Ազգային ժողովն այսօր միաձայն հավանության է արժանացրել Կառավարության հեղինակած ««Բարձրագույն կրթության որակավորումների փոխճանաչման մասին» համաշխարհային կոնվենցիան վավերացնելու մասին» օրենքի նախագիծը:
Նոյեմբերի 16-ի ԱԺ նիստում նախագիծը պատգամավորների քննարկմանն է ներկայացրել ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը: Նրա խոսքով՝ 2019 թվականին ՅՈՒՆԵՍԿՕ-ի գլխավոր կոնֆերանսի 40-րդ նստաշրջանի ժամանակ ստորագրված փաստաթղթի վավերացումը պայմանավորված է Հայաստանի Հանրապետության՝ բարձրագույն կրթության ոլորտում միջազգային համագործակցության խթանման, բարձրագույն կրթության որակավորման ճանաչման համար թափանցիկ և համապարփակ միջոցների ապահովման քաղաքականությամբ:
Արթուր Մարտիրոսյանը տեղեկացրել է, որ այս կոնվենցիան ՅՈՒՆԵՍԿՕ-ի առաջարկած առաջին գլոբալ կոնվենցիան է, սակայն Հայաստանը նախկինում արդեն իսկ միացել է մի շարք տարածաշրջանային կոնվենցիաների (այդ թվում՝ Փարիզի (1979 թ.), Բանգկոկի (1983 թ.) և Լիսաբոնի (1997 թ.)): «Բարձրագույն կրթության որակավորումների փոխճանաչման մասին» համաշխարհային կոնվենցիան՝ որպես բարձրագույն կրթությանը վերաբերող որակավորումների ճանաչման մասին համաշխարհային կոնվենցիա, գալիս է՝ լրացնելու և ամրապնդելու տարածաշրջանային կոնվենցիաների միջև կապը:
«Ազգային մակարդակով մենք արդեն ունենք թափանցիկ գործունեության կազմակերպման և համապարփակ միջոցների ձեռնարկմամբ մեխանիզմներ՝ ի դեմս Ակադեմիական փոխճանաչման և շարժունության ազգային տեղեկատվական կենտրոնի, որը փոխճանաչման առումով տրամադրում է համապատասխան խորհրդատվություն, հետևաբար և գլոբալ կոնվենցիայի ստորագրման դեպքում գործիքակազմի ներդրման առումով բարդություններ չեն առաջանա»,- նշել է Արթուր Մարտիրոսյանը:
Ըստ փոխնախարարի՝ կոնվենցիայով ՀՀ-ն, փոխադարձության հիման վրա, պարտավորվում է ճանաչել մյուս կողմ պետությունում ձեռք բերած որակավորումները և համապատասխան փաստաթղթով կամ վկայականով հաստատված նախորդ ուսուցումը, որոնք համապատասխանում են մեր երկրում բարձրագույն կրթության մատչելիության ընդհանուր պահանջներին, եթե չեն հաստատվում էական տարբերություններ մյուս կողմ պետություններում մատչելիության ընդհանուր պահանջների և ՀՀ-ում ընդհանուր պահանջների միջև: Տարբերությունների առկայության դեպքում կարող է դիտարկվել նաև մասնակի ճանաչման հարցը:
«Կոնվենցիան նաև արտաքին քաղաքականության նպատակահարմարության տեսանկյունից է կարևոր: Այն ևս մի հնարավորություն է՝ ՀՀ-ում բարձրագույն կրթության համակարգի ընդհանուր միջազգայնացման տեսանկյունից: Փոխճանաչումը կապահովի ավելի մեծ շարժունություն միջազգային մակարդակով թե՛ արտերկրում ՀՀ որակավորումների և թե՛ մեր երկրում արտերկրի որակավորումների ճանաչման տեսանկյունից»,- նշել է Արթուր Մարտիրոսյանը՝ հավելելով, որ այսպիսով՝ կոնվենցիան կնպաստի համաշխարհային մակարդակով մարդկային և կրթական ռեսուրսների օպտիմալ օգտագործմանը:
Նշենք, որ կոնվենցիայով ՀՀ-ն պարտավորվում է ստեղծել թափանցիկ համակարգեր մեր երկրի տարածքում ձեռք բերած որակավորումների և ուսուցման արդյունքների ամբողջական նկարագրության համար, ինչպես նաև բարձրագույն ուսումնական հաստատություն կամ այդ հաստատության կոնկրետ ծրագրով ընդունելության ընթացակարգերը մշակել այնպես, որ օտարերկրյա որակավորումների գնահատումն իրականացվի թափանցիկության, արդարացիության և խտրականության բացառման սկզբունքների հիման վրա:
Կոնվենցիան այս պահի դրությամբ վավերացրել է 5 երկիր` Նիկարագուան, Նորվեգիան, Էստոնիան, Ֆրանսիան և Ռումինիան:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Խնայողության մշակույթի բացակայությունն է ազդում մարդկանց սոցիալական և տնտեսական բարեկեցության վրա, թե մարդկանց ցածր եկամուտներն ու երկրի սոցիալ-տնտեսական վիճակը: Խնդրում եմ գրել կարծիքներ` ի նկատի ունենալով մեր իրականությունը: Շնորհակալություն:
Բազմության և նրա տարրերի հասկացությունները մաթեմատիկայում սկզբնական հասկացություններ են:Այս թեմայի ուսումնասիրության նպատակն է թվային բազմությունների հետ ծանոթացումը, բազմությունների հետ գործողություններ կատարելու հմտությունների ձևավորումը և զարգացումը, բազմությունների հատման և միավորման գաղափարի…
Նորմը դա միմիյանց միջև հարաբերությունները կարգավորելու և ավելի ներդաշնակ համայնքներ ու հասարակություններ ձևավորելու նպատակով մարդկանց կողմից ստեղծված վարքագծի կանոն է: Նորմերը լինում են իրավական և բարոյական: 1. Իրավական նորմ՝ պարտադիր…
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ