Հասուն ճանապարհի մեկնարկ

Մայիսի 27, 2019

Դպրոցական անցուդարձ

Կապանի N13 հիմնական դպրոցում տեղի ունեցավ «Վերջին զանգ . վերջին դաս» խորագրով միջոցառում ,որին մասնակցում էին IXա, բ, գ դասարանի աշակերտները:/Դասղեկներ Սերգեյ Մինասյան, Լարիսա Ղազարյան, Գայանե Պատվականյան/
Այսօր յուրաքանչյուրի կենսագրության մեջ լինելու են այսպիսի բազմաթիվ էջեր` նոր նվաճումների դրվագներով լի: Նրանք շատ իղձեր ու ձգտումներ ունեն: Շատերն արդեն ընտրել են իրենց կյանքի ուղին, մյուսներն էլ կանգնած են այդ կարեւոր ընտրության առջև: 
Համոզված ենք, որ այսօրվա շրջանավարտներին է վիճակված դառնալու մեր երիտասարդ ժողովրդավարության զարգացման շարժիչ ուժը: Դրա համար պետք է լինեն Հայաստանի Հանրապետության հպարտ ու արժանավոր քաղաքացի, զարգացած ու բանիմաց անձ, բարձրորակ մասնագետ և պարզապես լավ մարդ: 
Ինչպես նշեց դպրոցի տնօրեն Զավեն Ստեփանյանը. «Դուք հրաժեշտ եք տալիս ձեր կյանքի առաջին՝ մանկական ու պատանեկան փուլին ու մտնում որպես անհատ, որպես մարդ, որպես քաղաքացի կազմավորվելու, ինքնուրույն քայլելու, ինքնահաստատվելու կարևորագույն փուլը։ Ձեզ հաջողություններ ենք մաղթում թվարկված բոլոր ասպարեզներում։Մենք ուրախանալու ենք ձեր հաջողություններով ու հպարտանալու ենք ձեր նվաճած բարձունքներով»: 
Վերջին զանգի արարողությանը ներկա էին նաև N զորամասի սպա, ավագ լեյտենանտ Արթուր Կարպովը, ով շնորհավորեց և հորդորեց երբեք չկորցնել կապը միմյանց և հարազատ կրթօջախի հետ, մաղթեց նորանոր նվաճումներ, հաջողություններ, վերելքի բազում ուղիներ, իսկ ամենագլխավորը՝ որպեսզի յուրանքանչյուրը, անկախ ընտրած մասնագիտությունից, դառնա հայրենիքին արժանի ու նվիրյալ քաղաքացի:
Շնորհավորում ենք բոլոր ծնողներին , ուսուցիչներին տոնական օրվա կապակցությամբ ՝ մաղթում ենք երջանկություն և ամենայն բարիք: Թող հաջողությունն ուղեկից լինի ձեր բոլոր բարի գործերում: 

ՄԿԱ գծով փոխտնօրեն Ժաննա Վարդանյան