ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության և գիտության նախարարությունում այսօր տեղի է ունեցել «ՏՄԿՈՒ ոլորտում վարպետաց դասընթացներ» թեմայով առաջնորդության միջազգային ուսուցման մասնակիցների հավաստագրերի հանձնման արարողությունը: Միջոցառմանը մասնակցել են ՏՄԿՈՒ հաստատությունների, ոլորտի գործընկեր և շահագրգիռ կողմերի, միջազգային կազմակերպությունների, ինչպես նաև պետական և մասնավոր հատվածի ներկայացուցիչներ:
Միջոցառման մասնակիցներին ողջունել են ՀՀ կրթության և գիտության նախարար Լևոն Մկրտչյանը, ՀՀ-ում Գերմանիայի Դաշնային Հանրապետության դեսպանատան մշտական ներկայացուցիչ Նադիա Լիխտենբերգերը և «Մասնավոր հատվածի զարգացում Հարավային Կովկասում» ծրագրի թիմի ղեկավար Վիլհելմ Հյուգոն:
Շնորհավորելով հավաստագրերի արժանացած հինգ մասնակիցներին` նախարար Լևոն Մկրտչյանը նշել է, որ նախնական և միջին մասնագիտական կրթության ոլորտի զարգացումը շատ կարևոր է Հայաստանում: «Ցանկանում եմ շնորհակալություն հայտնել մեր եվրոպացի, հատկապես, գերմանացի գործընկերներին, որովհետև նրանց փորձը լավագույններից մեկն է Եվրոպայում: Գերմանական կրթական ներկայությունը Հայաստանի միջին մասնագիտական ծրագրերում այս տարիների ընթացքում ունեցել է շատ կարևոր նշանակություն: Պատահական չէ, որ միջին մասնագիտական կրթության ուղղությամբ ԵՄ-ի հետ մեր գործընկերության շրջանակում գերմանական ձեռագիրը բավականին զգալի է և հստակ: «ՏՄԿՈՒ ոլորտում վարպետաց դասընթացներ» թեմայով առաջնորդության միջազգային ուսուցման ծրագրի շրջանակում պահպանվել է այն հիմնական ուղղվածությունը, որը տարիներ շարունակ կառավարության համար գերակա է, երբ փորձ է արվում աշխատաշուկայի պահանջներին համարժեք միջին մասնագիտական կրթական համակարգ ստեղծել, որի լավագույն արդյունքը վերապատրաստված մասնագետներն են: Ներկայումս անհրաժեշտ է հատկապես երկու ուղղությամբ արմատական փոփոխություն կատարել՚ գյուղատնտեսական և բժշկական, որի շրջանակում քոլեջների մի հսկայական ցանց պետք է մոտեցնել աշխատաշուկայի պահանջներին: Այս իմաստով վերոնշյալ ծրագրում առկա տարրերը պետք է հնարավորինս օգտագործել միջին մասնագիտական հաստատություններում: Բացի այդ, անհրաժեշտ է նաև ՄԿՈՒԶԱԿ-ի ձևաչափերը հարմարացնել նոր պայմաններին: Առհասարակ, միջին մասնագիտական կրթական հատվածում առկա է երկու կարևոր խնդիր` կրթության զարգացման տասնամյա ծրագրում ոլորտը ներկայացնել համապատասխան ձևաչափով, և երկրորդ` ոլորտում հնարավորինս շատ ներառել նման ծրագրեր: Այսինքն, պետք է լինեն գործնական ծրագրեր, վերապատրաստումներ, մասնագիտությունների ներդնում, չափելի և կշռելի արդյունք»,-մասնավորապես նշել է նախարարը:
Միջոցառման ընթացքում հավաստագրերի են արժանացել` Իրմա Վարդանյանը /Երևանի պետական հումանիտար քոլեջ/, Զարուհի Արևշատյանը /Երևանի պետական հումանիտար քոլեջ/, Կարինե Ավետիսյանը /Վայոց Ձորի տարածաշրջանային պետական քոլեջ/, Նելլի Պողոսյանը /Շիրակի տարածաշրջանային պետական քոլեջ/ և Գոհար Սոխիկյանը /ՀՀ ԱՍՀՆ զբաղվածության պետական գործակալություն/:
Նշենք, որ միջոցառման նպատակն էր ներկայացնել «Վարպետաց դասընթացներ ՏՄԿՈՒ ոլորտում» առաջնորդության միջազգային վերապատրաստման հաջողված փորձը, որն իրագործվել է ԳՄՀԸ ՄՀԶ ՀԿ ծրագրի ՏՄԿՈՒ ոլորտում մարդկային ռեսուրսների կարողությունների զարգացում բաղադրիչի շրջանակում՝ ՀՀ կրթության և գիտության նախարարության, ԳՄՀ միջազգային համագործակցության ակադեմիայի, Մագդեբուրգի Otto-von-Guericke համալսարանի և ՄԿՈՒ զարգացման ազգային կենտրոնի համագործակցությամբ:
Հայաստանում «Վարպետաց դասընթացներ ՏՄԿՈՒ ոլորտում» առաջնորդության միջազգային վերապատրաստման ծրագիրը մեկնարկել է ս.թ. փետրվարին, որի առաջին փուլը կազմակերպվել է Վրաստանում և այնուհետև՝ Գերմանիայում (Մագդեբուրգի Otto-von-Guericke համալսարանում): Հայաստանի միջին մասնագիտական հաստատությունները ներկայացնող մասնակիցներին հնարավորություն է ընձեռվել՝ ընդլայնել իրենց մասնագիտական կարողությունները, գիտելիքներն ու հմտությունները՝ ՏՄԿՈՒ ոլորտում իրենց հետագա աշխատանքը որպես դասավանդողներ ու ուսուցանողներ, կառավարիչներ և ադմինիստրատորներ իրականացնելու համար: Այսօր նրանք պատրաստ և իրազեկ են միջին մասնագիտական հաստատություններում բարեփոխումներ նախաձեռնելու համար՝ ի նպաստ ՏՄԿՈՒ համակարգի արդիականացման և բարելավման:
Նյութի աղբյուրը. ՀՀ կրթության և գիտության նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
