ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
«Համայնքների ֆինանսիստների միավորումն» ԱՄՆ ՄԶԳ աջակցությամբ իրականացվող «ՀաՄաՏեղ» ծրագրի շրջանակում հոկտեմբերի 15-ին Աղվերանում ազդարարել է «Տեղական ժողովրդավարության դպրոցի» ձևավորման մասին:
Ծրագիրն իրականացվում է «Եվրասիա համագործակցություն հիմնադրամի» ու «Տեղեկատվական համակարգերի զարգացման և վերապատրաստման կենտրոն» ՀԿ-ի հետ համատեղ: «Տեղական ժողովրդավարության դպրոցի» շրջանավարտների ցանցի ֆորումի բացման հանդիսավոր արարողությանը ողջույնի խոսք է հղել նաև ՀՀ ԿԳՄՍ նախարարի տեղակալ Արթուր Մարտիրոսյանը:
Ողջունելով ներկաներին՝ նա շնորհակալություն է հայտնել «Համայնքների ֆինանսիստների միավորմանն» ու գործընկերներին երիտասարդների շրջանում ժողովրդավարական կարողունակության զարգացման և տեղական ժողովրդավարության գործընթացներին ներգրավման մեխանիզմների ստեղծման համար:
«Մեր պետությունը որդեգրել է ժողովրդավարության ուղին և անշեղորեն ընթանում է առաջ, բայց իրականության մեջ՝ հատկապես տեղական մակարդակում, ժողովրդավարության կենսունակությունն ակնկալում է ամենօրյա ներգրավվածություն. «Տեղական ժողովրդավարության դպրոցը» հանդիսանում է եզակի հարթակ, որ զինում է երիտասարդներին ժողովրդավարության մասին գիտելիքներով, իսկ ամենակարևորը՝ դրանք գործադրելու արժեքներով և հմտություններով»,- ասել է Արթուր Մարտիրոսյանը՝ հավելելով, որ հատկապես տեղական մակարդակով որոշումների ընդունման պարագայում երիտասարդները շատ հաճախ ակտիվ չեն, քանի որ լիարժեքորեն չեն պատկերացնում հանրային մասնակցության գործընթացներն ու մեխանիզմները, հիմնական դերակատարներին, պատկան ինստիտուտներն և մարմինները, միշտ չէ, որ իրենց զգում են հանրային փոփոխությունների դերակատարներ, իրավագիտակից, պահանջատեր, պատասխանատու քաղաքացիներ:
Նրա խոսքով՝ մեծապես կարևորելով այդ խնդիրները՝ դրանք արտացոլվել են նաև կրթությանն ու երիտասարդությանն առնչվող քաղաքականության մեջ՝ ի դեմս ընդունված և շրջանառվող փաստաթղթերում՝ որպես օրինակ նշելով «սովորողների ժողովրդավարական և քաղաքացիական կարողունակության զարգացման շեշտադրումը հանրակրթության պետական չափորոշչում»:
Հաջողություն մաղթելով «Տեղական ժողովրդավարության դպրոցի» բոլոր շրջանավարտներին՝ նախարարի տեղակալը հույս է հայտնել, որ այն՝ որպես առանձին կառույց, կդառնա Հայաստանի հանրային կյանքի որոշումների կայացման մեջ երիտասարդների ներգրավվածության բարձրացման ուղղությամբ քայլեր ձեռնարկող քաղաքացիական հասարակության առանցքային դերակատարներից մեկը:
ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը, իր հերթին կարևորելով ոչ ֆորմալ կրթության դերը հանրային կառավարման վերաբերյալ գիտելիքների զարգացման գործընթացում, ողջունել է «Տեղական ժողովրդավարության դպրոցի» ձևավորումը՝ վստահություն հայտնելով, որ այն կապահովի համապատասխան գիտելիքներ ունեցող երիտասարդների ներգրավումը տեղական ինքնակառավարման մեջ:
«Համայնքների ֆինանսիստների միավորման» նախագահ Վահան Մովսիսյանը, շնորհավորելով ֆորումի մասնակիցներին, ասել է, որ «Տեղական ժողովրդավարության դպրոցի»՝ որպես առանձին հաստատության ստեղծումը նոր սկիզբ է դպրոցի հետագա աշխատանքներն առավել արդյունավետ և նպատակային կազմակերպելու, ինչպես նաև առաջիկա նոր հնարավորությունների դաշտ ձևավորելու գործում։ Դպրոցի շրջանավարտների նախաձեռնողականությունը և շահառուների ընդհանուր թիվն ապացույց են այն բանի, որ կառույցը ՀՀ հանրային կառավարման ոլորտում ոչ ֆորմալ կրթության կարևորագույն հարթակներից մեկը դառնալու մեծ ներուժ ունի։
Տեղեկացնենք, որ դպրոցն իր ակտիվ գործունեությունը սկսել է 2019 թվականից՝ հետագայում ընդլայնելով ուսուցման հնարավորությունները նաև առցանց հարթակում։ Դպրոցի շրջանավարտների թիվն արդեն հասել է 506-ի․ նրանք իրենց համայնքներում իրականացրել են 150 ծրագիր՝ ներգրավելով ընդհանուր առմամբ 4600 մասնակցի։
ԱՄՆ ՄԶԳ Հայաստանի առաքելության ղեկավար Ջոն Ալելոն շնորհավորել է բոլորին միջոցառման առթիվ և նշել, որ ծրագրի շահառուն հիմնականում երիտասարդներն են, քանի որ հենց նրանք են տեղերում ժողովրդավարության առաջամարտիկները: Նրա խոսքով՝ երիտասարդները կարող ուժ են մարզերում իրենց համայնքներն ավելի լավը դարձնելու գործում:
Դպրոցը ներառում է նոր գիտելիքներով զինված, եռանդուն ու երիտասարդ կադրեր պատրաստելուն ուղղված շարունակական դասընթացների և միջոցառումների շարք, որոնք իրականացվում են ՀՀ տարբեր համայնքներում՝ կրելով ոչ ստացիոնար բնույթ։ Դպրոցի շրջանակում մասնակիցները ստանում են գիտելիքներ տեղական ինքնակառավարման և տեղական ժողովրդավարության հիմնական գաղափարների, համայնքների զարգացման ծրագրեր մշակելու, իրականացնելու և վերահսկելու վերաբերյալ։ Ստացած գիտելիքների շնորհիվ պատրաստվում են կադրեր, որոնք կարող են ունենալ իրենց ինքնուրույն դերակատարությունը համայնքներում ժողովրդավարության հաստատման և զարգացման գործում։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
