Վանաձորի Պ. Տիչինայի անվան հ.20 հիմնական դպրոցում, VIII Ա դասարանում կայացավ «Թրաֆիքինգ՝ սպիտակ ստրկություն կամ մարդկանց շահագործում» թեմայով տեղեկատվական բաց դաս, որը վարեց պատմության և հասարակագիտության ուսուցչուհի Տաթևիկ Խաչատրյանը:
Դասի նպատակն էր ՝
- Իմանալ ի՞նչ է թրաֆիքինգը որպես երևույթ:
- Ինչպե՞ս և ի՞նչ ճանապարհներով է այն իրագործվում:
- Ի՞նչ է ՄԱԿ-ի «Երեխաների իրավունքների կոնվենցիան»:
- Ի՞նչ է երեխաների դեմ կատարվող բռնությունը:
- Ինչպե՞ս զերծ մնալ նմանատիպ երևույթներից:
- Կարողանալ լինել առավել անվտանգ:
Դասն սկսվեց սլայդի ներկայացմամբ, որում մանրամասն մեկնաբանվում էր, թե ի՞նչ է թրաֆիքինգը, մարդկանց շահագործումը, ստրկացումը, որի ընթացքում աշակերտները ցուցաբերում էին ակտիվ մասնակցություն, բերում օրինակներ, կատարում հարցադրումներ: Ուսումնասիրվեցին թրաֆիքինգի պատճառները: Հատուկ ուշադրության արժանացվեց երեխաների բռնության հիմնախնդիրը, կարևորվեցին հնարավոր բոլոր նպաստող հանգամանքները, որոնք կարող էին հանգեցնել երեխաների թրաֆիքինգի: Ժամանակ առ ժամանակ դիտվում էին սոցիալական հոլովակներ, մեկնաբանվում: Ապա բերվեցին տարբեր իրավիճակների օրինակներ, երբ աշակերտներն իրենք էին կռահելու արդյո՞ք թրաֆիքինգի վտանգ կա, թե՝ ոչ: