմեցին հարցաթերթիկների տարբերակները:14ամյա Էմմայի կարծիքով այս ծրագիրն իր համար նոր հնարավորոևթյուններ է ընձեռել  ձեռքբերելու նոր ընկերներ և  ստանալ նոր հմտություններ. << Շատ լավ տպավորություններ ունեմ։ Նոր ընկերներ ձեռք բերեցի և առաջին անգամ իմացա անձի շահերի պաշտպանության գաղափարի մասին, հասկացա դրա բովանդակությունն ու իրականացման քայլերը: >>

Ծրագրի շրջանակում կշարունակվեն վերապատրաստման դասընթացներն, որոնց կհաջորդեն գիտելիքներն ու կարողությունները գործնականում կիրառելու քայլերը:

Նորաստեղծ երիտասարդական խումբը   համայնքային ու մարզային քաղաքացիական նախաձեռնությունների, քարոզարշավների ու այլ  միջոցառումների իրականացման ժամանակ կներգրավվեն  նաև որոշում կայացնողների ու հանրության շրջանակներին:

ՎՎՀ Նոյեմբերյանի Տարածքային ծրագրի  գրասենյակ