Այսօր՝ Երևանի ժամանակով 15:00-ին, Ճապոնիայի մայրաքաղաք Տոկիոյում տեղի կունենա 32-րդ ամառային Օլիմպիական խաղերի բացման արարողությունը: Հայաստանի դրոշակակիրներն են լողորդ Վարսենիկ Մանուչարյանը և բռնցքամարտիկ Հովհաննես Բաչկովը:
Մարզաշխարհի գլխավոր ստուգատեսում Հայաստանը ներկայացնելու է 17 մարզիկ, որոնք մեդալների համար կպայքարեն 8 մարզաձևում՝ ըմբշամարտ, բռնցքամարտ, ծանրամարտ, ձյուդո, լող, աթլետիկա, սպորտային մարմնամարզություն, հրաձգություն: Ներկայացնում ենք հայ մարզիկների ելույթների ժամանակացույցը՝ ըստ Երևանի ժամանակի:
Հայաստանի օլիմպիական հավաքականից առաջինը պայքարի դուրս կգա սպորտային մարմնամարզիկ Արթուր Դավթյանը, որը հանդես է գալու հենացատկ և նժույգթափեր մրցաձևերում: Հուլիսի 24-ին` 05:00-ից, կմեկնարկի սպորտային մարմնամարզության որակավորման փուլը, Դավթյանը պայքարի դուրս կգա 09:30-ից: Որակավորման փուլը հաղթահարելու դեպքում օգոստոսի 1-ին՝ ժամը 13:44-ին, Դավթյանը կմասնակցի նժույգթափերի եզրափակչին, իսկ օգոստոսի 2-ին՝ 13:54-ին, հենացատկի:
Հուլիսի 25-ին մեդալային պայքարը կսկսեն բռնցքամարտիկ Հովհաննես Բաչկովը (63 կգ քաշային կարգ) և հրաձիգ Էլմիրա Կարապետյանը: Էլմիրա Կարապետյանը 10 մ օդամղիչ ատրճանակ մրցաձևի որակավորման փուլում պայքարը կսկսի 04:00-ին, եզրափակիչը նախանշված է 06:15-ին: Եվրոպայի կրկնակի չեմպիոն Հովհաննես Բաչկովը ժամը 08:06-ին 1/16 եզրափակչում կմրցի Անտիգուա և Բարբուդան ներկայացնող Ռայան Ալստոնի հետ:
Հուլիսի 26-ին մրցելույթներ կունենան ձյուդոիստ Ֆերդինանդ Կարապետյանը (73 կգ) և բռնցքամարտիկ Կորյուն Սողոմոնյանը (52 կգ): Ձյուդոյի մրցումները կմեկնարկեն 06:00-ից. 1/16 եզրափակչում Կարապետյանի մրցակիցը կլինի Ղազախստանի ներկայացուցիչ Ժանսայ Սմագուլովը: 12:15-ին ռինգ դուրս կգա Կորյուն Սողոմոնյանը, որը 1/16 եզրափակչում կմենամարտի Անգլիան ներկայացնող Ջալալ Յաֆայի հետ։
Հուլիսի 27-ին` 06:50-ին, կմեկնարկի ծանրամարտի կանանց 59 կգ քաշային կարգի մրցումը, որտեղ հանդես կգա Իզաբելլա Յայլյանը: Նույն օրը պայքարի դուրս կգա լողորդ Արթուր Բարսեղյանը. 100 մետր ազատ ոճի մրցումը կսկսվի Երևանի ժամանակով 14:00-ին:
Հուլիսի 28-ը լողորդ Վարսենիկ Մանուչարյանի մրցման օրն է: Նրա մրցելույթը 100 մետր ազատ ոճում կմեկնարկի 14:00-ին:
Հուլիսի 29-ին առաջին մենամարտը կանցկացնի Արման Դարչինյանը (75 կգ), որը 06:30-ին 1/8 եզրափակչում կմրցի Անդրեյ Շեմեզ (Սլովակիա) - Աարոն Սոլոմոն (Տրինիդադ Տոբակո) զույգի հաղթողի հետ։
Հուլիսի 30-ին արդեն 50 մետր, ազատ ոճում հանդես կգա լողորդ Արթուր Բարսեղյանը, պայքարը կսկսվի 14:00-ից:
Օգոստոսի 1-ից կմեկնարկեն հունահռոմեական ոճի ըմբշամարտի մրցումները, որտեղ Հայաստանն ունի 4 ներկայացուցիչ: Այդ օրը 60 կգ քաշային կարգում հանդես կգա Արմեն Մելիքյանը, գոտեմարտի մեկնարկը` 06:00-ին: Օգոստոսի 2-ին մեդալային պայքարը կսկսեն Կարապետ Չալյանը (77 կգ) և Արթուր Ալեքսանյանը (97 կգ), գոտեմարտերի մեկնարկը նախանշված է 06:30-ին:
Օգոստոսի 3-ին Հայաստանի օլիմպիական թիմից պայքարի դուրս կգա 3 մարզիկ: Աթլետ Լևոն Աղասյանը մեդալի համար կպայքարի եռացատկում, մրցումը կմեկնարկի 04:00-ին: Հունահռոմեական ոճի ըմբիշ Կարեն Ասլանյանի (67 կգ) մեկնարկային գոտեմարտը նախանշված է 06:30-ին, իսկ 14:50-ից Օլիմպիական խաղերի չեմպիոնի կոչման համար կպայքարի ծանրորդ Սիմոն Մարտիրոսյանը (109 կգ):
Օգոստոսի 4-ին պայքարի դուրս կգա ազատոճային ըմբիշ Արսեն Հարությունյանը (57 կգ), իսկ օգոստոսի 6-ին՝ Վազգեն Թևանյանը (65 կգ), երկուսի մեկնարկային գոտեմարտն էլ կսկսվի 06:30-ին:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ