ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

«Պատերազմից հետո, ասես, պարտավորված ենք մեդալ նվաճել». մարմնամարզության հավաքականը վերադարձել է Եվրոպայի առաջնությունից

Ապրիլի 28, 2021
Սպորտային լուրեր

Հայաստանի սպորտային մարմնամարզության հավաքականը վերադարձել է Բազելից, որտեղ կայացած Եվրոպայի առաջնությունում Արթուր Դավթյանը դարձել է չեմպիոն (նժույգթափեր վարժություն): «Զվարթնոց» օդանավակայանում հավաքականին դիմավորել են ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանը, մարզաշխարհի ներկայացուցիչներ և մարզասերներ:

ԿԳՄՍ նախարարի տեղակալ Կարեն Գիլոյանը շնորհավորել և շնորհակալություն է հայտնել Արթուր Դավթյանին՝ Հայոց ցեղասպանության 106-րդ տարելիցի օրը՝ ապրիլի 24-ին, Հայաստանի մարզական պատիվը բարձր պահելու և օրհներգը միջազգային հարթակում հնչեցնելու համար. «Յուրաքանչյուր այսպիսի հաղթանակ հայ ժողովրդին պարգևում է խանդավառություն, հպարտության հրաշալի պահեր և ոգեշնչում հազարավոր պատանիների: Կեցցե՛ս: Սպասելիքները հաղթական են նաև Օլիմպիական խաղերից»:

Արթուր Դավթյանը, մեկնաբանելով մրցելույթները, խոստովանել է, որ մեդալային սպասելիքներ ունեցել է առավելապես հենացատկ վարժությունից, որում, սակայն, զբաղեցրել է 6-րդ հորիզոնականը. «Անկեղծ ասած, չէի սպասում, որ չեմպիոն կդառնամ նժույգթափեր վարժությունում, իսկ հենացատկում սպասելիքներ կային. ինչևէ, մարմնամարզությունը շատ անկանխատեսելի մարզաձև է: Ուրախ եմ, որ ապրիլի 24-ին կանգնեցի պատվո հարթակի առաջին տեղում, բարձրացավ մեր դրոշը, և բոլորը ոտքի կանգնեցին»:

Ամռանը Տոկիոյում կայանալիք Օլիմպիական խաղերում Արթուր Դավթյանը նախատեսում է կրկին հանդես գալ նժույգթափերում և հենացատկում: Մարմնամարզիկի խոսքով՝ այդպիսով մյուս վարժությունների վրա ուժ չի ծախսի, իսկ մեդալ նվաճելու հնարավորություններն ավելի մեծ կլինեն:

Հայաստանի սպորտային մարմնամարզության հավաքականի գլխավոր մարզիչ Հակոբ Սերոբյանը նշել է, որ բոլորի մասնակցությունից գոհ է, քանի որ մարզիկները ջանք չեն խնայել. «Պատերազմից հետո, ասես, պարտավորված ենք զգում մեդալ նվաճել: Ես տղաներին ասել էի՝ պատերազմից հետո յուրաքանչյուրի կռիվն իր բնագավառում է: Անկեղծ եմ ասում՝ ինձ երբեք այսքան լավ չէի զգացել, ինչպես Բազելում: Եղել են մրցաշարեր, որոնցում ավելի շատ մեդալներ ենք նվաճել, բայց այս զգացողությունների հետ համեմատելի չեն: Գագիկ Խաչիկյանի և Արթուր Ավետիսյանի՝ նժույգթափեր և օղակներ վարժություններում չորրորդ տեղը ևս ինձ համար մեդալ են: Շատ շնորհակալ եմ տղաներին, որ մոռացան վնասվածքները, հետվիրահատական դժվարությունները և ջանք չխնայեցին: Ես հպարտ եմ, որ մեր մարմնամարզիկներն այդքան սիրում են իրենց հայրենիքը»:

Հիշեցնենք, որ Եվրոպայի մարմնամարզության առաջնությունում հանդես են եկել Արթուր Դավթյանը, Գագիկ Խաչիկյանը, Արթուր Ավետիսյանը, Վահագն Դավթյանը և Արմեն Պետրոսյանը:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ռուբրիկները՝ որպես ուսումնառության գնահատման միջոց

    Թեմայի հեղինակ՝ Lianna3

    Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…

  • Սովորողի աշխատանքի գնահատման միջոցները

    Թեմայի հեղինակ՝ Lianna3

    Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…

  • Ուղիղ հրահանգումով դասավանդում/ դասապլանների օրինակներ

    Թեմայի հեղինակ՝ Lianna3

    Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)

  • Պարզաբանումներ

    Թեմայի հեղինակ՝ manush

    Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:

  • Ուղիղ հրահանգումով դասավանդում

    Թեմայի հեղինակ՝ Lianna3

    Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…