Միջոցառումները շարունակվում են

Դեկտեմբերի 28, 2016

Դպրոցական անցուդարձ

Հրազդանի Վ. Սարոյանի անվան հ.11 հիմնական դպրոցում միջոցառումները շարունակվում են:

Այս անգամ դպրոցի նիստերի դահլիճի բեմում են երգ-երաժշտության սիրված ուսուցչուհի, իր գործի հմուտ գիտակ, փորձառու մանկավարժ Արմինե Ալեքսանյանի երգչախմբի սաները:

Միջոցառումը հաշվետու էր. ուսուցչուհին ունկնդիրներին ներկայացնում էր 2016-17 ուսումնական տարվա առաջին կիսամյակում իր սաների հետ կատարած աշխատանքները:
Երգչախմբի սաներն ուսուցչուհու ղեկավարությամբ կատարեցին Վլադիմիր Շաինսկու «Պոպուրի» մանկական երգերի շարանը, Ստեփան Լուսիկյանի «Նոր Հայաստան», Ռոբերտ Ամիրխանյանի «Իմ ուսուցիչ», Անդրեյ Վարլամովի «Мой добрый учитель» և ամերիկյան ժողովրդական երգեր:

Երգերի դադարների ընթացքում կատարվում էին արտասանություններ, պարեր:
Միջոցառման վերջում շնորհավորական խոսքով հանդես եկավ դպրոցի տնօրեն Մ. Զաքարյանը:

 

Լ. Պետրոսյան
ԴԱԿ