ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Կրթության, գիտության, մշակույթի և սպորտի նախարարության «Ընտանիք» մանկապատանեկան ստեղծագործական կենտրոնի երգարվեստի խմբակի սաներ Կարինե Տիգրանյանը, Նորայր Հակոբյանը և Գառնիկ Ավագյանը մանկավարժներ Արտաշես Գրիգորյանի և Հռիփսիմե Մինասյանի գլխավորությամբ հունիսի 7-ին մեկնեցին Վրաստանի Հանրապետության Բաթումի քաղաք՝ մասնակցելու Կատարողական Արվեստի Համաշխարհային Ասոցիացիայի կողմից կազմակերպված «Super star-2019» երգի միջազգային և «Արվեստի միջազգային փառատոն»-ի «Batumi–Wave 2019» մրցույթներին: Վերջինս նվիրված էր խաղաղության, ընկերության և սիրո արժեքներին:
Մասնակցության նպատակն էր ներկայացնել երգարվեստի խմբակի սաների կարողությունները, նպաստել նրանց մասնագիտական և կատարողական ունակությունների զարգացմանը, երգարվեստի միջոցով ծանոթանալ տարբեր երկրների մշակութային առանձնահատկություններին և ներկայացնել սեփականը, մասնակիցների մոտ խթանել միջազգային մրցույթներին մասնակցելու և հաղթանակի հասնելու ձգտում:
Մրցույթներին մասնակցում էին շուրջ 370 դեռահաս՝ Վրաստանից, Հայաստանից, Ռուսաստանից, Բելառուսից, Ուկրաինայից, Թուրքիայից, Ադրբեջանից, Իտալիայից, Անգլիայից, Գերմանիայից, Իսրայելից, Հունաստանից և Լատվիայից:
Մասնագիտական ժյուրիի կազմում ընդգրկված էին մասնակից երկրներից հրավիրված արվեստի տարբեր բնագավառի ներկայացուցիչներ: «Super star-2019» երգի միջազգային մրցույթը նախագահում էր Հայաստանից վաստակաշատ մանկավարժ, երգարվեստի ոլորտում մեծ ներդրում ունեցող Սաթիկ Վարդանյանը:
Հարկ է նշել, որ «Ընտանիք» կենտրոնի երգարվեստի խմբակի սաներ Սարգիս Հակոբյանը և Ալեն Հարությունյանը մասնակցել են մրցույթներին, որպես նաև Գյումրու «Խաչատուր Ավետիսյան»-ի անվան թիվ 7 երաժշտական դպրոցի սաներ:
«Super star-2019» երգի միջազգային մրցույթում թեժ պայքարի արդյունքում անաչառ ու խստապահանջ ժյուրիի կողմից «Ընտանիք» կենտրոնի խմբավար Արևիկ Թանաշեանի /ԿԱՀԱ-ի վաստակավոր արտիստ, մշակույթի վաստակավոր գործիչ, «Անահիտ» ոսկե շքանշանակիր, 6 եվրոպական երկրների Գրան Պրի մրցանակակիր/ սաներն արժանացել են՝
Կարինե Տիգրանյանը «Էստրադային վոկալ» անվանակարգում Գրան Պրի մրցանակի,
Ալեն Հարությունյանը 1-ին տարիքային խմբում և Նորայր Հակոբյանը 2-րդ տարիքային խմբում «Ակադեմիական վոկալ» անվանակարգում Գրան Պրի մրցանակների,
Գառնիկ Ավագյանը «Ժողովրդական երգեցողություն» անվանակարգում 1-ին կարգի դափնեկրի կոչման,
Սարգիս Հակոբյանը «Ակադեմիական վոկալ» անվանակարգում 1-ին կարգի դափնեկրի կոչման,
Կարինե Տիգրանյանը և Նորայր Հակոբյանը «Դասական դուետ» անվանակարգում 1-ին կարգի դափնեկրի կոչման:
«Արվեստի միջազգային փառատոն»-ի «Batumi–Wave 2019» մրցույթում ևս գյումրեցի պատանիները գրանցել են փայլուն հաղթանակներ՝ գրավելով 1-ին պատվավոր հորիզոնականները 5 տարբեր անվանակարգերում և տարիքային խմբերում: Երկու մրցույթների արդյունքում շնորհալի սաներն արժանանացել են դիպլոմների, ոսկե մեդալների և գավաթների:
«Ընտանիք» կենտրոնի տնօրեն Արթուր Մինասյանի անունից շնորհակալագրեր հանձնվեցին ԿԱՀԱ-ի հիմնադիր նախագահ Արման Ղուկասյանին և ՅՈՒՆԵՍԿՕ-ի պարարվեստի համաշխարհային խորհրդի Վրաստանի մասնաճյուղի նախագահ Զուրաբ Բիլանիշվիլիին՝ համագործակցության և սաներին միջազգային մրցույթներին մասնակցելու հնարավորության ընձեռման համար։
Հարկ է նշել, որ մասնակիցները փառատոնների շրջանակում վարպետության դասեր են առել երգարվեստի բնագավառում կայացած, հարուստ կենսափորձ ունեցող և բանիմաց օտարազգի մասնագետներից, շրջայց կատարել Բաթումիի տեսարժան վայրերով:
Հ. Սարգսյան
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
