ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարարության աջակցությամբ, Հայաստանի «Նոր անուններ» ծրագրի նախաձեռնությամբ և կազմակերպմամբ (ղեկավար` «Մշակույթի գործիչների ընկերակցության» նախագահ, ՀՀ մշակույթի վաստակավոր գործիչ Սիլվա Մեքինյան) 2020 թվականի դեկտեմբերի 26-ին առցանց ձևաչափով կմեկնարկի «Նոր անուններ» պատանի երաժիշտ-կատարողների 10-րդ միջազգային փառատոնը: Առցանց ցուցադրությունը կիրականացվի «Armenian National Music» մեդիա կազմակերպության կողմից։
«Նոր անուններ» պատանի երաժիշտ-կատարողների միջազգային 10-րդ՝ հոբելյանական փառատոնը, ավանդույթի համաձայն, պետք է անցկացվեր հունիս ամսին, սակայն հետաձգումը պայմանավորված էր համավարակով և արտակարգ իրավիճակի իրավական ռեժիմով:
Այս տարի փառատոնի համերգային 3 առցանց ծրագրերում ընդգրկվել են ավելի քան 5 տասնյակ պատանի երաժիշտ-կատարողներ Հայաստանից, Արցախից, Ռուսաստանից, ԱՄՆ-ից, Լիտվայից, Ֆրանսիայից, Ճապոնիայից, Վրաստանից (օտարազգի, սփյուռքահայ, միջազգային և հանրապետական մրցույթների ու փառատոների բազմակի դափնեկիրներ)։ Փառատոնի առցանց համերգասրահում են նաև Հայաստանի «Նոր անուններ» ծրագրի նախկին տարիների անդամները, ովքեր արդեն կայացած երաժիշտ-կատարողներ են:
Առցանց համերգասրահը թույլ կտա փառատոնի «Խաղաղությունը սրտում» պատգամի ներքո հավաքել առավել մեծ լսարան և պատանի երաժիշտներին ներկայանալ իրենց «երաժշտական մարտահրավերներով»։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
