ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Գիտական աստիճանաշնորհման նոր անվանացանկից հանվել է 40 մասնագիտություն

Նոյեմբերի 3, 2016
Պաշտոնական

ՀՀ կրթության և գիտության նախարարությունում հրավիրված մամուլի ասուլիսում բարձրագույն որակավորման հանձնաժողովի նախագահ Լիլիթ Արզումանյանը ներկայացրել է գիտական աստիճանաշնորհման նոր անվանացանկն ու ոլորտում կատարված փոփոխությունները: 
Լ. Արզումանյանը տեղեկացրել է, որ բարձրագույն որակավորման հանձնաժողովում ավարտվել են «Հայաստանի գիտական աստիճանաշնորհման անվանացանկի» վերահաստատման աշխատանքները, իսկ մասնագիտական խորհուրդների նոր ցանցի ձևավորման գործընթացը ավարտին է մոտենում: 
«ԲՈՀ-ը` հիմք ընդունելով գիտական կազմակերպությունների և բուհերի մասնագետների կարծիքները, վերանայել է անվանացանկը, այն հնարավորինս համապատասխանեցնելով այսօրվա հայաստանյան գիտական ներուժին, քանի որ կան մասնագիտություններ, որոնց գծով հանրապետությունում դոկտորներ կամ չկան, կամ կա ընդամենը մեկ դոկտոր: Նման դեպքերում մասնագիտությունները միավորվել են հարակից մասնագիտությունների հետ: Ներկա անվանացանկում դրանք ներկայացված են համապատասխան ծանոթագրություններով: Այս գործընթացը սկսվել է դեռևս 90-ական թվականներին, քանի որ մեր անվանացանկն ի սկզբանե ժառանգություն էր խորհրդային գիտական  համակարգից, որն այսօր այլևս չի կարող գործել»,- նշել է Լիլիթ Արզումանյանը և հավելել, որ անկախության տարիներին անվանացանկն արդեն երրորդ անգամ է վերանայվում:
Լ. Արզումանյանի խոսքով՝ փոփոխությունների հետևանքով անվանացանկից շուրջ 40 մասնագիտություններ հանվել են՝ դրանք ներառելով հարակից մասնագիտությունների մեջ. «Մենք իրականում ոչինչ չենք կորցրել, որովհետև տեղի է ունեցել մասնագիտությունների   խոշորացում: Այսինքն՝ մասնագիտությունները դուրս չեն  մնացել, դրանք ընդամենը միավորվում են»,- ընդգծել է ԲՈՀ նախագահը: Նոր անվանացանկի հաստատումից հետո  համապատասխանաբար սկսվել են նաև նոր մասնագիտական խորհուրդների հաստատումը՝ նոր սկզբունքներով. «Մենք այստեղ կիրառել ենք նոր մետեցում. յուրաքանչյուր գիտնական կարող է ընդգրկվել միայն մեկ մասնագիտական խորհրդում և  միայն մեկ մասնագիտությամբ: Այս նոր չափանիշներով մենք կտրուկ մոտենում ենք պաշտպանությունների կազմակերպման եվրոպական չափանիշներին, և խորհուրդների աշխատանքը դառնում է առավել թափանցիկ: Արդյունքում  մասնագիտական խորհուրդների կազմերը նկատելիորեն թարմացան, ընդգրկվեցին ավելի շատ թվով գիտնականներ,  հատկապես երիտասարդներ»,-  նշել է ԲՈՀ նախագահը՝ հավելելով,,որ  նոր մասնագիտական խորհուրդների կազմերը փոքրաթիվ են՝ ընդամենը 9 գիտնական:  Խորհրդի կազմում ընդգրկվելու համար գիտությունների թեկնածուների համար սահմանվել է առնվազն 10 գիտական հոդվածի, իսկ դոկտորների համար վերջին 5 տարվա ընթացքում առնվազն 5  գիտական հոդվածի առկայության պահանջ:
Գործող կարգի համաձայն խորհուրդների ձևավորման համար գործում են հետևյալ չափանիշներ. թեկնածուական ատենախոսությունների պաշտպանություն իրականացնելու համար մասնագիտական խորհրդի կազմում համապատասխան մասնագիտությամբ  պետք է ընդգրկված լինեն  առնվազն 3 գիտությունների դոկտորներ, դոկտորական ատենախոսության պաշտպանության կազմակերպման համար անհրաժեշտ է  առնվազն 5 դոկտորի առկայություն:
Փոփոխությունների արդյունքում ներկայումս ձևավորվել են  գիտության  22 բնագավառ՝ 44 ենթաբնագավառով, որոնցում ընդգրկված են մոտ 155 մասնագիտություններ: Անվանացանկի միակ նորությունը Գևորգյան ճեմարանում ձևավորված Աստվածաբանության մասնագիտական խորհուրդի ստեղծումն է: Առանձին դեպքերում պաշտպանությունների կազմակերպման համար համապատասխան   գիտնականներ են հրավիրվում նաև արտերկրից: 
Ասուլիսի  ընթացքում  ԲՈՀ նախագահը պատասխանել է լրագրողների հարցերին, որոնք վերաբերել են հանրային հետաքրքրություն ներկայացնող  ոլորտային մի  շարք խնդիրների:

Նյութի աղբյուրը. ՀՀ կրթության և գիտության նախարարություն

  • Ռուբրիկները՝ որպես ուսումնառության գնահատման միջոց

    Թեմայի հեղինակ՝ Lianna3

    Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…

  • Հարցադրումը՝ որպես ուսումնառության գնահատման միջոց

    Թեմայի հեղինակ՝ Lianna3

    Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…

  • Ուղիղ հրահանգումով դասավանդում/ դասապլանների օրինակներ

    Թեմայի հեղինակ՝ Lianna3

    Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)

  • Պարզաբանումներ

    Թեմայի հեղինակ՝ manush

    Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:

  • Ուղիղ հրահանգումով դասավանդում

    Թեմայի հեղինակ՝ Lianna3

    Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…