2017 թ. փետրվարի 9-ին Ալավերդու Սայաթ-Նովայի անվան թիվ 8 ավագ դպրոցում 8-րդ դասարանի հայոց լեզվի և գրականության ուսուցչուհի Մարինե Մարգարյանը համակարգչային սենյակում անցկացրեց «Ավետիք Իսահակյան» թեմայի ամփոփման դաս: Ծրագրային ստեղծագործությունների ամփոփումից հետո ցուցադրվեցին Ֆանտանի միջնակարգ դպրոցի կայքում տեղադրված Ավետիք Իսահակյանի «Մելքոն վարժապետը», «Պանդուխտ որդին», «Մոր սիրտը», «Կյանքից թանկ բանը» ստեղծագործությունների վերաբերյալ աշակերտների ստեղծած տեսահոլովակները, որոնք հաղթող էին ճանաչվել Ավ. Իսահակյանի տուն-թանգարանի և «Ոզնի» համակարգչային մրցույթ ծրագրի հետ համատեղ կազմակերպած «Ավ.Իսահակյանի հեքիաթներն ու առակները» համակարգչային մրցույթում:
Այս դիտումը նպաստեց աշակերտների գեղագիտական ճաշակի ձևավորմանը, Իսահակյանի ստեղծագործությունների նկատմամբ հետաքրքրվածության մեծացմանը, աշակերտների շրջանում նմանատիպ նյութեր ստեղծելու ցանկության առաջացմանը և հեղինակի ստեղծագործությունների արժևորմանը, ինչպես նաև հանրապետության տարբեր մարզերի դպրոցների միջև կապի ստեղծմանն ու ամրապնդմանը:
Հեղինակ` Մարինե Մարգարյան