Ազգային ժողովի Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովը հանդես է եկել նոր նախաձեռնությամբ. դպրոցականների հանրապետական փուլի հաղթողներն այցելում են ՀՀ բուհեր և Գիտությունների ազգային ակադեմիայի ինստիտուտներ՝ տեղում ծանոթանալու կրթական ծառայություններին և լաբորատորիաների գործունեությանը:
Այսօր դպրոցականների կենսաբանության օլիմպիադայի հանրապետական փուլի մրցանակակիրներն այցելել են ԵՊՀ-ի մանրէաբանական կենսատեխնոլոգիաների և կենսավառելիքի նորարարական կենտրոն, որը ԿԳՄՍՆ «Կրթական ծրագրերի կենտրոն» ԾԻԳ-ի «Կրթության բարելավում» ծրագրի շրջանակում ստեղծվել է «Նորարարությունների մրցակցային հիմնադրամի» դրամաշնորհով՝ ՀՀ կառավարության, Համաշխարհային բանկի և ԵՊՀ-ի համաֆինանսավորմամբ:
ՀՀ կրթության, գիտության, մշակույթի և սպորտի նախարարի տեղակալ Կարեն Թռչունյանը, ով նաև կանգնած է եղել կենտրոնի ստեղծման ակունքներում, աշակերտներին ներկայացրել է գիտությամբ զբաղվելու կարևորությունը: Փոխնախարարի խոսքով՝ կենտրոնը սերտորեն համագործակցում է Երևանի և մարզերի հիմնական և ավագ դպրոցների հետ:
«Չնայած համավարակին՝ ԵՊՀ-ի մանրէաբանական կենսատեխնոլոգիաների և կենսավառելիքի նորարարական կենտրոնն ամեն տարի ընդունում է շուրջ 1000 աշակերտների: Կենտրոն են այցելում նաև տարբեր խմբակների երեխաներ, որոնք մի քանի օր այստեղ անցկացնում են անհատական փորձեր, մասնակցում դասախոսությունների և մրցույթների: Այդ տեսանկյունից կենտրոնը շատ լավ համագործակցում է նաև դպրոցների հետ. կենտրոնի աշխատակիցներն այցելում են տարբեր ուսհաստատություններ և աշակերտներին ներկայացնում գիտահանրամատչելի դասախոսություններ, որպեսզի նրանք 21-րդ դարում հասկանան մանրէաբանության դերը»,- նշել է Կարեն Թռչունյանը:
Փոխնախարարը փաստել է, որ կենտրոնում առկա են այն բոլոր ժամանակակից սարքերը, որոնց շնորհիվ ուսանողները կարող են ստանալ կենսաբանության ոլորտի աշխատաշուկայում պահանջված գիտելիքներ և հմտություններ: Նա աշակերտներին հորդորել է ավելի հաճախ այցելել բուհեր և գիտական կենտրոններ՝ ծանոթանալու գիտության ժամանակակից մոտեցումներին ու իրականացնելու իրենց փորձերը, որոնք կօգնեն նրանց՝ ապահովել գաղափարից սահուն անցում դեպի ստարտափ մրցույթներ:
Ազգային ժողովի Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահի տեղակալ Հովհաննես Հովհաննիսյանն իր հերթին նշել է, որ նախաձեռնության միջոցով ցանկանում են վաղ տարիքից աշակերտների շրջանում սեր արթնացնել դեպի գիտությունը և նրանց պահել այդ միջավայրում, որպեսզի ցույց տան, որ գիտնական լինելով՝ կարող են մեծ հաջողությունների հասնել»:
ԵՊՀ կենսաբանության ֆակուլտետի ասպիրանտ Հեղինե Գևորգյանը դպրոցականներին է ներկայացրել կենտրոնի գործունեությունը: «Աշակերտներին ներկայացնում ենք, թե ինչ մեթոդներ և սարքավորումներ ենք օգտագործում, որ սարքն ինչ կիրառություն և ինչ կարգավորման ձևեր ունի: Ինչքան էլ մեր ներածական խոսքում ներկայացնում ենք կենտրոնի գործունեությունը, աշակերտների շրջանում տարբեր հետաքրքիր հարցեր են առաջանում, որոնց սիրով պատասխանում ենք»,- ասում է Հեղինեն և փաստում, որ իրենց ուսուցիչների հետ ՀՀ տարբեր քաղաքներից կենտրոն այցելած դպրոցականներն այսօր արդեն որպես ուսանող փորձեր են իրականացնում կենտրոնում՝ իրենց ավարտական աշխատանքի համար:
Աշտարակի թիվ 1 հիմնական դպրոցի սան Վաչե Մարտիրոսյանը, ով օլիմպիադայում արժանացել է 2-րդ կարգի դիպլոմի, մեզ հետ զրույցում ասում է, որ նմանօրինակ միջոցառումներն աշակերտներին էլ ավելի են մոտեցնում կրթությանը և գիտությանը:
«Հիմա մեր երկրին անհրաժեշտ է, որ վաղ տարիքից աշակերտները հետաքրքրվեն գիտությամբ, քանի որ մենք ենք կառուցելու մեր երկրի ապագան: Ցանկանում եմ, որ նմանատիպ միջոցառումները շարունակական լինեն և չսահմանափակվեն այս մեկ հանդիպմամբ: Ինձ հետաքրքիր էր այս միջավայրը, որովհետև ծանոթացանք այնպիսի սարքերի, որոնց մասին երազել ենք»,- նշում է Վաչեն և հավելում, որ ցանկանում է դպրոցից դուրս գալ որպես բազմակողմանի զարգացած անձ և դեռևս չի կողմնորոշվել մասնագիտության ընտրության հարցում. նրան միաժամանակ հետաքրքիր են թե՛ ֆիզիկան, թե՛ քիմիան և թե՛ կենսաբանությունը:
«Էօրնեկեան» հանրակրթական դպրոցի 10-րդ դասարանի սան Մոնիկա Սահակյանը ևս փաստում է, որ այցը բավականին հետաքրքիր էր. «Սա նոր փորձառություն էր և ծանոթություն գիտության աշխարհին: Վստահ եմ, որ կենտրոն այցը կազդի իմ ապագա մասնագիտական կողմնորոշման վրա»:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Գնահատման տեսակները Ըստ նպատակի՝ կիրառվում է սովորողների գնահատման երեք տեսակ. 1) հայտորոշիչ գնահատում, 2) ձևավորող գնահատում, 3) ամփոփիչ գնահատում (միավորային և բնութագրող): Գնահատման տեսակները կիրառվում են գնահատման բոլոր փուլերում՝ նշված…
Հարգելի գործընկերներ,ինչպես գիտենք,ըստ նպատակի՝ կիրառվում է սովորողների գնահատման երեք տեսակ. 1) հայտորոշիչ գնահատում, 2) ձևավորող գնահատում, 3) ամփոփիչ գնահատում (միավորային և բնութագրող): Ձևավորող գնահատումն ուսումնական գործընթացի բաղադրիչ է, որի նպատակն…
Նախագծայինը ուսուցման մի մեթոդ է, որի իրականացման ընթացքում սովորողները ներգրավվում են կարճաժամկետ կամ երկարաժամկետ նախագծային աշխատանքներում, որոնք պահանջում են ուսումնական տարբեր առարկաներին առնչվող և իրական կյանքում հանդիպող խնդիրների համալիր լուծումներ:…
Տարրական դպրոցը կրթության այն հիմնաքարն է, որի որակից է կախված երեխայի հետագա ուսուցումը: Ժամանակակից կրթության նպատակների իրականացման համար դասվարի աշխատանքային գործունեության մեջ ՏՀՏ միջոցների կիրառումը անհրաժեշտություն է դառնում: Կրտսեր դպրոցականների…
«Պաշարների շտեմարան» նոր կայքում, որի գործարկման մեկնարկը https://lib.armedu.am/ հասցեում տրվեց 2022 թվականին, տեղադրվել է արդեն 18 000-ից ավելի կրթական էլեկտրոնային պաշար: Կայքում բացվել է Կրթական տեխնոլոգիաներ բաժին, որտեղ տեղադրված են…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ