ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Հանրապետական ուսանողական 22-րդ մարզական խաղեր. հայտնի են սեղանի թենիսի մրցումների հաղթողները

Նոյեմբերի 24, 2021
Սպորտային լուրեր

«Հայաստան» մարզական միության մարզադահլիճում ավարտվել են Հանրապետական ուսանողական 22-րդ մարզական խաղերի ծրագրով սեղանի թենիսի տղաների և աղջիկների մրցումները:

Մարզական խաղերին մասնակցել է 15 բարձրագույն ուսումնական հաստատության թիմ՝ շուրջ 100 մասնակցով:

Աղջիկների թիմային պայքարում հաղթող է դարձել Երևանի պետական համալսարանի թիմը։ Երկրորդ լավագույն արդյունքը ցույց է տվել Հայաստանի ֆիզիկական կուլտուրայի պետական ինստիտուտի թիմը, իսկ եռյակը եզրափակել է Երևանի Վ. Բրյուսովի անվան պետական համալսարանի թիմը։

Տղաների թիմային պայքարում առաջին հորիզոնականը զբաղեցրել է Հայաստանի ֆիզիկական կուլտուրայի պետական ինստիտուտի թիմը, երկրորդ տեղը գրավել է Հայաստանի ազգային պոլիտեխնիկական համալսարանի թիմը, իսկ լավագույն եռյակը եզրափակել են Երևանի պետական համալսարանի ուսանողները։

Աղջիկների անհատական պայքարում հաղթողի կոչումը նվաճել է Հայաստանի ֆիզիկական կուլտուրայի պետական ինստիտուտի ուսանողուհի Մարինա Գալստյանը։ Երկրորդ տեղը զբաղեցրել է Էլեն Բախչաջյանը Երևանի պետական համալսարանից, իսկ երրորդ տեղը գրավել է Յանա Պետրոսյանը (Հայաստանի պետական տնտեսագիտական համալսարան)։

Տղաների անհատական պայքարում առաջին հորիզոնականը զբաղեցրել է Հայաստանի ֆիզիկական կուլտուրայի պետական ինստիտուտի ուսանող Արամ Անտոնյանը։ Երկրորդ տեղն է գրավել Դավիթ Վարդանյանը՝ Հայաստանի ազգային պոլիտեխնիկական համալսարանից, իսկ լավագույն եռյակը եզրափակել է Ռազմիկ Մկրտչյանը՝ Երևանի պետական համալսարանից։

Թիմային հաշվարկով առաջին հորիզոնականը զբաղեցրել է Հայաստանի ֆիզիկական կուլտուրայի պետական ինստիտուտը (180 միավոր), երկրորդ տեղում Երևանի պետական համալսարանն է (160 միավոր), իսկ լավագույն եռյակը եզրափակել է Հայաստանի ազգային պոլիտեխնիկական համալսարանը (130 միավոր):

1-ին, 2-րդ և 3-րդ տեղեր գրաված բուհերը, ուսանողները և ուսանողուհիները պարգևատրվել են ՀՀ կրթության, գիտության, մշակույթի և սպորտի նախարարության հավաստագրերով, գավաթներով և մեդալներով:

Հանրապետական ուսանողական 22-րդ մարզական խաղերի ծրագրով առաջիկայում կանցկացվեն բասկետբոլի և վոլեյբոլի մրցումները։

Բասկետբոլի մրցումները կանցկացվեն նոյեմբերի 30-ից դեկտեմբերի 6-ը Երևանի պետական համալսարանի և Հայ-ռուսական համալսարանի մարզահամալիրներում, իսկ վոլեյբոլի մրցումները՝ դեկտեմբերի 2-ից 7-ը Երևանի պետական համալսարանի մարզահամալիրում և Հայաստանի պետական տնտեսագիտական համալսարանի մարզադահլիճում։

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Խնայողության մշակույթ

    Թեմայի հեղինակ՝ simonyannara25@gmail.com

    Խնայողության մշակույթի բացակայությունն է ազդում մարդկանց սոցիալական և տնտեսական բարեկեցության վրա, թե մարդկանց ցածր եկամուտներն ու երկրի սոցիալ-տնտեսական վիճակը: Խնդրում եմ գրել կարծիքներ` ի նկատի ունենալով մեր իրականությունը: Շնորհակալություն:

  • Գործողություններ բազմությունների հետ

    Թեմայի հեղինակ՝ ՄԱՄՅԱՆ Ա․

    Բազմության և նրա տարրերի հասկացությունները մաթեմատիկայում սկզբնական հասկացություններ են:Այս թեմայի ուսումնասիրության նպատակն է թվային բազմությունների հետ ծանոթացումը, բազմությունների հետ գործողություններ կատարելու հմտությունների ձևավորումը և զարգացումը, բազմությունների հատման և միավորման գաղափարի…

  • Արդյոք՞ մարդու իրավունքները չեն խախտվի, եթե անձը առաջնորդվի բարոյական նորմերով:

    Թեմայի հեղինակ՝ gayane.siradexyan

    Նորմը դա միմիյանց միջև հարաբերությունները կարգավորելու և ավելի ներդաշնակ համայնքներ ու հասարակություններ ձևավորելու նպատակով մարդկանց կողմից ստեղծված վարքագծի կանոն է: Նորմերը լինում են իրավական և բարոյական: 1. Իրավական նորմ՝ պարտադիր…

  • Ռուբրիկները՝ որպես ուսումնառության գնահատման միջոց

    Թեմայի հեղինակ՝ Lianna3

    Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…

  • Սովորողի աշխատանքի գնահատման միջոցները

    Թեմայի հեղինակ՝ Lianna3

    Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…