ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
2021 թվականի դեկտեմբերի 8-ին տեղի է ունեցել Հարավային Կովկասի տարածաշրջանում Շվեյցարական համագործակցության 2022-2025 թվականների ծրագրի շնորհանդեսը։
Շնորհանդեսը տեղի է ունեցել հիբրիդային ձևաչափով, որին ֆիզիկապես և առցանց մասնակցել են Կրթության, գիտության, մշակույթի և սպորտի նախարարի տեղակալ Արթուր Մարտիրոսյանը, Էկոնոմիկայի, Ֆինանսների, Բնապահպանության, Աշխատանքի և սոցիալական հարցերի, Արդարադատության փոխնախարարներ, Հայաստանում Շվեյցարիայի դեսպանատան գործերի ժամանակավոր հավատարմատար Ստեֆան Կլոտզլին, Հայաստանում Շվեյցարիայի դեսպանության առաքելության ղեկավարի տեղակալ, միևնույն ժամանակ նաև Հարավային Կովկասում Շվեյցարական համագործակցության տարածաշրջանային տնօրենի տեղակալ պարոն Վերներ Թութը, համագործակցող միջազգային կառույցների այլ ներկայացուցիչներ։
ՀՀ-ում Շվեյցարիայի փոխդեսպան Վերներ Թութը, ջերմորեն ողջունելով մասնակիցներին, կարևորել է Հայաստանի Հանրապետության և Շվեյցարիայի միջև բարեկամական հարաբերությունները։ Փոխդեսպանը համառոտ ներկայացրել է դիվանագիտական հարաբերությունների հաստատման պատմությունը, տարիների ընթացքում ձեռք բերված արդյունքները, մի շարք ոլորտներում կատարված ներդրումային ծրագրերը՝ նշելով նաև, որ 2022 թ․-ին լրանում է Հայաստանի Հանրապետության և Շվեյցարիայի Համադաշնության միջև դիվանագիտական հարաբերությունների հաստատման 30-ամյակը։
Հարավային Կովկասի համար Շվեյցարական համագործակցության 2022-2025 թվականների ծրագիրը վերահաստատել է Շվեյցարիայի շարունակական հանձնառությունը՝ նպաստելու տարածաշրջանում խաղաղ, ներառական և ուժեղ հասարակության ձևավորմանը։ Ծրագիրը նկարագրում է այն նպատակները, որոնց Շվեյցարիայի միջազգային համագործակցությունը ձգտում է հասնել Հարավային Կովկասում: Վերներ Թութը նշել է, որ Հայաստանում ծրագրի բյուջեն կկրկնապատկվի և հետագա չորս տարիների ընթացքում կկազմի ավելի քան 20 մլն շվեյցարական ֆրանկ (CHF)։
Այս ծրագրի շրջանակում համագործակցության առաջնահերթ ոլորտներն են՝
1) տարածաշրջանում քաղաքացիական ներգրավվածության և համագործակցության խթանումը,
2) ժողովրդավարության և հասարակական ինստիտուտների ամրապնդումը,
3) տնտեսական զարգացման բարելավումը և արժանապատիվ աշխատատեղերի ստեղծումը,
4) կլիմայի փոփոխության նկատմամբ դիմակայունության բարձրացումը և ռեսուրսների կայուն կառավարումը:
Ծրագրում առանձնահատուկ ուշադրություն է դարձվում նաև տարածաշրջանային համագործակցությանը։
Շվեյցարական համագործակցության ծրագրով նախատեսվում է ներդրումներ կատարել գրեթե բոլոր մարզերում՝ միտված աղքատության հաղթահարմանն ու բնակչության կարողությունների զարգացմանը։ Հարավային Կովկասի տարածաշրջանում Շվեյցարիայի կողմից ֆինանսավորվող բոլոր ծրագրերում աղքատության կրճատումը դիտարկվելու է որպես առանցքային պահանջ։ Մեծ ուշադրության կարժանանան նաև խնդիրներ՝ կապված միգրացիայի, գենդերային հավասարության, թվայնացման գործընթացի և լրատվամիջոցների հետ։ Այս բոլոր գործողությունները հիմնվելու են Հայաստանում Շվեյցարիայի ավելի քան 30 տարվա գործունեության վրա:
Վերոնշյալ ծրագրի ներկայացումից հետո մասնակիցներն անդրադարձել են մի շարք հարցերի՝ աղքատության վերացում, 2020 թ․-ին տեղի ունեցած հայ-ադրբեջանական պատերազմից հետո պետության տնտեսության վերականգնում, գերիների վերադարձ, կլիմայական փոփոխություններ, կրթություն՝ հատկապես միջին մասնագիտական, համագործակցության շրջանակում իրականացված մշակութային ծրագրեր և այլն։ Վ․ Թութը հայտնել է, որ մինչ օրս շվեյցարական համագործակցության ծրագրի ջանքերով ՀՀ-ում իրականացվել են 73-ից ավելի մշակութային ծրագրեր։
Նա նշել է, որ Շվեյցարիան, լինելով Հայաստանում ներդրում կատարող գլխավոր 15 երկրներից մեկը, շարունակելու է իր առաքելությունը՝ ի նպաստ երկրի բարգավաճմանն ու ժողովրդավարական ինստիտուտների կայացմանը։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
«Պաշարների շտեմարան» նոր կայքում, որի գործարկման մեկնարկը https://lib.armedu.am/ հասցեում տրվեց 2022 թվականին, տեղադրվել է արդեն 18 000-ից ավելի կրթական էլեկտրոնային պաշար: Կայքում բացվել է Կրթական տեխնոլոգիաներ բաժին, որտեղ տեղադրված են…
Ուսուցչի օրվա առթիվ մի խումբ մանկավարժներ և ոլորտի ներկայացուցիչներ պարգևատրվել են ԿԳՄՍ նախարարի կողմից ՀՀ կրթության, գիտության, մշակույթի և սպորտի նախարարությունը Ուսուցչի միջազգային օրվա առթիվ պարգևատրել է ոլորտի մի խումբ…
Ողջույն, հայգելի գործընկերներ: Օրեր առաջ սոցիալական մեդիահարթակներում մի փոքրիկ հարցում անցկացրեցինք պարզելու համար՝ հասարակությանը առավել հետաքրքրող թեմաները: Հարցումների արդյունքում ընտրվեց այսօրվա մեր քննարկվելիք թեման՝ ինչո՞ւ է երեխան դպրոցից գնում կրկնուսույցի…
<<Կրթությունը պատմելը և պատմություններ լսելը չէ․ այն ակտիվ և կառուցողական գործընթաց է>> Ջոն Դյուի Նախագծերի մեթոդը (Project methods (http://education.stateuniversity.com/pages/2337/Project-Method.html)) ուսուցման համակարգ է, որի ընթացքում սովորողները գիտելիքներ, կարողություններ, հմտություններ են ձեռք…
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
