Հայաստանի Հանրապետության կրթության և գիտության նախարարության և Իտալիայի Հանրապետության կրթության, համալսարանների և հետազոտությունների նախարարության միջև այսօր ստորագրվել է կրթության և գիտության ոլորտում համագործակցության մասին փոխըմբռնման հուշագիր: Հուշագիրը ստորագրել են ՀՀ ԿԳ նախարար Լևոն Մկրտչյանը և ՀՀ-ում Իտալիայի արտակարգ և լիազոր դեսպան Ջովաննի Ռիչուլլին: Նախարարը շնորհակալություն է հայտնել Իտալիայի դեսպանին արդյունավետ համագործակցության համար` ընդգծելով, որ վերոնշյալ հուշագրով ևս մեկ անգամ ամրագրվում են կրթության ոլորտում երկու երկրների միջև համագործակցության հիմնական ուղղությունները: «Իտալիան այն երկրներից է, որի հետ ավանդաբար եղել են բազմաբովանդակ կրթական հարաբերություններ: Այս հուշագրով կարևորվում է համագործակցությունը հետազոտական ինստիտուտների և համալսարանների միջև, որը մեզ համար էական նշանակություն ունի, քանի որ այս տարի նախատեսվում է Երևանում բացել «Հորիզոն-2020» ծրագրի գրասենյակ: Այս ծրագրի միջոցով Հայաստանը ներգրավվելու է եվրոպական գիտական ծրագրերում, և այդ առումով Իտալիայի հետ հարաբերությունները շատ կարևոր են` միջհամալսարանական համագործակցության ոլորտում նոր կապեր ստեղծելու տեսանկյունից»,-նշել է նախարարը: Անդրադառնալով գիտական կառույցների միջև հնարավոր համագործակցությանը` Լևոն Մկրտչյանը մատնանշել է Մատենադարանի օրինակը: «Ինչպես գիտեք, Մատենադարանն այն եզակի գիտական հաստատություններից է, որը լուրջ աշխատանք է տանում հին ձեռագրերի պահպանման տեսանկյունից: Այս ոլորտում Իտալիան համարվում է աշխարհի առաջատար երկրներից մեկը, և այս հուշագրի կնքումից հետո կարող ենք առաջարկել Մատենադարանի տնօրինությանը` դիմել Իտալիայի լավագույն բուհերին` մագիստրոսական կամ ասպիրանտական ծրագրեր իրականացնելու համար: Արվեստի բուհերի մասով ևս Իտալիայի համալսարանները աշխարհի առաջնակարգ ուսհաստատություններն են համարվում, և այս ուղղությամբ կարելի է համագործակցությունը զարգացնել և նոր ծրագրեր իրականացնել»,-նշել է նախարարը:
Իտալիայի դեսպանը ևս իր շնորհակալությունն է հայտնել ՀՀ իշխանություններին` երկու երկրների միջև կրթության ոլորտում եղած արդյունավետ համագործակցությոան համար: «Կնքված հուշագիրը հիմք է, որի վրա կկառուցվի երկու երկրների միջև հետագա համագործակցությունը: Երկու կողմից էլ մեծ հետաքրքրություն կա` այն զարգացնելու տեսակետից: Համագործակցությունը բոլոր ոլորտներում, լինի տնտեսական, առևտրային և այլն, կարևոր է, սակայն հատկապես կրթության և մշակույթի ոլորտում այն որոշիչ դեր է խաղում` երկու ժողովուրդների մերձեցման տեսանկյունից»,-ընդգծել է դեսպանը:
Նշենք, որ համաձայն ստորագրված փաստաթղթի` կողմերը կխրախուսեն ուսանողների, հետազոտողների և պրոֆեսորների փոխանակումները` միմյանց կրթական և գիտական փորձառության փոխճանաչման և հաստատությունների հաջողված փորձի, ինչպես նաև երկու երկրների կրթական և գիտական կապերի ամրապնդման նպատակով: Ըստ հուշագրի` կողմերը կնպաստեն իրենց երկրների միջնակարգ, միջին մասնագիտական և բարձրագույն կրթության, ինչպես նաև հետազոտական հաստատությունների միջև ուղիղ կապերի հաստատմանն ու զարգացմանը, կօժանդակեն ու կխրախուսեն կրթական հաստատությունների միջև թվինինգ ծրագրերի իրականացումը: Բացի այդ, հուշագրով կողմերը կնպաստեն հետազոտողների և պրոֆեսորների միջև փորձի և հմտությունների փոխանակմանը և կօժանակեն դասընթացների, համատեղ սեմինարների, գիտաժողովների և ցուցահանդեսների կազմակերպմանը, ինչպես նաև տեղեկատվության փոխանակմանը` կրթության և գիտական հետազոտությունների ոլորտում և կխթանեն համատեղ նախագծերի մշակումն ու իրականացումը:
Նյութի աղբյուրը. ՀՀ կրթության և գիտության նախարարության կայք
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ