ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Հոկտեմբերի 25-ին նշվել է Միավորված ազգերի կազմակերպության օրը: ՄԱԿ-ի գործունեության 76-ամյակի շրջանակում և Հայաստանի՝ ՄԱԿ-ին անդամակցության 30-ամյակին (1992 թ. մարտի 2) ընդառաջ՝ տեղի է ունեցել ՄԱԿ-ի գործունեության ամփոփման, ինչպես նաև Հայաստանում ՄԱԿ-ի մշտական համակարգող Շոմբի Շարփի հրաժեշտի հանդիսավոր արարողությունը:
Միջոցառմանը ներկա են եղել ՀՀ ԿԳՄՍ նախարարի տեղակալներ Արթուր Մարտիրոսյանը, Ժաննա Անդրեասյանը, պետական այրեր, միջազգային կառույցների հայաստանյան ներկայացուցիչներ:
ՄԱԿ-ի մշտական համակարգող Շոմբի Շարփն ամփոփել է ՄԱԿ-ի գործունեությունը Հայաստանում: Ըստ նրա՝ ՄԱԿ-ի ջանքերը Հայաստանում ուղղված են ժողովրդավարության աճին, հասարակության բոլոր օղակներում կյանքն ավելի բարեկեցիկ դարձնելուն, հանրային կյանքին քաղաքացու ակտիվ մասնակցությանը. «Մեր նպատակն է համատեղ ուժերով մարդկային կապիտալը դարձնել ավելի լավը կրթության, առողջապահության միջոցով, երիտասարդության ներուժն օգտագործելով, շուկաների գործառույթը բարելավելով տարբեր ոլորտների բոլոր մակարդակներում ապահովել կայուն զարգացում, ստեղծել ներառական կանաչ տնտեսություն, առաջադեմ մարդակենտրոն կառավարման համակարգեր»:
ՀՀ փոխվարչապետ Մհեր Գրիգորյանը Կառավարության անունից շնորհավորել է ՄԱԿ-ի օրվա կապակցությամբ, մաղթել արգասաբեր աշխատանք կազմակերպության առաքելության իրագործման գործում և փաստել, որ Հայաստանը պատրաստակամ է՝ շարունակելու խաղաղության, անվտանգության և կայուն զարգացման նպատակների իրագործմանն ուղղված ջանքերը:
Միջոցառման ընթացքում, ՄԱԿ-ին Հայաստանի անդամակցության 30-ամյակին ընդառաջ, կնքվել է եռակողմ հուշագիր Հայաստանում Միավորված ազգերի կազմակերպության, ՀՀ կրթության, գիտության, մշակույթի և սպորտի ու Բարձր տեխնոլոգիաների և արդյունաբերության նախարարությունների միջև:
Ստորագրող կողմերն էին՝ ՄԱԿ-ի մշտական համակարգող Շոմբի Շարփը, ԿԳՄՍ նախարարի տեղակալ Ժաննա Անդրեասյանը և ԲՏԱ նախարարի տեղակալ Ռոբերտ Խաչատրյանը: Շոմբի Շարփը ներկայացրել է հուշագրի բովանդակությունը, համաձայն որի՝ 30-ամյակի շրջանակում կթողարկվեն դրոշմանիշներ, որոնք կմշակվեն աշակերտների և ուսանողների միջև համազգային մրցույթի արդյունքում: Հաղթողների գործերը կներկայացվեն դրոշմանիշների վրա: Նոր նախաձեռնությամբ՝ արվեստի և երիտասարդների ներուժը կծառայեցվի պետության զարգացման գործին՝ ապագայի տեսլականն արվեստի միջոցով ձևավորելով:
Ամփոփելով հանդիպումը՝ Շոմբի Շարփն ընդգծել է նաև ՄԱԿ-ում Հայաստանի դերակատարման կարևորությունը. «Հայաստանն առաջնորդական դերակատարում է ունեցել ՄԱԿ-ում՝ սկսած Ցեղասպանության հանցագործության պատժի և կանխարգելման մասին իրազեկվածության մակարդակի բարձրացման գործընթացի մասնակցությունից, մեխանիզմների մշակումից»: Նա շնորհակալություն է հայտնել գործընկերներին՝ շուրջ 4 տարվա համատեղ աշխատանքի համար, և դրանք անվանել զարմանահրաշ տարիներ, միասին անցած ճանապարհ, որը լի էր թե՛ ուրախությամբ, թե՛ տխրությամբ:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
«Պաշարների շտեմարան» նոր կայքում, որի գործարկման մեկնարկը https://lib.armedu.am/ հասցեում տրվեց 2022 թվականին, տեղադրվել է արդեն 18 000-ից ավելի կրթական էլեկտրոնային պաշար: Կայքում բացվել է Կրթական տեխնոլոգիաներ բաժին, որտեղ տեղադրված են…
Ուսուցչի օրվա առթիվ մի խումբ մանկավարժներ և ոլորտի ներկայացուցիչներ պարգևատրվել են ԿԳՄՍ նախարարի կողմից ՀՀ կրթության, գիտության, մշակույթի և սպորտի նախարարությունը Ուսուցչի միջազգային օրվա առթիվ պարգևատրել է ոլորտի մի խումբ…
Ողջույն, հայգելի գործընկերներ: Օրեր առաջ սոցիալական մեդիահարթակներում մի փոքրիկ հարցում անցկացրեցինք պարզելու համար՝ հասարակությանը առավել հետաքրքրող թեմաները: Հարցումների արդյունքում ընտրվեց այսօրվա մեր քննարկվելիք թեման՝ ինչո՞ւ է երեխան դպրոցից գնում կրկնուսույցի…
<<Կրթությունը պատմելը և պատմություններ լսելը չէ․ այն ակտիվ և կառուցողական գործընթաց է>> Ջոն Դյուի Նախագծերի մեթոդը (Project methods (http://education.stateuniversity.com/pages/2337/Project-Method.html)) ուսուցման համակարգ է, որի ընթացքում սովորողները գիտելիքներ, կարողություններ, հմտություններ են ձեռք…
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
