ՀՀ կրթության, գիտության, մշակույթի և սպորտի նախարարության ու Ֆրանսիայի հայկական հիմնադրամի միջև այսօր կնքվել է ագրոտնտեսական կրթության, մասնագիտական ուսուցման և գիտելիքների տարածման բնագավառում համագործակցության մասին փոխըմբռնման հուշագիր:
Հուշագիրը ստորագրել են ԿԳՄՍ նախարար Վահրամ Դումանյանը և Ֆրանսիայի հայկական հիմնադրամի նախագահ Պետրոս Թերզյանը: Միջոցառմանը ներկա է գտնվել նաև ԿԳՄՍ նախարարի տեղակալ Ժաննա Անդրեասյանը:
Ողջունելով ներկաներին՝ նախարար Վահրամ Դումանյանը շեշտել է, որ հուշագրով նախատեսված գործընթացները Տավուշի տարածաշրջանային պետական քոլեջին իրապես նոր բովանդակություն կհաղորդեն:
«ՀՀ կառավարության ծրագրում կարևորվում է ՄԿՈԻ ոլորտը, հատկապես՝ դուալ կրթության ներդրումը: Այդ ոլորտում նախատեսվում են բարեփոխումներ՝ կրթություն-արտադրություն կապն էլ ավելի ամրապնդելու և դրանք փոխլրացնելու նպատակով: Մենք ակնկալում ենք, որ մեր ֆրանսահայ բարեկամները ֆրանսիական առաջատար փորձը և մշակույթը կներմուծեն գյուղատնտեսական կրթության ոլորտում, որը ՀՀ գերակա ուղղություններից է: Հատկապես սահմանամերձ Տավուշի մարզում այդ մշակույթը վստահաբար նոր շունչ կհաղորդի ողջ մարզի երիտասարդներին»,- շեշտել է նախարար Վահրամ Դումանյանը:
Նա ընդգծել է, որ Ֆրանսիայի հայկական հիմնադրամը նմանօրինակ փորձ ունեցել է Շուշիի «Եզնիկ Մոզյան» արհեստագործական ուսումնարանի հիմնադրմամբ, և ուրախությամբ փաստել, որ այդ փորձը ներկայում ներդրվում է Տավուշի տարածաշրջանային պետական քոլեջում:
Ֆրանսիայի հայկական հիմնադրամի նախագահ Պետրոս Թերզյանն իր հերթին նշել է, որ հիմնադրամի գործունեության երկու կարևոր ուղղություններն են գյուղատնտեսությունը և կրթությունը:
«Մենք ունեցանք լավ փորձ Շուշիի «Եզնիկ Մոզյան» արհեստագործական ուսումնարանում, որը մեզ համար, այսպես ասած, հայտնություն էր: Ֆրանսիական մոդելը, որը հիմնված է տեսական և գործնական մասի համադրման վրա, շատ լավ արդյունքներ արձանագրեց: Եվ ահա այս հաջողված փորձը ցանկանում ենք կիրառել Հայաստանում: Տավուշի տարածաշրջանային պետական քոլեջն առաջինն է, սակայն՝ ոչ վերջինը: Մենք հույս ունենք, որ տարին կամ երկու տարին մեկ անգամ կկարողանանք նմանատիպ հաստատություն բացել Հայաստանում, որն իր մասնաճյուղերը կունենա այլ մարզերում»,- փաստել է Պետրոս Թերզյանը՝ շեշտելով, որ ուսհաստատությունը կունենա նաև իր արտադրամասը, որտեղ ուսանողները կստանան գործնական հմտություններ:
Նշենք, որ հուշագրով նախատեսվում է Տավուշի տարածաշրջանային պետական քոլեջը վերակազմակերպել հիմնադրամի՝ գործնական ուսուցման կենտրոնի ֆրանսիական մոդելի կիրառմամբ: Հիմնադրամի պետական գրանցումից հետո, օրենքով սահմանված կարգով, կձևավորվի հոգաբարձուների խորհուրդ, և ֆրանսիական փորձի հիման վրա տեղի կունենա հիմնադրամի անձնակազմի համալրում և վերապատրաստում:
Կողմերը պարտավորվել են ֆրանսիացի փորձագետների հետ մշակել գյուղատնտեսական ոլորտի մասնագիտությունների պետական կրթական չափորոշիչներ և համապատասխան մոդուլային ծրագրեր, ինչպես նաև իրականացնել լրացուցիչ կրթություն: Կիրականացվեն նաև աշխատակազմի վերապատրաստման դասընթացներ և նյութատեխնիկական բազայի համալրման աշխատանքներ:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Խնայողության մշակույթի բացակայությունն է ազդում մարդկանց սոցիալական և տնտեսական բարեկեցության վրա, թե մարդկանց ցածր եկամուտներն ու երկրի սոցիալ-տնտեսական վիճակը: Խնդրում եմ գրել կարծիքներ` ի նկատի ունենալով մեր իրականությունը: Շնորհակալություն:
Բազմության և նրա տարրերի հասկացությունները մաթեմատիկայում սկզբնական հասկացություններ են:Այս թեմայի ուսումնասիրության նպատակն է թվային բազմությունների հետ ծանոթացումը, բազմությունների հետ գործողություններ կատարելու հմտությունների ձևավորումը և զարգացումը, բազմությունների հատման և միավորման գաղափարի…
Նորմը դա միմիյանց միջև հարաբերությունները կարգավորելու և ավելի ներդաշնակ համայնքներ ու հասարակություններ ձևավորելու նպատակով մարդկանց կողմից ստեղծված վարքագծի կանոն է: Նորմերը լինում են իրավական և բարոյական: 1. Իրավական նորմ՝ պարտադիր…
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ