ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարար Արայիկ Հարությունյանն այսօր ընդունել է Հայաստանում ֆրանսիական համալսարանի ռեկտոր Ժան-Մարկ Լավեստին: Նա այս օրերին ավարտում է գործունեությունը Հայաստանի ֆրանսիական համալսարանում և մեր երկրում: Հանդիպմանը ներկա է եղել նաև ՀՀ ԿԳՄՍ նախարարի տեղակալ Արթուր Մարտիրոսյանը:
Ողջունելով հյուրին` նախարար Ա. Հարությունյանն արձանագրել է, որ պարոն Լավեստի ղեկավարման տարիներին Հայաստանի ֆրանսիական համալսարանը զարգացում է ապրել՝ հաջողությամբ հանդես գալով տեղական բուհերի շարքում: Նա ներկայացրել է, որ կորոնավիրուսի տարածումը կանխարգելելու նպատակով կիրառվող սահմանափակումներն զգալի բարդացնում են աշխատանքը, և հաճախ անհրաժեշտություն է առաջանում ընդունել բարդ և պատասխանատու որոշումներ, որոնք, իրավիճակի զարգացումներով պայմանավորված, կարճ ժամանակահատվածում կարող են փոփոխությունների ենթարկվել:
Ռեկտոր Լավեստի խոսքով՝ վերջին տարիներին Ֆրանսիական համալսարանի հաջողությունները պայմանավորված են եղել նաև նախարարության հետ արդյունավետ համագործակցությամբ, իսկ բուհի կանոնադրության փոփոխության կարևոր գործընթացում մշտապես զգացել են նախարարի աջակցությունը: Ժան-Մարկ Լավեստը նշել է, որ արդեն հայտնի է համալսարանի հաջորդ ռեկտորի անունը. նա մասնագիտությամբ տնտեսագետ է՝ առավել մասնագիտացած կիբեռանվտանգության հարցերով և արդեն ավարտում է իր գործունեությունը Օքսֆորդի համալսարանում: Նրա խոսքով՝ Հայաստանում ֆրանսիական համալսարանը նոր ռեկտորի գլխավորությամբ առաջիկայում խնդիր է դնելու քայլեր ձեռնարկել նոր՝ տուրիզմի մասնագիտության ներդրման ուղղությամբ: Գործող ռեկտորի խոսքով՝ մեկ այլ ուղղությունն էլ մաթեմատիկականն է, որի զարգացումը, ի վերջո, խթանելու է նաև Հայաստանի տնտեսության ճյուղերի առաջընթացը: Ժան-Մարկ Լավեստն անկեղծացել է, որ մեր երկրում աշխատող իր դուստրը և 12-ամյա որդին, որ արդեն մոտ հինգ տարի իր հետ Հայաստանում են, դեռ որոշ ժամանակ գուցե մնան, իսկ հեռանալիս իրենք մի կտոր Հայաստան են տանելու իրենց հետ:
Հանդիպման ավարտին նախարար Ա. Հարությունյանը Հայաստանում ֆրանսիական համալսարանի զարգացման, ղեկավարման նորարական մոտեցումների կիրառման և հայ-ֆրանսիական հարաբերությունների ամրապնդման համար պարոն Լավեստին պարգևատրել է ԿԳՄՍՆ մեդալով՝ ընդգծելով, որ իր պաշտոնավարման ընթացքում պարգևներ, կոչումներ չի շռայլել և նախարարությունների միավորումից հետո ստեղծված պարգևն առաջին անգամ է հանձնում:
Շնորհակալություն հայտնելով պարգևի համար՝ ռեկտոր Լավեստն ասել է, որ բարձր է գնահատում բարեկամական վերաբերմունքը և պատրաստ է աջակցել հայկական կողմին անգամ Հայաստանում առաքելությունն ավարտելուց հետո:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Բազմության և նրա տարրերի հասկացությունները մաթեմատիկայում սկզբնական հասկացություններ են: Բազմությունն իրարից տարբեր առարկաների, գաղափարների, օբյեկտների հավաքածու է : Հավաքածուի անդամները կոչվում են բազմության տարրեր: Սովորաբար բազմությունները նշանակվում են լատինական մեծատառերովÕœA,B,C...,…
Նորմը դա միմիյանց միջև հարաբերությունները կարգավորելու և ավելի ներդաշնակ համայնքներ ու հասարակություններ ձևավորելու նպատակով մարդկանց կողմից ստեղծված վարքագծի կանոն է: Նորմերը լինում են իրավական և բարոյական: 1. Իրավական նորմ՝ պարտադիր…
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
