ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Մրցանակներ՝ «Իթվինինգ» ծրագրի լավագույն մասնակիցներին

Դեկտեմբերի 24, 2018
Պաշտոնական

«Քվանտ» վարժարանում տեղի է ունեցել Եվրոպական դպրոցների «Իթվինինգ» ծրագրի ամփոփիչ համաժողովը, որի ընթացքում ներկայացվել են 2018 թվականի ծրագրի հիմնական ձեռքբերումներն ու 2019-2020 թվականների զարգացման հիմնական ուղղությունները։ 

Համաժողովի ընթացքում տեղի է ունեցել Որակի ազգային մրցանակաբաշխության արարողությունը: Հավաստագրեր և մրցանակներ են հանձնվել 2018 թվականի ընթացքում  «Իթվինինգ» ծրագրին  լավագույն մասնակցություն ցուցաբերած աշակերտներին, ուսուցիչներին և դպրոցներին:

Միջոցառման մասնակիցներին ՀՀ կրթության և գիտության նախարարի պաշտոնակատար Արայիկ Հարությունյանի անունից ողջունել է նախարարի խորհրդական Գոհար Մամիկոնյանը. «Նախարարի անունից շնորհավորում եմ ծրագրում ընդգրկված բոլոր դպրոցներին և մասնակիցներին: Նախարարությունը կարևորում է ուսուցիչների մասնագիտական կատարելագործմանը, դասապրոցեսի առավել արդյունավետ կազմակերպմանը միտված բոլոր ծրագրերը. դրանք օգտակար են կրթական համակարգի բոլոր շահառուների համար: «Իթվինինգ» ծրագիրը միջազգային համագործակցության արդյունավետ հարթակ է դարձել, և անհրաժեշտ է ընդլայնել ծրագրում ընդգրկված դպրոցների, ուսուցիչների և աշակերտների թիվը»,- իր խոսքում նշել է Գ. Մամիկոնյանը:

Կրթական տեխնոլոգիաների ազգային կենտրոնի տնօրեն Արտակ Պողոսյանի տեղեկացմամբ «Իթվինինգ» ծրագրում ներկայումս ընդգրկված է մոտ 300   հայաստանյան դպրոց, շուրջ 1200 ուսուցիչ` մարզերից և Երևանից: «Հայաստանի դպրոցների մասնակցությունը «Իթվինինգ» ծրագրին օգտակար է և նպաստում է դպրոցական համագործակցության ընդլայնմանը, ուսուցիչների և աշակերտների օտար լեզուների իմացությանը, տեղեկատվական և հաղորդակցական տեխնոլոգիաների (ՏՀՏ) ու թիմային աշխատանքի հմտությունների զարգացմանը»,- նշել է ԿՏԱԿ տնօրեն Արտակ Պողոսյանը:

2018 թվականին մեկուկես տասնյակ ուսուցիչներ մասնակցել են տարբեր միջազգային միջոցառումների: Այս տարվա մայիսին Հայաստանում անցկացվել է «Իթվինինգ» ծրագրի միջազգային սեմինարը, որին մասնակցել է 7 եվրոպական երկրի 60 ներկայացուցիչ: Հայաստանյան սեմինարի ժամանակ ձևավորված նախագծերից մի քանիսը դարձել են եվրոպական ծրագրի հաղթող:

«Իթվինիգ» ծրագրի ազգային փուլի մրցույթում այս տարի ներկայացվել է 37 նախագիծ` տարիքային երեք խմբերի համար: 
Հայաստանի դպրոցների մասնակցությունը «Իթվինինգ» ծրագրին սկսվել է 2013 թվականից: Հաշվի առնելով, որ «Իթվինինգ» ծրագրի նախագծերը իրականացվում են եվրոպական լեզուներով, ինչը որոշակի խնդիրներ է առաջացնում ուսուցիչների համար, ԿՏԱԿ-ը նախաձեռնել է նախագծի հայաֆիկացման գործընթացը: Ստեղծվել է «Դպրոցների համագործակցության վիրտուալ համայնք» ազգային ծրագիրը, որը հնարավորություն է տալիս է ընդգրկվել «Իթվինիգ» ծրագրում` ներկայացնելով հայերեն նախագծեր:

Նյութի աղբյուրը. ՀՀ կրթության և գիտության նախարարություն

  • Խնայողության մշակույթ

    Թեմայի հեղինակ՝ simonyannara25@gmail.com

    Խնայողության մշակույթի բացակայությունն է ազդում մարդկանց սոցիալական և տնտեսական բարեկեցության վրա, թե մարդկանց ցածր եկամուտներն ու երկրի սոցիալ-տնտեսական վիճակը: Խնդրում եմ գրել կարծիքներ` ի նկատի ունենալով մեր իրականությունը: Շնորհակալություն:

  • Գործողություններ բազմությունների հետ

    Թեմայի հեղինակ՝ ՄԱՄՅԱՆ Ա․

    Բազմության և նրա տարրերի հասկացությունները մաթեմատիկայում սկզբնական հասկացություններ են:Այս թեմայի ուսումնասիրության նպատակն է թվային բազմությունների հետ ծանոթացումը, բազմությունների հետ գործողություններ կատարելու հմտությունների ձևավորումը և զարգացումը, բազմությունների հատման և միավորման գաղափարի…

  • Արդյոք՞ մարդու իրավունքները չեն խախտվի, եթե անձը առաջնորդվի բարոյական նորմերով:

    Թեմայի հեղինակ՝ gayane.siradexyan

    Նորմը դա միմիյանց միջև հարաբերությունները կարգավորելու և ավելի ներդաշնակ համայնքներ ու հասարակություններ ձևավորելու նպատակով մարդկանց կողմից ստեղծված վարքագծի կանոն է: Նորմերը լինում են իրավական և բարոյական: 1. Իրավական նորմ՝ պարտադիր…

  • Ռուբրիկները՝ որպես ուսումնառության գնահատման միջոց

    Թեմայի հեղինակ՝ Lianna3

    Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…

  • Սովորողի աշխատանքի գնահատման միջոցները

    Թեմայի հեղինակ՝ Lianna3

    Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…