ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Երիտասարդության միջազգային օրվա կապակցությամբ «Միջազգային կրթության ամերիկյան խորհուրդներ (American Councils)» կազմակերպությունը և ՄԱԿ-ի թմրամիջոցների և հանցագործության դեմ պայքարի գրասենյակը (United Nations Office on Drugs and Crime-UNODC) նախաձեռնել են երիտասարդների մասնակցությամբ օրենքի գերակայությանը միտված «E4J Justice Accelerator» ծրագրի մեկնարկը։ Առցանց միջոցառմանը ողջույնի խոսքով հանդես է եկել նաև ՀՀ ԿԳՄՍ նախարարի տեղակալ Արթուր Մարտիրոսյանը։
Նա շնորհավորել է Երիտասարդության միջազգային օրվա կապակցությամբ, կարևորել տարվա կարգախոսը և կոչ արել երիտասարդներին ակտիվ ներգրավվածություն ունենալ տեղական, ազգային, ինչպես նաև համաշխարհային ինստիտուտներում և գործընթացներում: Համոզմունք հայտնելով, որ ժողովրդավարության ամրապնդումն ու օրենքի գերակայության հաստատումն ակնկալում են ակտիվ հանրային մասնակցություն և ստեղծագործականություն, նախարարի տեղակալ Ա. Մարտիրոսյանն ընդգծել է երիտասարդների ներգրավվածության կարևորությունն այս ծրագրին, որը նախատեսում է կրթության, նորարարության և ձեռներեցության համադրություն: Միաժամանակ, նա տեղեկացրել է, որ 2018 թ.-ի Թավշյա հեղափոխության և ժողովրդավարական զարգացումների արդյունքում այսօր Հայաստանում առկա են հանրային կյանքի տարբեր ինստիտուտների կայացման մեջ քաղաքացիների և լայն հանրության մասնակցության բոլոր հնարավորությունները։ Ընդգծելով երիտասարդների մասնակցությունն իրենց վերաբերող որոշումների կայացմանը՝ Ա.Մարտիրոսյանն այս առումով առանձնացրել է «Երիտասարդական պետական քաղաքականության 2021-2025 թթ․ ռազմավարությունը, որի մշակման աշխատանքներն արդեն սկսվել են: Փոխնախարարը ևս մեկ անգամ շնորհակալություն է հայտնել կազմակերպիչներին և հաջողություն հայտնել մրցող թիմերին:
Նշենք, որ E4J Justice Accelerator-ն 3-ամսյա անվճար ծրագիր է․ այն հնարավություն է տալիս 16-18 տարեկան երիտասարդներին ձեռք բերել անհրաժեշտ գիտելիքներ և հմտություններ, որոնք կօգնեն դառնալ երիտասարդ ձեռնարկատերեր՝ լուծելու օրենքի ուժի և համայնքային կայուն զարգացման հետ կապված խնդիրները։
Ծրագրի փուլերն են՝
2020թ․ օգոստոս-մեկշաբաթյա առցանց դասընթացներ
2020թ․ սեպտեմբեր-նոյեմբեր-մասնակիցները խմբերով ծրագրեր են իրականացնում իրենց համայնքներում՝ օգտագործելով դասընթացների ընթացքում ստացած հմտությունները
2020թ․ դեկտեմբեր-հաղթող խումբը մեկնում է արտերկիր՝ մասնակցելու միջազգային միջոցառման։ Ճանապարհորդության հետ կապված հետագա լուծումները պայմանավորված կլինեն Հայաստանում դեկտեմբերին տիրող համաճարակային իրավիճակով։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
