ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանը մասնակցել հունիսի 15-17-ը Մարաքեշում (Մարոկկոյի Թագավորություն) տեղի ունեցած Մեծահասակների կրթության յոթերորդ համաժողովին, որն անցկացվում է ՅՈՒՆԵՍԿՕ-ի հովանու ներքո:
Ժաննա Անդրեասյանը հանդես է եկել ելույթով` անդրադառնալով թվային դարաշրջանում մեծահասակների ուսումնառության (ուսուցման) և կրթության ոլորտում առկա մարտահրավերներին և հնարավորություններին: Նախարարի տեղակալն այս համատեքստում ներկայացրել է COVID-19 համավարակի ընթացքում առաջացած դժվարությունների հաղթահարման նպատակով համայնքային ուսուցման կենտրոնների ստեղծման հայաստանյան փորձը:
Կարևորելով մեդիագրագիտության հմտությունների աճող անհրաժեշտությունը՝ Ժաննա Անդրեասյանն անդրադարձել է Հայաստանում DVV International-ի աջակցությամբ կատարված հատուկ ուսումնասիրությանը, որի արդյունքում պարզվել է, որ մեծահասակների շրջանում խնդիրն առավելապես ոչ թե գիտելիքի կամ տեղեկատվության, այլև հմտությունների բացակայությամբ է պայմանավորված:
«Անհրաժեշտ հմտությունների զարգացումը սերտորեն կապված է աշխատանքի տեղավորման հետ: Այդ հմտությունները ձևավորվում են աշխատանքի ընթացքում, ինչը նշանակում է, որ մեդիագրագիտությունը` որպես պարտադիր բաղադրիչ, պետք է ներառենք մասնագիտական զարգացման գործընթացում, ինչպես որ դա անում ենք, օրինակ, ուսուցիչների մասնագիտական զարգացման ծրագրերի դեպքում»- նշել է Ժաննա Անդրեասյանը։
ՀՀ ԿԳՄՍ նախարարի տեղակալը կարևորել է նաև ֆինանսական գրագիտության խնդիրը` ընդգծելով, որ դրա շնորհիվ մարդիկ կարող են պաշտպանվել նոր ռիսկերից:
«2021 թ. մենք սկսել ենք նոր ծրագրեր՝ ուղղված կանանց և գյուղական բնակավայրերի բնակչության ֆինանսական գրագիտության բարձրացմանը՝ հիմնվելով վերջին տասնամյակի ընթացքում դպրոցական մակարդակում իրականացվող ֆինանսական գրագիտության ծրագրի դրական արդյունքների վրա»,--տեղեկացրել է Ժաննա Անդրեասյանը:
Նախարարի տեղակալը, ամփոփելով խոսքը, շեշտել է, որ մեծահասակների կրթությունը և ուսուցումը, ինչպես նաև համապատասխան օրենսդրական փոփոխությունների առաջարկներն ամփոփված են Հայաստանի Հանրապետության պետական ռազմավարական փաստաթղթերում, ինչը փաստում է Կառավարության` այս ուղղությամբ առաջընթաց գրանցելու վճռականությունը:
Մեծահասակների կրթության յոթերորդ համաժողովի արդյունքում ընդունվել է կոմյունիկե` հաջորդ 12 տարիների գործողությունների շրջանակի վերաբերյալ:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ե՞րբ օգտագործել գնահատման աղյուսակը (ռուբրիկը) Ռուբրիկներն օգտագործվում են՝ 1. թիրախային թեմայի շուրջ աշակերտների կատարած հետազատության/ էսսեի գնահատման դեպքում: 2. ելույթի/պրեզենտացիայի գնահատման դեպքում: 3. հաղորդակցման հմտությունը, թիմով աշխատելու կարողունակությունը գնահատելիս: 4.…
Գնահատում Կրթական գնահատումը ուսումնական գործընթացի արդյունավետության և ուսուցման արդյունքների բացահայտման միջոց է; / Տես՝ Հանրակրթության պետական կրթակարգ. Միջնակարգ կրթության պետական չափորոշիչ, Երևան, «Անտարես», 2004/ Գնահատմամբ պարզվում է սովորողների և դպրոցների…
Դասի պլան Ես և շրջակա աշխարհը առարկայից Կաղապարի լրացման տեսաուղեցույց (https://drive.google.com/file/d/1MoCO3pXvgd4B8yHtapHUo24WDNtygZrw/view?usp=drive_link) Մեթոդական ուղեցույց (https://docs.google.com/document/d/1wL56E_w6CSzWXB__VmKmF4iMi8trsQGs/edit?usp=sharing&ouid=108287337791459882737&rtpof=true&sd=true)
Հարգելի ուսուցիչներ, «Պարզաբանումներ» թեմայում Ֆորումի ադմինիստրատորները՝ Մարի Գասպարյանը (https://forum.armedu.am/member/9113-%D5%B4%D5%A1%D6%80%D5%AB-%D5%A3%D5%A1%D5%BD%D5%BA%D5%A1%D6%80%D5%B5%D5%A1%D5%B6) և Արփինե Քիրիշյանը (https://forum.armedu.am/member/14139-arpi-kirishyan), կպատասխանեն ձեզ հետաքրքրող հարցերին:
Նոր նյութի ներկայացում Նոր նյութի բացատրության ժամանակ պետք է հաշվի առնել այն հանգամանքը, որ աշակերտը միանգամից չի կարող շատ բան սովորել: Ըստ գիտական հետազոտությունների` Նոր նյութի հաղորդման ժամանակ կարևոր է…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
