ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Հարստացնելով զինվորի գրադարանը․ Գրքահավաք՝ վերականգնողական կենտրոններում բուժվող զինվորների համար

Փետրվարի 11, 2021
Մշակութային լուրեր Լուրեր կազմակերպություններից

«Ամեն տարի գիրք նվիրելու օրը տոնում ենք, նվիրում հոգևոր գրականություն։ Այս տարի մեր միավորման անդամ երիտասարդներն առաջարկեցին գրքահավաք իրականացնել, գրքերն էլ փոխանցել վերականգնողական կենտրոններում բուժում ստացող մեր զինվորներին,- «Միասին հարստացնենք զինվորի գրադարանը» նախաձեռնության մասին Erit.am-ին է պատմում Հայ եկեղեցու համաշխարհային երիտասարդական միավորման կենտրոնական գրասենյակի հասարակական կառույցների գծով փոխտնօրեն Անգելինա Ալեքսանյանը։

Երիտասարդների առաջարկը միավորումում սիրով և ոգևորությամբ են ընդունել ու արագ անցել գործի։ Փետրվարի 8-ից գրասենյակում ակտիվ եռուզեռ է։ Նախաձեռնությանը միացել են նաև հարակից 3 դպրոցներ։

Երիտասարդական միավորումն արդեն իսկ առանձնացրել է իր պահոցի այն գրքերը, որոնք տեղ են գտնելու զինվորների գրադարաններում։ Դրանց մեջ իր ուրույն տեղն ունի գրասենյակի հրատարակած «Երիտասարդի աղոթագիրքը», որի բազմաթիվ օրինակներ առաջնագծի զինվորներին են հասցրել դեռ պատերազմի օրերին։

Պատերազմը փոխել է նաև ՀԵՀԵՄ կենտրոնական գրասենյակի 2021-ի ծրագրերը․

«Այս տարի առաջնահերթ ենք համարել այն ծրագրերը, որոնք ուղղված են պատերազմի ընթացքում հաշմանդամություն ձեռք բերած կամ առողջական խնդիր ունեցող զինվորների վերականգնմանը։ Նախատեսում ենք կրթական ծրագրեր, սոցիալիզացիային ուղղված ծրագրեր, որոնք հնարավորություն կտան նրանց մշտապես գտնվել երիտասարդական միջավայրում։ Շատ հետաքրքիր և բավականին արդյունավետ հոգեբանական թերապիա կարող է լինել նրանց համար»,– նշեց Անգելինա Ալեքսանյանը։

«Միասին հարստացնենք զինվորի գրադարանը» խորագրով գրքահավաքը շարունակվելու է մինչև փետրվարի 19-ը։ Բոլոր նրանք, ովքեր ցանկանում են միանալ նախաձեռնությանը, գրքերը պետք է մոտեցնեն ՀԵՀԵՄ կենտրոնական գրասենյակ (Սայաթ Նովա-Աբովյան խաչմերուկ` Սուրբ Աննա և Սուրբ Կաթողիկե եկեղեցիների հարևանությամբ)։

Նյութը՝ Աննա Կարապետյանի

Նյութի աղբյուրը. Երիտասարդ պորտալ

  • Տեղեկատվություն «Պաշարների շտեմարան» կայքում տեղադրված ՏՀՏ գործիքների վերաբերյալ

    Թեմայի հեղինակ՝ arpi.kirishyan

    «Պաշարների շտեմարան» նոր կայքում, որի գործարկման մեկնարկը https://lib.armedu.am/ հասցեում տրվեց 2022 թվականին, տեղադրվել է արդեն 18 000-ից ավելի կրթական էլեկտրոնային պաշար: Կայքում բացվել է Կրթական տեխնոլոգիաներ բաժին, որտեղ տեղադրված են…

  • Ուսուցիչը՝ կրթության հենասյուն

    Թեմայի հեղինակ՝ manush

    Ուսուցչի օրվա առթիվ մի խումբ մանկավարժներ և ոլորտի ներկայացուցիչներ պարգևատրվել են ԿԳՄՍ նախարարի կողմից ՀՀ կրթության, գիտության, մշակույթի և սպորտի նախարարությունը Ուսուցչի միջազգային օրվա առթիվ պարգևատրել է ոլորտի մի խումբ…

  • Ինչո՞ւ է երեխան դպրոցից գնում կրկնուսույցի մոտ:

    Թեմայի հեղինակ՝ zhanna@ktak.am

    Ողջույն, հայգելի գործընկերներ: Օրեր առաջ սոցիալական մեդիահարթակներում մի փոքրիկ հարցում անցկացրեցինք պարզելու համար՝ հասարակությանը առավել հետաքրքրող թեմաները: Հարցումների արդյունքում ընտրվեց այսօրվա մեր քննարկվելիք թեման՝ ինչո՞ւ է երեխան դպրոցից գնում կրկնուսույցի…

  • Ջոն Դյուի՝ նախագծային մեթոդի հիմնադիր

    Թեմայի հեղինակ՝ LZH

    <<Կրթությունը պատմելը և պատմություններ լսելը չէ․ այն ակտիվ և կառուցողական գործընթաց է>> Ջոն Դյուի Նախագծերի մեթոդը (Project methods (http://education.stateuniversity.com/pages/2337/Project-Method.html)) ուսուցման համակարգ է, որի ընթացքում սովորողները գիտելիքներ, կարողություններ, հմտություններ են ձեռք…

  • 9-րդ դաս. Բնագիտություն առարկայի քննությունը ուս. նախագծի միջոցով անցկացնելու մասին

    Թեմայի հեղինակ՝ manush

    ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…