ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ գիտությունների ազգային ակադեմիայում տեղի է ունեցել նախագահության ընդլայնված նիստ Ռուսաստանի գիտությունների ակադեմիայի պատվիրակության մասնակցությամբ:
Նիստին ներկա են եղել ՀՀ կրթության, գիտության, մշակույթի և սպորտի նախարար Վահրամ Դումանյանը, Բարձր տեխնոլոգիական արդյունաբերության նախարար Վահագն Խաչատուրյանը, Գիտության կոմիտեի նախագահ Սարգիս Հայոցյանը, ՀՀ-ում ՌԴ արտակարգ և լիազոր դեսպան Սերգեյ Կոպիրկինը, ինչպես նաև ՀՀ ԳԱԱ և ՌԳԱ ներկայացուցիչներ:
Նիստի ընթացքում ստորագրվել է ՀՀ գիտությունների ազգային ակադեմիայի և Ռուսաստանի գիտությունների ակադեմիայի միջև գիտական համագործակցության միջոցառումների ծրագիրը: Գիտական համագործակցության ճանապարհային քարտեզը ստորագրել են ՀՀ ԳԱԱ նախագահ, ակադեմիկոս Աշոտ Սաղյանը և ՌԳԱ նախագահ, ակադեմիկոս Ալեքսանդր Սերգեևը:
ՀՀ ԳԱԱ նախագահության որոշմամբ՝ ՌԳԱ նախագահ, ակադեմիկոս Ալեքսանդր Սերգեևին շնորհվել է ՀՀ ԳԱԱ պատվավոր անդամի կոչում:
Ողջույնի խոսքում ՀՀ ԿԳՄՍ նախարար Վահրամ Դումանյանն անդրադարձել է հայ-ռուսական երկկողմ գիտական հետաքրքրություններին` նշելով, որ խորհրդային գիտական դպրոցը, որից սերում են ինչպես Ռուսաստանի, այնպես էլ Հայաստանի գիտությունների ակադեմիաները, եղել է հզոր և հայտնի դարբնոց:
«Մենք հպարտությամբ ենք արձանագրում, որ եղել ենք այդ հզոր գիտական համակարգի մասը: Խորհրդային գիտական դպրոցով անցած շատ գիտնականներ այսօր էլ Հայաստանում շարունակում են արդյունավետորեն աշխատել` իրենց նպաստը բերելով ոլորտի զարգացմանը: Սակայն այսօր մենք ապրում ենք բոլորովին այլ իրականության մեջ. փոխվել է կյանքը, փոխվել են կրթության և գիտության համակարգերը: Խորհրդային ժամանակների անվճար բարձրագույն կրթության համակարգն այլևս չկա, իսկ գիտությունը, լինելով բարձրագույն կրթության ածանցյալն ու շարունակությունը, մեր առջև դնում է նոր մարտահրավերներ:
Հայաստանի և Ռուսաստանի գիտական համակարգերի առջև ծառացած խնդիրների մեջ այսօր էլ կան մի շարք համընկնումներ, որոնք անհրաժեշտություն են դարձնում ուժերի միավորումը: Մենք այսօր երիտասարդների համար գիտությունը հրապուրիչ դարձնելու խնդիր ունենք: Կարծում եմ, որ այդ խնդիրը Ռուսաստանում էլ կա: Մենք ունենք շատ տաղանդավոր երիտասարդներ, որոնք հետագայում գերադասում են աշխատել Հայաստանից դուրս, որովհետև դրսում նրանք ավելի եկամտաբեր աշխատանք են գտնում:
Գիտության ոլորտի զարգացումը ՀՀ կառավարության առաջնահերթ խնդիրներից է: Մենք հաջորդ տարվա պետական բյուջեի նախագծում գիտության ոլորտի պետական ֆինանսավորման կտրուկ աճ ենք նախատեսել: Ամրագրել ենք նաև գիտական արդյունքի չափելիության որոշակի պահանջներ, և այդ ուղղությամբ արված քայլերը գիտական հանրության կողմից դրական արձագանքի են արժանացել»,- նշել է Վահրամ Դումանյանը:
Նրա խոսքով` գիտության հանդեպ հետաքրքրությունը մեծացնելու պետական քաղաքականությունը լինելու է շարունակական: Այս համատեքստում նախարարը կարևորել է գիտության հանրահռչակումը` նշելով, որ սերը գիտության հանդեպ ձևավորվում է դպրոցից:
ԳԱԱ ընդլայնված նիստում ողջույնի խոսքով հանդես են եկել նաև ՀՀ և ՌԴ գիտությունների ակադեմիաների նախագահները, ՀՀ ԲՏԱ նախարարը:
Նշենք, որ Ռուսաստանի գիտությունների ակադեմիայի պատվիրակության այցի ծրագրով նախատեսված են հանդիպումներ ՀՀ վարչապետ Նիկոլ Փաշինյանի, Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի հետ: Պատվիրակությունը կայցելի նաև Մատենադարան՝ Մեսրոպ Մաշտոցի անվան հին ձեռագրերի գիտահետազոտական ինստիտուտ, Հայոց ցեղասպանության թանգարան-ինստիտուտ:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
