ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

«Մեր երազանքների ապագան». նամականիշների պատկերազարդման մրցույթ

Նոյեմբերի 26, 2021
Լուրեր կազմակերպություններից

2022 թվականին ՄԱԿ-ը կնշի Հայաստանում իր գործունեության 30-ամյակը:

Այդ կապակցությամբ ՄԱԿ-ի հայաստանյան գրասենյակը ՀՀ կրթության, գիտության, մշակույթի և սպորտի նախարարության, ՀՀ բարձր տեխնոլոգիական արդյունաբերության նախարարության և «ՀայՓոստ»-ի հետ հայտարարում է «Մեր երազանքների ապագան» թեմայով նամականիշների պատկերազարդման մրցույթ:

Այն նախատեսված է երեխաների և արվեստի ոլորտի ուսանողների համար, որոնք պետք է ներկայացնեն նամականիշի դիզայն՝ «Մեր երազանքների ապագան» թեմայով։

Մրցույթի պայմաններն են.

  • Մրցույթին կարող են մասնակցել Հայաստանում բնակվող մինչև 18 տարեկան բոլոր երեխաները,
  • Մրցույթին կարող են մասնակցել 18 տարեկանից բարձր, Հայաստանում բնակվող, արվեստի ուղղությամբ մասնագիտացած ուսումնական հաստատությունների ուսանողները,
  • Յուրաքանչյուր մասնակից կարող է ներկայացնել մեկ նկար (դիզայն),
  • Մասնակիցները երաշխավորում են, որ իրենք են ներկայացված աշխատանքների հեղինակները (հեղինակային իրավունքների խախտում հայտնաբերելու դեպքում մասնակիցը կորակազրկվի):

Մրցույթը մեկնարկում է հայտարարության հրապարակման օրը՝ նոյեմբերի 26-ին. հայտերի ընդունման վերջնաժամկետն է դեկտեմբերի 12-ը: Հայտերը պետք է ուղարկել stampcontest30@gmail.com էլ. հասցեին` «թեմա» բաժնում նշելով անուն-ազգանունը, տարիքը, դպրոցը։

Հայտը պետք է պարունակի հետևյալ փաստաթղթերից յուրաքանչյուրը՝

1. նամականիշի դիզայնի բարձր որակի լուսանկար՝ JPEG կամ PNG ձևաչափով,

2. մասնակցի անձը հաստատող փաստաթղթի էլեկտրոնային պատճեն,

3. մասնակցի լուսանկար,

4. կոնտակտային հեռախոսահամար (երեխաների դեպքում՝ ծնողի կամ օրինական խնամակալի անուն-ազգանուն),

5. երեխաների հեղինակած նյութի/նյութերի հեղինակային իրավունքի մասնակի տրամադրման լրացված ձևաթուղթ:

Ոչ ամբողջական հայտադիմումները չեն դիտարկվի: Մրցույթի հաղթողներին կորոշի ներգրավված գործընկերներից և արվեստի ոլորտում հանրաճանաչ ներկայացուցիչներից կազմված հանձնաժողովը:

Մրցույթը հաղթողի ներկայացրած դիզայնով կտպագրվի նամականիշ՝ նվիրված Հայաստանում ՄԱԿ-ի գործունեության 30-ամյակին, իսկ հաղթողը կմասնակցի նամականիշի մարման հանդիսավոր արարողությանը:

Մրցույթի առաջին հինգ տեղերը գրաված մասնակիցները կստանան նվերներ ՄԱԿ-ի հայաստանյան գրասենյակի կողմից:

Մասնակիցներին խնդրում ենք 3 տարի պահպանել օրիգինալ աշխատանքները կամ տրամադրել ՄԱԿ-ի հայաստանյան գրասենյակին՝ առաջիկայում կազմակերպվող ցուցահանդեսին ներկայացնելու նպատակով:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Ռուբրիկները՝ որպես ուսումնառության գնահատման միջոց

    Թեմայի հեղինակ՝ Lianna3

    Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…

  • Սովորողի աշխատանքի գնահատման միջոցները

    Թեմայի հեղինակ՝ Lianna3

    Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…

  • Ուղիղ հրահանգումով դասավանդում/ դասապլանների օրինակներ

    Թեմայի հեղինակ՝ Lianna3

    Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)

  • Պարզաբանումներ

    Թեմայի հեղինակ՝ manush

    Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:

  • Ուղիղ հրահանգումով դասավանդում

    Թեմայի հեղինակ՝ Lianna3

    Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…