ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Նախարար Վահրամ Դումանյանը մասնակցել է Երևանում առաջին սքեյթ-պարկի բացմանը

Նոյեմբերի 15, 2021
Սպորտային լուրեր

Ազգային ժողովի նախագահ Ալեն Սիմոնյանը և Կրթության, գիտության, մշակույթի և սպորտի նախարար Վահրամ Դումանյանն այսօր՝ նոյեմբերի 15-ին, մասնակցել են Երևանում առաջին սքեյթ-պարկի բացման արարողությանը, շրջել պարկի տարածքով և ծանոթացել ենթակառուցվածքներին:

Միջոցառմանը մասնակցել է նաև ԿԳՄՍ նախարարի տեղակալ Կարեն Գիլոյանը:

Մայրաքաղաքի առաջին սքեյթ-պարկի բացման պատիվը վերապահվել է ԿԳՄՍ նախարար Վահրամ Դումանյանին և Ուկրաինայի հայ համայնքի նախագահ Վիլեն Շատվորյանին: Այն կառուցվել է Երևանի Օղակաձև զբոսայգու հիմնանորոգված 6-րդ գոտու տարածքում՝ միջազգային ամենաբարձր չափանիշներով:

ԿԳՄՍ նախարարի տեղակալ Կարեն Գիլոյանի խոսքով՝ առանց այս պայմանների մարզաձևի զարգացման մասին մտածել չէինք կարող. «Կարծես բոլոր չափանիշները պահպանված են, բավականին ժամանակակից է: Այն, ինչ կար Տոկիոյի Օլիմպիական խաղերում, ես հիմա այստեղ տեսնում եմ: Առանց այս պայմանների մենք այս մարզաձևի մասին մտածել անգամ չէինք կարող: Մի խոսքով, սա մարզաձևը զարգացնելու միակ տարբերակն է:

Սքեյթբորդն արդեն օլիմպիական մարզաձև է. Տոկիո-2020-ի ծրագրում կար: Հիմա ուժեղների ընտանիքին միանալու հնարավորություն կա՝ ունենալով այսպիսի պայմաններ: Մնում է՝ նորմալ մարզիչներ ունենանք, ովքեր կկարողանան իսկապես լավ մարզիկներ կերտել»:

Սքեյթ-պարկում գործում են ամֆիթատրոն՝ հանդիսատեսի համար, բուժկետ և սանհանգույց: Տարածքում տեղադրված են ոճային հովհարներ՝ արևային պանելներով, որոնք ապահովում են պարկի գիշերային լուսավորությունը:

Օղակաձև զբոսայգու համալիր բարեկարգման ու թեմատիկ այգիների ստեղծման աշխատանքները կատարվել են Երևան համայնքի բյուջեի միջոցներով և քաղաքի բարեկամների ֆինանսական աջակցությամբ: Մասնավորապես, սքեյթ-պարկի կառուցման ֆինանսավորումն իրականացրել է Ուկրաինայի հայ համայնքը՝ նախագահ Վիլեն Շատվորյանի գլխավորությամբ:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Խնայողության մշակույթ

    Թեմայի հեղինակ՝ simonyannara25@gmail.com

    Խնայողության մշակույթի բացակայությունն է ազդում մարդկանց սոցիալական և տնտեսական բարեկեցության վրա, թե մարդկանց ցածր եկամուտներն ու երկրի սոցիալ-տնտեսական վիճակը: Խնդրում եմ գրել կարծիքներ` ի նկատի ունենալով մեր իրականությունը: Շնորհակալություն:

  • Գործողություններ բազմությունների հետ

    Թեմայի հեղինակ՝ ՄԱՄՅԱՆ Ա․

    Բազմության և նրա տարրերի հասկացությունները մաթեմատիկայում սկզբնական հասկացություններ են:Այս թեմայի ուսումնասիրության նպատակն է թվային բազմությունների հետ ծանոթացումը, բազմությունների հետ գործողություններ կատարելու հմտությունների ձևավորումը և զարգացումը, բազմությունների հատման և միավորման գաղափարի…

  • Արդյոք՞ մարդու իրավունքները չեն խախտվի, եթե անձը առաջնորդվի բարոյական նորմերով:

    Թեմայի հեղինակ՝ gayane.siradexyan

    Նորմը դա միմիյանց միջև հարաբերությունները կարգավորելու և ավելի ներդաշնակ համայնքներ ու հասարակություններ ձևավորելու նպատակով մարդկանց կողմից ստեղծված վարքագծի կանոն է: Նորմերը լինում են իրավական և բարոյական: 1. Իրավական նորմ՝ պարտադիր…

  • Ռուբրիկները՝ որպես ուսումնառության գնահատման միջոց

    Թեմայի հեղինակ՝ Lianna3

    Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…

  • Սովորողի աշխատանքի գնահատման միջոցները

    Թեմայի հեղինակ՝ Lianna3

    Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…