ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Գիտելիք ստանալու ամենակարևոր միջոցը թերևս գիրքն է, գրքի ընթերցանությունը:
Գիրքը պետք է ընթերցել հասկանալով, եթե գեղարվեստական գիրք է՝ հերոսների աշխարհով, հերոսների ապրումներով ապրելով, ընթերցած նյութը ինքնուրույն գնահատելով:
«Ընթերցելով դա պետք է ամեն ինչ հիմնավորապես կշռադատես, որպեսզի ընթերցածդ դառնա միս ու արյուն, այն ոչ թե մտնի սոսկ հիշողության մեջ, ինչպես որևէ բառարանի մեջ»,- փիլիսոփայում էր Էրազմ Ռոտերդամցին:
Շատ ու շատ աշակերտներ սիրում են կարդալ, սիրում են դպրոցի գրադարանը, որտեղ հանգրվանում են ընթերցողին կարոտող գրքեր:
Արդեն երրորդ տարին է, ինչ դպրոցի տարբեր դասարանների աշակերտներ մասնակցում են «Զանգակ» հրատարակչության կողմից կազմակերպվող «Ամառային ընթերցանություն» մանկապատանեկան ծրագրով նախատեսված մրցույթին, հաղթող ճանաչվում՝ պարգևատրվելով պատվոգրերով, շնորհակալագրերով, հավաստագրերով, իսկ դպրոցը՝ շարժական գրադարանով՝ հագեցված երեխաների համար շատ սիրելի ու բացառիկ գրքերով:
2016 թվականին ամռանը ծրագրին մասնակցել են մի շարք աշակերտներ, որոնցից մեկը՝ 7«Գ» դասարանի աշակերտուհի Էլիտա Հովսեփյանը, պարգևատրվել է պատվոգրով և ստացել գլխավոր մրցանակը՝ շարժական փոքրիկ, բայց կախարդական գրադարանը, նրա եղբայրը՝ 5Գ դասարանի աշակերտ Էդուարդ Հովսեփյանը, արժանացել է պատվոգրի, իսկ ինը աշակերտներ «Ամառային ընթերցանություն 2016» մանկապատանեկան ծրագրին մասնակցելու համար ստացել են հավաստագրեր: Մրցանակը, պատվոգրերը և հավաստագրերը երեխաներին հանձնել են դպրոց ժամանած «Զանգակ» հրատարակչության ներկայացուցիչները:
Շնորհավորում ենք մասնակից բոլոր աշակերտներին, նրանց ուսուցիչներին:
Գիրքը ընթերցելը, ընթերցանություն սիրելը մարդու մտավոր զարգացման կարևոր պայմաններից մեկն է:
Մ. Զաքարյան
