Փետրվարի 19-ը Հայաստանում հռչակված է` «Գիրք նվիրելու օր»: Այս տոնը հիմնվել է Հայաստանի գրողների միության նախագահ Լևոն Անանյանի որոշմամբ, ինչի մասին նա հայտարարել է 2008 թ.-ին: Գրքի տոնն այսօր նշելը պատահաբար չէ ընտրված: 1869 թ.-ի այս օրը Լոռվա Դսեղ գյուղում ծնվել է տաղանդաշատ գրող, բանաստեղծ, հասարակական գործիչ Հովհաննես Թումանյանը: Տոնի առթիվ Ենոքավանի միջնակարգ դպրոցի 9-10-րդ դասարանի աշակերտները Հայոց լեզվի և Հայ գրականության ուսուցչուհի՝ Աննա Իսախանյանի նախաձեռնությամբ, դպրոցի գրադարանում կազմակերպել էին գեղեցիկ միջոցառում: Աշակերտները ջանք ու եռանդ չէին խնայել ցուցադրելու իրենց մեծ սերը` գրքի եւ Հայ դասականի հանդեպ: Միջոցառմանը ներկա էին ուսուցիչներ, ծնողներ և աշակերտներ: Միջոցառման վերջում գիրք նվիրելու տոնի առթիվ աշակերտները դպրոցի տնօրեն՝ Ա. Ղազարյանին նվիրեցին գիրք:
Ենոքավանի միջնակարգ դպրոց