ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

ԵՄ-ն աջակցում է աշխատանքի վրա հիմնված ուսուցման մոդելի ներդրմանը

Ապրիլի 23, 2021
Միջազգային լուրեր

ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանն այսօր ներկա է գտնվել «ԵՄ-ն հանուն երիտասարդության. ՍԵՅ ԵՍ` հմտություններ աշխատանքի համար» ծրագրի աշխատաժողովին: Ներկայացվել են 2018-21 թվականներին նախնական արհեստագործական և միջին մասնագիտական կրթության ոլորտում եռամյա ծրագրի շրջանակում կատարված աշխատանքները:
Նախարարի տեղակալն իր ողջույնի խոսքում ընդգծել է, որ վերջին տարիներին ԵՄ աջակցությամբ իրականացվող ՄԿՈՒ ոլորտի բարեփոխումների արդյունքներն ամփոփելով՝ պետք է զուգահեռաբար սկսենք նաև հաջորդ քայլերը պլանավորել: Ժաննա Անդրեասյանի խոսքով` ԿԳՄՍ նախարարին կից աշակերտական խորհրդի վերջին նիստում քննարկվել է մասնագիտական կողմնորոշման խնդիրը, և աշակերտները հարց են բարձրացրել սովորելուն զուգահեռ աշխատելու հնարավորության մասին:
«Աշխատանքի վրա հիմնված ուսուցման մոդելը, որի ներդրման ուղղությամբ կրթական համակարգը համագործակցում է ԵՄ-ի հետ, երիտասարդների զբաղվածությունը խթանելու տեսանկյունից առաջնային հարց է: Կարևոր է նաև այն փորձը, որ կուտակվում է տարբեր ծրագրերի իրականացման արդյունքում: Փորձնական ծրագրերի շնորհիվ առաջին հերթին մենք կարողանում ենք զարգացնել ուսումնական հաստատությունների ենթակառուցվածների և մարդկային ռեսուրսների կարողությունները: Երկրորդ` նոր գործընկերության և աշխատանքի վրա հիմնված ուսուցման փորձ ենք ձեռք բերում, որը լավ հիմք է ստեղծում հետագա ինստիտուցիոնալ քայլերի իրականացման համար: ԿԳՄՍ նախարարությունում այժմ քննարկում ենք փորձարկման փուլի արդյունքների հիման վրա օրենսդրական փոփոխություններ ձեռնարկելու հարցը` համաձայն աշխատանքի վրա հիմնված ուսուցման հայեցակարգի»,- նշել է նախարարի տեղակալը` կարևորելով հատկապես մարզային ուսումնական հաստատությունների կարողությունների հզորացումը: Նրա խոսքով` իրականացված ծրագրերի վերլուծությունը հնարավորություն կտա իրավական դաշտի փոփոխությունները կատարել ավելի նպատակային և թիրախային:
Հանդիպման մասնակիցներին տեսաուղերձով ողջունել է Հայաստանում ԵՄ պատվիրակության ղեկավար Անդրեա Վիկտորինը:
Հանդիպման ընթացքում ներկայացվել են աշխատանքի վրա հիմնված ուսուցման մեթոդաբանությամբ մասնագիտական կրթության կազմակերպման գործընթացը, ոչ ֆորմալ և ինֆորմալ ուսումնառության արդյունքների վավերացման համակարգի բարելավմանն ուղղված առաջարկները, անդրադարձ է եղել նաև ՄԿՈՒ ոլորտում ներառական կրթության իրականացման խնդիրներին:
«Վորլդ Վիժեն Հայաստան» և «Գլոբալ զարգացումներ» հիմնադրամ կազմակերպությունների ներկայացուցիչներ Լիանա Սարգսյանը և Լիլիթ Բեգլարյանն աշխատաժողովի մասնակիցներին ներկայացրել են «ԵՄ-ն հանուն երիտասարդության. ՍԵՅ ԵՍ` հմտություններ աշխատանքի համար» ծրագրի շրջանակում ՄԿՈՒ հաստատությունների և գործատուների հետ կյանքի կոչված ծրագրերը, որոնք փորձնական նպատակով իրականացվել են Արարատի պետական, Գավառի և Ստեփանավանի գյուղատնտեսական քոլեջներում, Ալավերդու արհեստագործական ուսումնարանում:
Ծրագրերն իրականացվել են ԵՄ աջակցությամբ և ֆինանսավորմամբ: Նշված հաստատությունները ստացել են ժամանակակից նյութատեխնիկական բազա. մասնավորապես Ալավերդու արհեստագործական ուսումնարանը` կցորդիչով տրակտոր, Ստեփանավանի գյուղատնտեսական քոլեջը` կաթի-կաթնամթերքի և պանրագործության, Արարատի պետական քոլեջը` գինեգործության, Գավառի գյուղատնտեսական քոլեջը` անասնաբուժության լաբորատորիա:
Մշակվել են ոչ ֆորմալ ԱՀՈՒ (Աշխատանքի վրա հիմնված ուսուցման) կարճաժամկետ ծրագրեր, որոնցով իրականացվել են վերապատրաստման դասընթացներ: Դասընթացների մասնակիցներից ոմանք արդեն աշխատանք են գտել գործատուների մոտ, կան նաև դեպքեր, երբ նրանք հիմնել են իրենց բիզնեսը:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ռուբրիկները՝ որպես ուսումնառության գնահատման միջոց

    Թեմայի հեղինակ՝ Lianna3

    Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…

  • Սովորողի աշխատանքի գնահատման միջոցները

    Թեմայի հեղինակ՝ Lianna3

    Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…

  • Ուղիղ հրահանգումով դասավանդում/ դասապլանների օրինակներ

    Թեմայի հեղինակ՝ Lianna3

    Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)

  • Պարզաբանումներ

    Թեմայի հեղինակ՝ manush

    Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:

  • Ուղիղ հրահանգումով դասավանդում

    Թեմայի հեղինակ՝ Lianna3

    Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…