ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
FAST հիմնադրամի նախաձեռնությամբ մեկշաբաթյա այցով Հայաստանում է ԱՄՆ Ռազմածովային հետազոտությունների գլոբալ գրասենյակի պատվիրակությունը: Այսօր տեղի է ունեցել մամուլի ասուլիս, որի ընթացքում բանախոսները ներկայացրել են ԱՄՆ ռազմածովային հետազոտությունների գլոբալ գրասենյակի կողմից գիտական ու տեխնոլոգիական ավանդական մտածողությունը կոտրող, բեկումնային նախագծերի (blue sky ideas) ֆինանսավորման հեռանկարները:
Ասուլիսի բանախոսներն էին ՀՀ ԿԳՄՍ նախարարի տեղակալ Կարեն Թռչունյանը, ԱՄՆ ռազմածովային հետազոտությունների գլոբալ գրասենյակի նախագծերի ղեկավար Պատրիկ Ռոուզը և FAST հիմնադրամի ռազմավարական ծրագրերի գծով փոխնախագահ Սյուզաննա Շամախյանը:
Նախարարի տեղակալ Կարեն Թռչունյանը ողջունել է նմանատիպ նախաձեռնությունների իրականացումը մեր երկրում:
«Քանի որ այսօր ՀՀ-ում կրթության և գիտության նկատմամբ հետաքրքրությունն օրեցօր մեծանում է, հետևաբար առաջնահերթություն է այս ոլորտներում ներդրում կատարելը: Միայն կրթված հասարակություն ունենալով՝ կարող ենք կերտել անվտանգ պետություն, ստեղծել նոր տեխնոլոգիաներ և առաջադեմ հնարավորություններ: Այսպիսի նախաձեռնությունները բխում են այդ ռազմավարությունից, հետևաբար ողջունելի է ԱՄՆ ռազմածովային հետազոտությունների գլոբալ գրասենյակի ներկայացուցիչների՝ մեր երկիր այցը, որի շրջանակում բուհերում և ակադեմիական ինստիտուտներում ինչպես կիրառական, այնպես էլ ֆունդամենտալ գիտությունների գծով հետազոտություններ ֆինանսավորելու իրական հնարավորություններ կարող են ստեղծվել»,- նշել է Կարեն Թռչունյանը՝ հույս հայտնելով, որ այդ առումով 2022 թվականին կլինի հստակ նախանշված ճանապարհային քարտեզ: Ըստ փոխնախարարի՝ գիտության մեջ արագ արդյունք չի լինում. անհրաժեշտ են երկարաժամկետ ներդրումներ, որոնք տարիներ անց են արդյունք տալու:
«Քանի որ այս ծրագիրը նոր է Հայաստանի համար, որոշ ժամանակ անց միայն կկարողանանք գնահատել դրա արդյունավետությունը: Մենք ունենք շատ լավ երիտասարդ գիտնականներ ու դասախոսներ, որոնք, վստահաբար, կունենան հետաքրքիր ու նորարար գաղափարներ, որոնցով կարող են դիմել այս ծրագրին և ստանալ ֆինանսավորում: ԿԳՄՍ նախարարությունն ամեն ինչով կաջակցի, որպեսզի համագործակցությունը կայանա ու լինի արդյունավետ»,- նշել է Կարեն Թռչունյանը և ընդգծել, որ հնարավորինս շատ գիտնականներ ու ստարտափեր պետք է տեղեկանան նախաձեռնության մասին:
FAST հիմնադրամի ռազմավարական ծրագրերի գծով փոխնախագահ Սյուզաննա Շամախյանն իր հերթին նշել է, որ այցը կազմակերպվել է, որպեսզի միջազգային առաջատար գիտական ու նորարարական կառույցների հետ համագործակցության նոր հնարավորություններ ստեղծվեն Հայաստանի համար, և երիտասարդ գիտնականները կարողանան հաջողել հենց Հայաստանում:
«Այցի ամբողջ իմաստն այն է, որ ցույց տանք մեր երկրում առկա լավագույն տաղանդների մտքի թռիչքը: Մնացածը կլինի երկարաժամկետ համագործակցության արդյունքում. սա ընդամենն առաջին հիմնաքարն է»,- նշել է նա:
ԱՄՆ ռազմածովային հետազոտությունների գլոբալ գրասենյակի նախագծերի ղեկավար Պատրիկ Ռոուզին ներկայացրել է իրենց ճանաչողական այցի նպատակներն ու ֆինանսավորման հնարավորությունները, որոնցից հայ գիտնականները կարող են օգտվել: Նրա խոսքով՝ գրասենյակը ֆինանսավորում է հիմնարար հետազոտություններ և օգնում տաղանդավոր մարդկանց՝ իրագործելու իրենց եզակի մտքերն ու առաջադեմ հետազոտությունները: Այդ նպատակով էլ եկել են Հայաստան՝ գտնելու համագործակցության եզրեր տեղի երիտասարդ գիտնականների ու կազմակերպությունների հետ:
Հայաստանյան այցի ընթացքում ԱՄՆ ռազմածովային հետազոտությունների գլոբալ գրասենյակի, Բանակի միջազգային տեխնոլոգիական կենտրոնի և FAST-ի ներկայացուցիչները կայցելեն ՀՀ գիտական, կրթական և տեխնոլոգիական առանցքային մի շարք կենտրոններ՝ ծանոթանալու նորարարական գաղափարներին և նախագծերին, բացահայտելու ապագայում դրանց ֆինանսավորման հեռանկարները:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
