Ազգային ժողովը նոյեմբերի 17-ին միաձայն քվեարկությամբ վավերացրել է «ՀՀ կառավարության և Վիետնամի Սոցիալիստական Հանրապետության կառավարության միջև կրթության և գիտության բնագավառում համագործակցության մասին» համաձայնագիրը:
Այն ստորագրվել է 2019 թվականի հուլիսի 5-ին Վիետնամի մայրաքաղաք Հանոյում` կրթության և գիտության բնագավառում երկու երկրների համագործակցությունը խթանելու և զարգացնելու նպատակով:
Նախագիծն Ազգային ժողովում Կառավարության կողմից ներկայացրել է ԿԳՄՍ նախարարի տեղակալ Արթուր Մարտիրոսյանը, ով ընդգծել է, որ այս համաձայնագիրը կրթության ոլորտում միջպետական երկկողմ մակարդակով համագործակցության զարգացման հերթական համաձայնագիրն է. «Ուրախությամբ փաստեմ, որ կրթության և գիտության ոլորտներում մենք ունենք տասնյակ համաձայնագրեր, սակայն մի քանի երկրների հետ է, որ առկա են նաև փոխանակման ծրագրեր: Վիետնամը համալրում է այդ ցանկը»:
Համաձայնագրով նախատեսվում է իրականացնել փոխանակման ծրագրեր հետազոտողների, դասախոսների, դասավանդող անձնակազմի, ուսանողների և աշակերտների միջև: Փոխադարձության սկզբունքով Հայաստանն ու Վիետնամը պարտավորվում են կրթաթոշակային 5 տեղ տրամադրել մյուս երկրի ուսումնական և հետազոտական հաստատությունների ուսանողներին, դասավանդող անձնակազմին, դասախոսներին և հետազոտողներին՝ բակալավրի, մագիստրոսի, դոկտորանտուրայի և ինտերնատուրայի ծրագրերով ուսում ստանալու նպատակով:
Ա. Մարտիրոսյանն ընդգծել է, որ համաձայնագիրը կնքվում է բարձրագույն կրթության ոլորտում միջազգային համագործակցության ընդլայնման քաղաքականության շրջանակում՝ ուղղված ՀՀ բուհերի միջազգայնացմանը, հայ ուսանողների ու գիտամանկավարժական շրջանակի համար տարբեր երկրների բուհերում սովորելու և ակադեմիական շարժունակության ապահովմանը, օտարերկրյա ուսանողների թվի և աշխարհագրության ընդլայնմանը, համատեղ ծրագրեր իրականացնելու հնարավորությունների մեծացմանը:
«Այդ քաղաքականության իրականացման միջոցներ են ինչպես միջբուհական անմիջական համագործակցության խթանումը և միջազգային բազմակողմ ձևաչափերը, այնպես էլ երկկողմ ձևաչափերը՝ տվյալ դեպքում հայ–վիետնամական համաձայնագիրը: Այս քաղաքականությունը բխում է «Հայաստանի վերափոխման ռազմավարության» թիրախային ցուցանիշներից, որը ենթադրում է միջազգային վարկանիշավորման լավագույն 200 բուհերի ցանկում ՀՀ առնվազն 3 բուհերի ներառում 2050 թ.–ի համար»,- նշել է Արթուր Մարտիրոսյանը:
Համաձայնագրով՝ կողմերը պարտավորվում են խրախուսել և աջակցել բարձրագույն ուսումնական և հետազոտական, կրթական հաստատություններում պետական լեզվի, գրականության, պատմության և մշակույթի ուսումնասիրմանը և դասավանդմանը, աշակերտների, ուսանողների, դասավանդող կազմի, դասախոսների և հետազոտողների, մեթոդաբանական ձեռնարկների և դասագրքերի փոխանակմանը:
ՀՀ-ն և Վիետնամը պարտավորվում են իրականացնել կրթության և գիտության ոլորտի փորձագետների պատվիրակությունների փոխանակում՝ երկկողմ հարաբերությունների ամրապնդման նպատակով, ինչպես նաև համապատասխան տեղեկատվության փոխանակում՝ կողմերի հաստատությունների կողմից տրվող որակավորումների համարժեքությունը սահմանելու համար, և աջակցել դրանց փոխադարձաբար ճանաչմանը:
Համաձայնագրի կիրարկումը թույլ կտա սերտացնել համագործակցությունը Վիետնամի Սոցիալիստական Հանրապետության հետ կրթության և գիտության բնագավառում, ստեղծել կրթագիտական համատեղ ծրագրեր իրականացնելու և համագործակցությունը որակական նոր մակարդակի բարձրացնելու նոր հնարավորություններ:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ