Համայնքային հիմնախնդիրների լուծումը երեխաների ուշադրության կենտրոնում է

Դեկտեմբերի 27, 2016

Լուրեր կազմակերպություններից

Հոկտեմբերին ձևավորված Տավուշի մարզի Բերդավան և Հաղթանակ համայքների երեխաների շահերի պաշտպանության խմբի անդամների համար կազմակերպվեց նոր դասընթաց  կարիքների գնահատման ու տվյալների հավաքագրման ու մշակման վերաբերյալ: Դասընթացի նպատակն էր ծանոթացնել  հանրային ծրագրի կառուցվածքի ու իրագործման ճանապարհների, խնդիրների լուծման համար անհրաժեշտ հասարակական հարցումների պատրաստման ու մշակման եղանակներին ու գործիքակազմին: Ուսումնասիրելով ծրագրի  բովանդակությունը և տարրերը,  մասնակիցները  ուրվագծեցին ծրագրի պատկերը  դպրոցական ու համայքային հիմնախնդիրների տեսքով: Ուսուցանվեց նաև  ծրագրի պլանավորման և հիմնահարցի բովանդակային վերլուծությունը  «Հիմնախնդրի ծառ» վարժության միջոցով, որի շնորհիվ ցույց տրվեց  պայմանական խնդրի առաջացման հիմքերը և հետևանքները: Խնդրի լուծման համար կարևոր էր նաև տվյալների հավաքագրման մեթոդոլոգիայի մասին ծանոթացումը և նպատակի սահմանումը, որը օգնեց մասնակիցներին հասկանալ,թե ինչու է անհրաժեշտ ճշմարիտ տվյալների հավաքումը թիրախ համայնքի բնակիչների ու որոշում կայացնողների շրջանում: Ուսուցանվեց  հարցաթերթիկի կատուցվածքը, հարցումների տարբեր տեսակների , տեղեկատվության քանակական ու որակական մեթոդների առանձնահատկություններ մասին :  Քանի որ մինչ այս կազմակերպված  դասընթացների ընթացքում  խումբն արդեն ներկայացրել էր  խնդիրներ, հետևաբար գործնական աշխատանքների միջոցով  մշակվեցին  ամեն խնդրի համար համապատասխան հարցաթերթիկների նմուշներ: Դրանց օգնությամբ երեխաներն իրենց բնակության վայրերում հանրության շրջանում կիրականացնեն հարցումներ քաղաքացիների շրջանում՝ պարզելու բացահայտված խնդիրների վերաբերյալ դիրքորոշումները, կարծիքները, առաջարկությունները: Տվյալների մշակումից հետո կկազմվի շահերի պաշտպանության գործողությունների պլան:  

Շահերի պաշտպանության խումբը, որը ներառում է նշյալ համայնքների մոտ 33 երեխա, դասընթացների միջոցով ձեռք են բերում գիտելիքներ ու հմտություններ՝ համայնքային նախագծեր և  քաղաքացիական նախաձեռնությունների, քարոզարշավների ու այլ  միջոցառումների իրականացման նպատակով, որոնցում կներգրավվեն  նաև որոշում կայացնողներին ու հանրությանը: Ծրագիրն իրականացվում է Վորլդ Վիժն Հայաստան միջազգային կազմակերպության կողմից:

ՎՎՀ Իջևանի գրասենյակ