Հայ Рус Eng
ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

ԿԳՄՍ նախարարի տեղակալ Կ. Գիլոյանն ընդունել է գրեփլինգի ֆեդերացիայի ներկայացուցիչներին

Ապրիլի 30, 2021
Սպորտային լուրեր

ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանն այսօր ընդունել է Լեհաստանի մայրաքաղաք Վարշավայում կայացած Եվրոպայի գրեփլինգի առաջնության արծաթե մեդալակիր Մայիս Ներսեսյանին, Հայաստանի գրեփլինգի ֆեդերացիայի նախագահ Սարգիս Բազինյանին և գլխավոր քարտուղար Վլադիմիր Հովհաննիսյանին: ԿԳՄՍ նախարարի տեղակալը շնորհավորել է Մայիս Ներսեսյանին հաջող ելույթի կապակցությամբ և հույս հայտնել, որ առաջիկայում արդեն չեմպիոն դառնալու առիթով շնորհավորելու հնարավորություն կունենա. «Շնորհավորում եմ և շնորհակալ եմ, որ առաջին անգամ մասնակցելով Եվրոպայի առաջնությանը՝ պատվով եք հանդես եկել: Այս անգամ գուցե նկատելի է եղել փորձի պակասը, սակայն համոզված եմ՝ ֆեդերացիայի նպատակաուղղված աշխատանքի շնորհիվ այս մարզաձևում ևս կգրանցենք նշանակալի արդյունքներ: Նախարարությունը պատրաստ է հնարավորինս աջակցել ֆեդերացիայի գործունեությանն ու զարգացմանը»:

Հայաստանի գրեփլինգի ֆեդերացիայի ներկայացուցիչները, շնորհակալություն հայտնելով ընդունելության համար, ԿԳՄՍ նախարարի տեղակալին հանձնել են ֆեդերացիայի խորհրդանշական գավաթ և մեդալ: Նրանք հավաստիացրել են, որ ջանք չեն խնայի Հայաստանի մարզական պատիվը մշտապես բարձր պահելու համար:

Հանդիպման ընթացքում քննարկվել են նաև Հայաստանում մարզաձևի կայացմանը և մասսայականացմանը, մարզչական վերապատրաստումներին վերաբերող և այլ հարցեր: ԿԳՄՍ նախարարի տեղակալ Կարեն Գիլոյանը վստահեցրել է, որ նախարարությունը կանի հնարավորը՝ ակտիվ գործընկերային հարաբերությունների ապահովման և համատեղ ուժերով խնդիրների արագ լուծման համար:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

Կրթական Ֆորում. վերջին թեմաներ

  • Գործողություններ բազմությունների հետ

    Թեմայի հեղինակ՝ ՄԱՄՅԱՆ Ա․

    Բազմության և նրա տարրերի հասկացությունները մաթեմատիկայում սկզբնական հասկացություններ են: Բազմությունն իրարից տարբեր առարկաների, գաղափարների, օբյեկտների հավաքածու է : Հավաքածուի անդամները կոչվում են բազմության տարրեր: Սովորաբար բազմությունները նշանակվում են լատինական մեծատառերովÕœA,B,C...,…

  • Արդյոք՞ մարդու իրավունքները չեն խախտվի, եթե անձը առաջնորդվի բարոյական նորմերով:

    Թեմայի հեղինակ՝ gayane.siradexyan

    Նորմը դա միմիյանց միջև հարաբերությունները կարգավորելու և ավելի ներդաշնակ համայնքներ ու հասարակություններ ձևավորելու նպատակով մարդկանց կողմից ստեղծված վարքագծի կանոն է: Նորմերը լինում են իրավական և բարոյական: 1. Իրավական նորմ՝ պարտադիր…

  • Ռուբրիկները՝ որպես ուսումնառության գնահատման միջոց

    Թեմայի հեղինակ՝ Lianna3

    Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…

  • Սովորողի աշխատանքի գնահատման միջոցները

    Թեմայի հեղինակ՝ Lianna3

    Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…

  • Ուղիղ հրահանգումով դասավանդում/ դասապլանների օրինակներ

    Թեմայի հեղինակ՝ Lianna3

    Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)

Պաշարների շտեմարան. վերջին պաշարներ
Հեռավար ուսուցում. վերջին դասընթացներ
Դպրոցական կայքեր

Պորտալի նյութերը արտատպելու կամ օգտագործելու դեպքում հղումը ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ -ին (www.armedu.am) պարտադիր է:

Պորտալը շահագործում է Կրթական տեխնոլոգիաների ազգային կենտրոնը (ԿՏԱԿ)

© Կրթական տեխնոլոգիաներին ազգային կենտրոն, 2007-2025