Կառավարության՝ նոյեմբերի 4-ին կայացած նիստում հաստատվել է «Հայաստանի Հանրապետության և Եվրոպական միության միջև «Հորիզոն Եվրոպա» հետազոտությունների և նորարարության շրջանակային ծրագրին Հայաստանի Հանրապետության մասնակցության մասին» համաձայնագիրը ստորագրելու Կրթության, գիտության, մշակույթի և սպորտի նախարարության առաջարկությունը: Ծրագիրը նախատեսված է 2021-27 թվականների համար:
ԿԳՄՍ նախարար Վահրամ Դումանյանը զեկուցել է, որ համաձայնագրի ստորագրմամբ Հայաստանի գիտնականներն ու գիտական խմբերը համաշխարհային մակարդակի և նշանակության գիտական հետազոտությունների անմիջական մասնակիցը դառնալու հնարավորություն են ստանում:
«Այսինքն` մեր գիտնականների հետազոտական հայտերը կֆինանսավորվեն ԵՄ կողմից, ավելին, նրանց հասանելի կլինեն ԵՄ երկրների գիտական ենթակառուցվածքները, ինչը շատ կարևոր է գիտության զարգացման տեսանկյունից: Հնարավորություններ են նախատեսված բարձր տեխնոլոգիական ոլորտի ստարտափերի, փոքր ու միջին ձեռնարկությունների աջակցության համար: Մասնակցությունը «Հորիզոն Եվրոպա» ծրագրին կապահովի եվրոպական գիտական տարածքում Հայաստանի ինտեգրման շարունակականությունը»,- նշել է նախարարը` տեղեկացնելով, որ գործընթացը սկսվել է դեռևս 2016 թվականից` «Հորիզոն 2020» շրջանակային ծրագրին ՀՀ մասնակցությամբ: «Հորիզոն Եվրոպա» ծրագիրը համարվում է «Հորիզոն 2020» շրջանակային ծրագրի շարունակությունը: Ասոցացված անդամի կարգավիճակը հնարավորություն կտա Հայաստանից ներկայացված և ընդունված հայտերի համար ակնկալելու գիտական դրամաշնորհների տրամադրում:
Նախարար Վահրամ Դումանյանի խոսքով` նախատեսվում են մի շարք թիրախային միջոցառումներ, որոնք կնպաստեն ԵՄ հիշյալ ծրագրին Հայաստանի գիտական հանրույթի մասնակցության ընդլայնմանը:
«Մասնավորապես նախատեսում ենք գիտական հանրության իրազեկվածության բարձրացում, հայտերի լրացման խորհրդատվություն և տեխնիկական աջակցություն, ազգային մակարդակում «Հորիզոն Եվրոպա» ծրագրի կոորդինացնող և կոնտակտային անձանց ինստիտուտի ակտիվացում և այլն»,- նշել է նա` հույս հայտնելով, որ նշված միջոցառումները կնպաստեն, որ ՀՀ գիտնականներն ու գիտական խմբերը ծրագրին մասնակցեն ավելի բարձր որակական չափանիշների բավարարող հայտերով:
Վահրամ Դումանյանը տեղեկացրել է նաև, որ ԵՄ «Հորիզոն Եվրոպա» շրջանակային ծրագրին մասնակցելու ֆինանսական պարտավորություններն իրականացվելու են ՀՀ պետական բյուջեով գիտության ոլորտին հատկացվող ամենամյա միջոցների հաշվին: Կախված մեր գիտնականների ակտիվությունից` անդամության վճարի մի մասը` մինչև 50 տոկոսը, կարող է վերադարձվել:
Վարչապետ Նիկոլ Փաշինյանը շեշտել է, որ գիտության ոլորտի զարգացումը Կառավարության առաջնահերթություններից է. 2022 թվականի պետական բյուջեի նախագծով՝ գիտության ոլորտի հատկացումներն ավելացվել են 83 տոկոսով, իսկ թեմատիկ հետազոտությունների ֆինանսավորման ծավալն ավելացվելու է 2,5 անգամ` կազմելով 6,7 մլրդ դրամ: Գիտությանը, մասնավորապես կիրառական գիտության ծրագրերին ուղղված պետական հատկացումներ են նախատեսված նաև այլ պետական գերատեսչությունների, օրինակ՝ Բարձր տեխնոլոգիական արդյունաբերության նախարարության պետական ֆինանսավորման շրջանակում:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Խնայողության մշակույթի բացակայությունն է ազդում մարդկանց սոցիալական և տնտեսական բարեկեցության վրա, թե մարդկանց ցածր եկամուտներն ու երկրի սոցիալ-տնտեսական վիճակը: Խնդրում եմ գրել կարծիքներ` ի նկատի ունենալով մեր իրականությունը: Շնորհակալություն:
Բազմության և նրա տարրերի հասկացությունները մաթեմատիկայում սկզբնական հասկացություններ են:Այս թեմայի ուսումնասիրության նպատակն է թվային բազմությունների հետ ծանոթացումը, բազմությունների հետ գործողություններ կատարելու հմտությունների ձևավորումը և զարգացումը, բազմությունների հատման և միավորման գաղափարի…
Նորմը դա միմիյանց միջև հարաբերությունները կարգավորելու և ավելի ներդաշնակ համայնքներ ու հասարակություններ ձևավորելու նպատակով մարդկանց կողմից ստեղծված վարքագծի կանոն է: Նորմերը լինում են իրավական և բարոյական: 1. Իրավական նորմ՝ պարտադիր…
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ