ԿԳՄՍ նախարարի տեղակալ Կարեն Թռչունյանն աշխատանքային հանդիպում է ունեցել բարձրագույն ուսումնական հաստատությունների պրոռեկտորների և այլ ներկայացուցիչների հետ:
Հանդիպմանը ներկա են եղել նաև Բարձրագույն և հետբուհական մասնագիտական կրթության վարչության աշխատակիցները:
Օրակարգային հարցերն էին՝ «Բարձրագույն ուսումնական հաստատություններում ուսումնառության կազմակերպման առկա և հեռակա ձևերից անցում դեպի ուսանողի տարեկան, ուսումնական լրիվ կամ մասնակի բեռնվածությամբ համակարգի ներդրում», «Բարձրագույն ուսումնական հաստատությունների գործունեության կատարողականի արդյունքային ցուցանիշների (KPI) մշակում և ներդրում», «Ուսանողների գիտելիքների գնահատման նվազագույն շեմերը փոփոխելու միասնական/ընդհանրական շեմերի սահմանում», «ՀՀ կառավարության 2006 թվականի հուլիսի 27-ի № 1183-Ն և 2020 թվականի հունիսի 18-ի № 1035-Ն որոշումների կիրառման հետ կապված հարցեր»:
Քննարկման նպատակը «Բարձրագույն կրթության և գիտության մասին օրենքի» հիմնական ուղղությունների հստակեցումն էր, խնդիրների վերհանումն ու հնարավոր լուծումների առաջարկը:
«Բուհական ոլորտում նախատեսվում են համակարգային փոփոխություններ՝ ըստ շրջանառվող նոր օրենքի: Դրանից բխող որոշակի գործառույթներ կան, որոնք պետք է իրականացնել՝ նախապես հասկանալով ռիսկերն ու հնարավորությունները»,- ասել է նախարարի տեղակալ Կարեն Թռչունյանը:
Անդրադառնալով օրակարգի առաջին հարցին՝ Կ. Թռչունյանն առաջարկել է բուհերի ներկայացուցիչներին ներկայացնել իրենց մոտեցումները՝ մատնանշելով, թե ուսումնական լրիվ կամ մասնակի բեռնվածությամբ համակարգի ներդրումը յուրաքանչյուր բուհի համար որքանով է հնարավոր: Ըստ պրոռեկտորների, որոշակի ռիսկերով և դժվարություններով հանդերձ՝ համակարգը բուհերում կարող է գործել: Մասնավորապես ընդգծվել են արվեստի և բժշկական բուհերի առանձնահատկությունները, որոնցով պայմանավորված՝ գուցե ոչ բոլոր մասնագիտացումներում հնարավոր լինի տվյալ համակարգը կիրառել:
Առաջարկվել է բուհական ոլորտում բարեփոխումների ճանապարհին իրականացնել պիլոտային ծրագրեր՝ խնդիրներն առավել տեսանելի դարձնելու և լուծման ուղիները գտնելու նպատակով:
Բարձրագույն ուսումնական հաստատությունների գործունեության կատարողականի արդյունքային ցուցանիշների (KPI) մշակման հարցում փոխնախարար Կ. Թռչունյանը նշել է, որ ակնկալվում է՝ բուհերն իրենք էլ կներկայացնեն որոշակի բանաձևեր, որոնք կքննարկվեն և ըստ արդյունքի՝ կներդրվեն: Կարևորվել են միջազգային փորձի ուսումնասիրումը, ինչպես նաև դրանց տեղայնացումը` ըստ անհրաժեշտության: Կ. Թռչունյանը տեղեկացրել է, որ նախատեսվում է նաև ձևավորել աշխատանքային խմբեր՝ բուհերի գործունեության կատարողականի արդյունքային ցուցանիշների մշակման նպատակով:
Որպես ուսանողների գիտելիքների գնահատման նվազագույն միասնական/ընդհանրական շեմ՝ առաջարկվել է 50 միավորը: Այս հարցի շուրջ ներկաները առաջարկել են որոշակիորեն բարձրացնել միավորային շեմը՝ հիմք ընդունելով գիտելիքի տիրապետման նվազագույն սահմանը: Կարեն Թռչունյանը կոչ է արել հանդես գալ գրավոր առաջարկներով՝ հիմնավորելով դրանք:
Քննարկվել են նաև կրթաթոշակների տրամադրման իրավական հիմքերին, ՊՆ-ի կողմից ռազմական վերապատրաստումների մասնակցող ուսանողների կրթությանն առնչվող մի շարք հարցեր:
«Նմանօրինակ հանդիպումները պետք է լինեն շարունակական՝ առանցքային խնդիրների շուրջ համատեղ աշխատելու և արդյունքի հասնելու համար: Դուք՝ որպես բուհ, և մենք՝ որպես պետական լիազոր մարմին, պետք է շարժվենք միևնույն ուղղությամբ և գնանք առաջ»,- ամփոփելով հանդիպումը՝ ասել է ԿԳՄՍՆ փոխնախարարը:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Հարգելի ուսուցիչներ,սիրով Ձեզ եմ ներկայացնում իմ թեման՝ << Գեղարվեստական ստեղծագործությունների ուսուցումը տարրական դասարաններում>>:Տարրական դասարաններում գեղարվեստական ստեղծագործությունների ուսուցումն ունի մի շարք առանձնահատկություններ: Դրանց նկատառմամբ և ճիշտ գործադրմամբ աշակերտների կողմից թեմայի յուրացումը…
ՀարգելիÕœ, ուսուցիչներ սիրով Ձեզ եմ ներկայացնում իմ թեման<<Ինչպե՞ս ուսուցանել բանաստեղծությունը տարրական դասարաններում>>:Ինչպես գրականության մեջ իրականության երևույթների արտացոլումը թերի կլիներ առանց քնարերգության, այնպես էլ դպրոցը չէր կարողանա իրագործել իր առջև դրված…
Գնահատել նշանակում է որոշել գիտելիքների,հմտությունների,արժեքների և դիրքորոշումների մակարդակը,որոնք սահմանված են ուսումնական առարկաների չափորոշիչներով: Այսօր հանրակրթական դպրոցներում գոյություն ունեն գնահատման երկու փոխկապակցված ձևեր՝ձևավորող և միավորային:2021թ.-ին,երբ դպրոցներում նոր էր ներդրվելու ձևավորվող գնահատման…
Բոլորիս քաջ հայտնի է, որ ընթերցանությունը ծնում է երեխաների մտավոր և հոգևոր զարգացման հիմքերը, և դրա դերը տարրական դպրոցում անհամեմատ կարևոր է: Այս փուլում ձևավորվում են երեխայի առաջին ընթերցողական հմտությունները,…
Բոլորիս քաջ հայտնի է, որ ընթերցանությունը ծնում է երեխաների մտավոր և հոգևոր զարգացման հիմքերը, և դրա դերը տարրական դպրոցում անհամեմատ կարևոր է: :Այս փուլում ձևավորվում են երեխայի առաջին ընթերցողական հմտությունները,…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ