«Կրթություն, գիտություն, աշխատաշուկա. մարտահրավերներ և հնարավորություններ» թեմայով կայացած քննարկումը համախմբել էր պետական գերատեսչությունների, միջազգային կազմակերպությունների և մասնավոր հատվածի ներկայացուցիչներին, ինչպես նաև «Կոնրադ Ադենաուեր» հիմնադրամի կրթաթոշակակիրներին ու գերմանական բուհերի շրջանավարտներին:
Միջոցառման նպատակն էր համագործակցային նոր ուղիներ գտնել, ծանոթանալ գիտական և կրթական հնարավորություններին, համատեղել գերմանական ու հայկական փորձը, որն էլ իր հերթին կծառայի տնտեսական նոր հնարավորությունների ստեղծմանը։
Հանդիպմանը ներկա է եղել և մասնակիցներին ողջունել ՀՀ կրթության, գիտության, մշակույթի և սպորտի նախարարի տեղակալ Կարեն Թռչունյանը: Նա նշել է, որ կրթություն-գիտություն-աշխատաշուկա կապի ապահովումը բավականին բարդ խնդիր է ոչ միայն Հայաստանում, այլև ամբողջ աշխարհում։ Ըստ փոխնախարարի՝ չկա հստակ բանաձև՝ աշխատաշուկայով պայմանավորված տրամադրել կրթական ծրագրեր, և գիտությունը ծառայեցնել միայն աշխատաշուկային, թե հակառակը՝ կրթությունը և գիտությունը պետք է պատրաստեն համապատասխան կադրեր, որոնք կձևավորեն աշխատաշուկան։
«Այս հարցին միանշանակ պատասխան չկա, և նմանօրինակ միջոցառումները հնարավորություն են տալիս փոխանակվել գերմանական փորձով և այն տեղայնացնել Հայաստանում, ինչու՞ չէ, փորձել արտահանել նաև հայկականը։ Աշխատաշուկան շատ արագ արդյունքներ է ակնկալում կրթությունից և գիտությունից, որը 1-3 տարիների արդյունքում հնարավոր չէ։ Այս ոլորտում ընդունված որոշումը 10 տարի հետո միայն կունենա իր ազդեցությունը։ Կրթության և գիտության մեջ ներդրված գումարները, իհարկե, արագ չեն վերադառնում, սակայն աշխատաշուկայի արագ փոփոխվող պահանջները ստիպում են նախաձեռնել կրթական նոր ծրագրեր, որոնք կունենան հստակ լուծումներ և հնարավորություն կտան փորձի փոխանակման շնորհիվ համապատասխան գիտելիքներով զինել ապագա ուսանողներին»,- նշել է Կարեն Թռչունյանը՝ հանդիպման մասնակիցներին մաղթելով արդյունավետ քննարկում։
ՀՀ-ում Գերմանիայի Դաշնային Հանրապետության արտակարգ և լիազոր դեսպան Միխայել Բանցհաֆն իր հերթին փաստել է, որ այսօր մրցակցային աշխատաշուկայում հրամայական է մասնագիտական փորձ և գործնական կապեր ունենալը։ Նրա խոսքով՝ սա մի յուրահատուկ հարթակ է, որտեղ Գերմանիայի բուհերում սովորած կամ հետազոտություն իրականացրած շրջանավարտները հնարավորություն են ստացել հանդիպելու ՀՀ-ում գերմանահայկական տնտեսական միության ներկայացուցիչների հետ՝ քննարկելու և պարզելու, թե երկուստեք աշխատանքային և համագործակցային ինչպիսի հնարավորություններ կան։ Դեսպանը հույս է հայտնել, որ միջոցառման ընթացքում գործատուն կամ աշխատակիցը վստահաբար կգտնեն միմյանց։
Գերմանախոս շրջանավարտների միավորման նախագահ, ԳՏՄ գործադիր տնօրեն Մերի Նավասարդյանի խոսքով՝ Գերմանիայում կրթություն ստացած անձինք և գերմանական ընկերությունները պատրաստակամություն են հայտնել կիսվել իրենց լավագույն փորձով և խոսել ձեռքբերումների մասին՝ հույս հայտնելով, որ քննարկումը կծառայի իր նպատակին։
Հանդիպման մասնակիցներին հեռավար ողջունել է նաև «Կոնրադ Ադենաուեր» հիմնադրամի «Քաղաքական երկխոսություն Հարավային Կովկաս» տարածաշրջանային ծրագրի տնօրեն Թոմաս Շրապելը։
Միջոցառման ընթացքում «Որակյալ կրթությունը՝ որպես լավագույն գրավական աշխատաշուկայում մրցունակ լինելու համար» և «Գիտության աջակցությունը՝ որպես տնտեսության զարգացման խթան» խորագրերով քննարկումներին իրենց լավագույն փորձով հանդես են եկել «Կոնրադ Ադենաուեր» հիմնադրամի կրթաթոշակակիրները և գերմանական բուհերի շրջանավարտները:
Միջոցառումը կազմակերպել էին Գերմանական ակադեմիական փոխանակման ծառայությունը և Գերմանախոս շրջանավարտների միավորումը։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ