Հզոր բանակ, հզոր հայրենիք

Հունվարի 31, 2017

Դպրոցական անցուդարձ

Կապանի հ.13 հիմնական դպրոցի աշակերտները  Հայոց Բանակի 25-ամյակի տոնը անցկացրեցին Կապանի N զորամասի զինծառայողների հետ (Սովորողների հետ դաստիարակչական աշխատանքների կազմակերպիչ Ռիմա Մկրտչյան):

Նպատակասլաց աշխատանք՝ որն ուղղված էր հայոց բանակի նկատմամբ սիրո և հարգանքի ձևավորմանը:Միջոցառումը օգնեց սովորողներին լավ հասկանալ Հայոց բանակի պատմական կոչումն ու առաքելությունը՝ որպես Հայոց հայրենիքի և ժողովրդի  անվտանգության ապահովման գլխավոր երաշխավորի: Աշակերտները պատկերացում կազմեցին Հայոց բանակի կազմավորման, նրա անցած մարտական ուղու, ժամանակակից ձեռքբերումների , զինվածության, ռազմական տեխնիկայի և մարտական  պատրաստվածության մասին: Զորավարժություններն ավարտելուց հետո հանդիսությունների դահլիճում տեղի ունեցավ երաժշտական ցերեկույթ «ՀԶՈՐ ԲԱՆԱԿ, ՀԶՈՐ ՀԱՅՐԵՆԻՔ» խորագրով՝  հագեցած հայրենասիրական բանաստեղծություններով, բանակին նվիրված երգերով: Կարևոր է,որ սովորողները ժառանգեն այնպիսի հրաշալի ավանդույթներ, ինչպիսիք են՝ անսահման սերն ու նվիրվածությունը հայրենիքին, թշնամուն հաղթելու անսասան կամքն ու հավատը, քաջությունը և հերոսությունը: Չէ որ ավանդույթներում է ամփոփված ընդօրինակման այն մեծ ուժը , որը պատանիներին մղում է շարունակելու ավագ սերունդների փառավոր գործերը, հետևելու իրենց հայրերի ու պապերի օրինակին, անձնուրաց պայքարելու հանուն ամբողջական հայրենիքի ազատության և անկախության:

ՄԿԱ գծով փոխտնօրեն Ժաննա Վարդանյան